Ahlu Sunna By SYAO NBO

Kulankan oo diirada lag saarayey isbadaladi ugu dambeeyey ee dalka gudihiisa ka dhacay iyo kaalinta Ahlusunah ayaa waxaa soo qabanqaabisay hay’ada arimaha dhalinyarada ka shaqeysa ee SYAO.

Kulanka ayaa waxaa ka qeybgalay culumaa’udiin caan ka ah dalka Soomaaliya oo uu ka mid ahaa Shiikh Cismaan Xidig oo si weyn loogu qadariyo fidinta diinta islaamka iyo abuurida xer fara badan oo daafaha Soomaaliya  ah .

Kulanka ayaa marka ugu horeysa waxaa ay culumaa’;diinka Ahlusunah ku taageereen hawlgalka cusub ee ay dawladaha dariska ku qaadeen maleeshiyaadka Al-Shabab gaar ahaan kuwa ay ciidamada Kenya ka wadaan gobolada Jubooyinka iyo Gedo.

Max’ed Xuseen Owliyo afhayeenka Ahlusuanh ee Yurub ayaa ka sheegay madasha in Ahlusunah ay soo dhaweyneyso cid walba oo Shabab dalka ka xureyneyso isagoo sheegay in dagaalka uu yahay mid bilaw ah ayna wadi doonaan ilaa Shabab laga saaro dalka .

mr Owliyo waxaa uu uga mahad celiyey SYAO kaalinteda wacyigalineed  ee ku aadan in dhalinta aysan qaadan fikradaha la soo minguuiyey ee Wahabiyisamka ah , waxaana uu sheegay hadii Shabab laga adkaado inuu jiri doono dagaal kalew oo u baahan in fikradoodina dalka laga suuliyp.

Shiik Sharde Mire oo k mid ah isna caalimiinta Ahlusunah ayaa farta ku goday in looga adkaan karo fikradaha fasaadka in dhalinyarada la wacyigaliyo .

Sidoo kale afhayeenka Ahlusunah ee Hiiraan Shiikh bashir Shiikh Cilmi ayaa soo dhaweeyey dhinaciisa duulaanka cusub ee loogaxureynayo G/hiiran kooxda Shabab , waxaana uu dadka reer Hiiraan ugu baaqay in ay taageeraan ciidamada dawladda ee kaabiga ku haya magaalada.

Sidoo kale kulanka ayaa waxaa goob joog ka ahaa xildhibaano ka tirsan barlamaanka Soomaaliya, waxaana magacooda ku hadlay xildhibaan Yasin Bucul oo sheegay in Ahlsunah ay ciyaarayaan dawr muhiim ah sidii dalka lo xasilin lahaa , waxuuna ku amaanay iney u soo jeeesteen difaacida dalka.

kulanka oo ay ka qeybgaleen dad ka badan  350 qofood waxuu ku soo beegmayaa xili dawladaha Kenya iyo Ethopia ay wadaan guluf ka dhan ah kooxda Shabaab .

Kulankan ayaa ah nuuciisa midki ugu weynaa ee Nairobi ka dhaca iyadoo Culumaa’udiinka Ahlusunah ay muujiyeen sida ay siyaasad ahaan ugu go’antahay iney la dagaalaan Shabaab ayna taageeraan dalalka ku soo biiray hawlgalka.

Ururarada bulshada rayidka Muqdisho ayaa u muuqda kuwodhiiragalinaya ciidamada xooga dalka ee maalmahan guulaha is daba jooga ah kagaarayey dagaaladi ay la galeen kooxda shabaab.

Gudoomiyaha ururka dhalinyarada SYAO Max’ed Ibrahim CaliCajiib oo ay wehliyaan haweenka Muqdisho ayaa si wadajir ah waxaa ay booqashougu bixiyeen furumaha dagaalka si ay ciidamada ugu dhiiragaliyaan dagaalkashabab Muqdisho looga xureynayo.

Max’ed Cajiib oo saxaafada kula hadlay jiidaha ayaa ugamahad celiyey ciidamada geesiyaasha ee xooga dalka sid ay waji ka waji uhortaaganyihiin maleeshiyaadka argagaxisada Shaba bee ku xiran Al-Qacida.

Gudoomiyaha SYAO waxaa safarkiisa ku wehlinayey Ubax TahliilWarsame , Jawaahir Barqaab iyo haween fara badan , waxaana ay gaarsiiyeen ciidamadadeeqo isugu jira Ari , cabitaano , iyo bustayaal ay ka galaan qaboga habeenkimaadama ay goobo cidlaha jiifaan.

Booqashadan xubanaha bulshada rayidka ku tageen waxaa aymuujineysaa sida bulshada Muqdisho ay uga go’antahay taagerada ay u hayaan dawladdaSoomaaliya ee dagaalada kula jirta kooxda Shabab.

Ciidammada Dowladda Soomaaliya ee ku sugan gobolka Gedo ayaa maanta Howlgal ku qaaday goob ay isbaaro u taalay Maleeshiyo ka tirsan kooxda Khawaarijta ah ee Al-Shabaab.

Goobta ay Ciidammada Dowladda Soomaaliya maanta howlgalka ka fuliyeen ayaa 20KM u jirta magaalada Garbahaareey ee xarunta gobolka Gedo waxaana Ciidammada u suurto gashay inay la wareegaan gacan ku heynta goobta ay Maleeshiyada Shabaabka horey Jidgooyada u dhigteen.

Gudoomiyaha maamulka gobolka Gedo Mudane Maxamed Cabdi Kaliil oo wareysi siiyey Radiyaha dowlada ayaa tilmaamay in howlgalka uu guul kusoo dhamaaday Maleeshiyadii Isbaarada u taalayna ay badankood goobtaasi ku dileen halka ay Ciidammadii howlgalka fuliyeyna Laba ka mid ah goobta iyana ku nafwaayeen.

Mudane Maxamed Cabdi Kaliil ayaa tilmaamay in Ciidammada howlgalkan fuliyey ay ka mid yihiin Ciidammo dhowaan tababar loosoo xiray kuwaasi oo ka qeyb qaadanaya howlgalka gobollada Koonfur Galbeed looga sifeynayo Maleeshiyada Shabaab arrintaasoo in mudo ahba diyaar garow xoog leh loogu jiray.

Howlgalkan maanta ay Ciidammada Dowladda ka fuliyeen duleedka degmada Garbahaareey ee xarunta gobolka Gedo ayaa qeyb ka ah howlgallo ay dhowr jeer isla  gudaha gobolkaasi ka sameeyeen Ciidammada Dowladda kuwaasi oo lagu bartilmaameedkoodu ahaa goobaha ay Maleeshiyada Shabaab Isbaarooyinka dhigtaan.

Wasiirka arrimaha dibbadda dalka Turkiga Axmed Da’ud Oogle oo warbaahinta la hadlay asagoo ku sugan magaalada New York oo uu uga qeyg qgalay shir gaar ah oo arrimaha bini’aadanimada  Soomaaliya looga hadlayay ayaa waxaa uu ugu horeyn sheegay in xukuumadiisu ay safaaradeeda ka furanayso Soomaaliya todobabaadkaan gudahiisa.

Wasiirka waxaa uu sheegay inay Soomaaliya ka fulinayaan hawl badan oo dhinacyo kala duwan taabanaya sida u gar gaarida dadka dhibaateysan ee ay sida weyn u saameeyeen abaaraaha iyo macaluusha dalka ka jirta iyo sidoo dib u dhis lagu sameynayo goobaha muhiimka ah ee Muqdisho ku yaala.

Axmed Da’ud wasiirka arrimaha dibbadda Turkiga waxaa uu warbaahinta u xaqiijiyay in kulanka uu ka qeyb galay oo ka sheegay in Soomaalidu xilligaan u baahantahay gacan dhab oo lagu caawiyo waxaana uu intaa ku daray in safaarada ay Muqdisho ka furanayaan ay wax badan ka tari doonto kaalmada ay Soomaalida ugu talo galeen.

Sidoo kale wasiirku waxaa uu xusay inay dalka keenayaan shirkado dayac tir ku sameeya dhismooyinka dalka si gaar ah waxaa uu carabka ugu dhuftay  aqalka golaha shacabka ee ay haatan ku shiraan xildhibaanada baarlamaanka KMG.

Soomaaliya ayaa noqonaysa dalkii Sadexaad oo bariga Africa ku yaala oo Turkigu safaarad ku leeyahay waxaana uu horey safaarado uga furtay wadamada Kenya iyo Uganda.

Dalka Turkigu waxaa uu ka mid yahay wadamada dunida Muslimka ee u soo gurmaday bulshada Soomaaliyeed ee la dhibaateysan macaluusha iyo abaaraha.

Madaxweynaha Jamhuuriyadda Soomaaliya mudane Sheekh Shariif Sheekh Axmed ayaa maanta xarunta maamulka B/Banaadir kaga qeybgalay Munaasabad lagu maamuusayay nabadda ka aslaaxday Muqdisho iyo howlgallada ciidamada.

Munaasabaddaasi oo ay ka soo qeybgaleen dadweyne aad u farabadan oo ka kala yimid degmooyinka gobolka Banaadir iyo mas’uuliyiinta maamulka gobolka ayaa Madaxweynuhu ka jeediyay qudbad qiimo leh oo taabaneysay dhinacyada Amaanka, nadaafadda iyo dib u dhiska.

Madaxweynaha ayaa ciidamada qalabka sida ugu hambalyeeyay guulaha ay ka gaareen howlagallada ay ka wadaan dalka isagoo tilmaamay in ay guteen waajib qaran iyo mid Diini ah.

“waxaan ku jirnaa marxalad taariikhi ah Labaatan sanno oo amni darro ah kadib Waxaan dul taagannahay nabad iyo dowladnimo soo ifeysa, nabaddana waxey u Baahantahay in la adkeeyo waxyaabaha lagu adkeeyana waxaa ka mid ah Nadaafadda, dib u dhiska, iyo isku xirnaanta dadka  nabada ma sugi karaan Ciidamada oo kaliya haddi aysan shacabku gacan ka geeysan”ayuu yiri Madaxweyne Shariif oo la hadlayay shacabka.

Madaxweynuhu waxa uu sheegay in la billaabayo olole lagu nadiifinayo Muqdisho isagoo ku booriyay shacabka in nadaafadaasi si wada jir ah looga qeyb qaato si ayuu yiri an deegaankeenna u nadiifsanno.

Madaxweynaha ayaa maalmihii la soo dhaafay waday booqashooyin uu ku tagayay xarumaha kala duwan ee ciidamada qalabka sida,  cisbitaalada iyo Degmooyinka G/banaadir isagoo u kuurgalayay howlaha ka socda halkaasi iyo xaalada dhabta ah ee ka jirta.

Sida ay sheegayaan wararka ka imaanaya Gobalada Sh/ hoose iyo Bay waxaa cirka isku sii shareeya xiisad udhaxaysa maleeshiyaad kala taabacsan horjoogayaasha ugu sareeya Maleeshiyada Shabaab kuwaas oo maalmihii danbe si wayn usoo xoogaystay

Ilo wareedyo ku sugan Degmada Wanla-wayn ayaa inoo sheegay in maleeshiyaad fara badan oo ka yimid dhanka Gobalka Bay ay soo buux dhaafiyeen  degmooyinka Afgooye iyo wanla-wayn kuwaas oo isku diyaarinaya in ay ka hortagaan maleeshiyaad kale oo la sheegay in lagu abaabulayo deegaanada loo barakacay ee duleedka Magaalada Muqdisho.

Xiisadda ayaa udhaxaysa horjoogayaal iskhilaafsan oo kala taabacsan Mukhtaar Rooboow iyo Axmed Cabdi Godane, waxaana la sheegay in godane oo adeegsanayo horjoogayaal ay isku deegaan kasoo jeedaan Mukhtaar Rooboow oo la dhacsan aragtida Axmed Godane.

Khilaafkaan ayaa gacan ka hadal isku bedelay ka dib markii lagu guuldaraystay dadaalo ay wadaan horjoogayaal kale iyo shakhsiyaad taageera afkaarta kooxda, waxaana dilal dhex maray labada kooxood oo ka dhacay gudaha Baydhabo dhawr habeen ka hor ay keeneen  in ay isku hub urursi bilaabaan koxahaan k maleeshiyada alshabaab ka tirsan.

Kooxda Mukhtaar Rooboow waxaa ay xarun ka samaysteen deegaanka Calamada ee Gobalka Sh/ hoose halkaas oo maalmihii lasoo dhaafay ay ka wadeen abaabul xooggansi  ay mar kale dib ugu laabtaan Magaalada Baydhabo oo ah halka hadda la isku hayo ee ugu wayn maadaama kooxda godane ay doonayaan in ay ka sal-kiciyaan Rooboow iyo maleeshiyaadkiisa Magaalada Baydhabo oo saldhig muhiim ah marla ;oo eego Roobow iyo kooxdiisa.

Markii ay ka warheshay kooxda Godane abaabulka calamada ay ka wadaan Rooboow iyo maleeshiyaadkiisa ayay iyana maleeshiyaad farabadan soo dhoobeen wadada isku xirta Sh/ hoose iyo Baydhabo  si aysan isugu gurman kooxda Rooboow waana  taas sababta ay hadda isugu tixeen wadada laamiga ah gaar ahaan deegaanada udhexeeya Afgooye iyo walnla-wayn

Dadka ku safraya wadadaas ayaa sheegay in ay dareemayaan xaalad baqdin ah iyagoo intaa ku daray in ay arkayeen maleeshiyaad umuuqda kuwo ku cusub goobta oo si teel teel ah utaagan dhancyada wadada laamiga ah kuwaas oo wajigu uu uxiranyahay isla markaana si feejignaan leh u eegaya baabuurta iyo dadwaynaha.

Khilaafka udhexeeya Mukhtaar Rooboow iyo Axmed Cabdi Godane maahan mid cusub oo waxaa uu soo jiitamayay muddo sanado ah laakiin hadda waxa sii xumeeyay xaaladda Axmed godane uu mudooyinkii danbe isku dayay in uu soo saaro horjoogayaal ay isku hayb yihiin, si uu ugu ciriirigaliyo goobaha ay gacanta ku hayeen maleeshiyaadka Rooboow ee gobalada bay iyo bakool, isagoo ugu danbayna Magaalada Baydhabo gudaha ugaliyay horjoogayaal watta maleeshiyaad iyo gawaari dagaal oo dul dagay kuwii Muqtaar Rooboow, waxaana sidoo kale uu Magaalada baydhabo Axmed godane geeyay maleeshiyaadka fuliya dilalka qarsoodiga ah ee isaga sida tooska ah u hoostaga oo durba dilal ugaystay shakhsiyad ay isku dhawyihiin Rooboow ilaa markii danbe ay kooxda godane ku qasabtay kooxda Rooboow in ay Magaalada ka baxaan xaalad cabsi ah awgeed, Rooboow dhankiisa waxaa uu mashquul ku yahay in uu kooxda dhexdeeda ka samaysto isbahaysi ka kooban horjoogayaasha shabaab ee sida kala gaar-gaarka ah ugu kacsan godane waloow intooda badan aanay ku dhicin in ay cadaystaan mwqifkooda cabsida ay ka qabaan godane awgeed ,laakiin caqabada haysata Rooboow ayaa ah in uusan  wali helin horjoogayaal cadaysta aragtidooda oo isla gooni yeela.

Is ugaarsigaan ayaa waxaa lagu yaqaanaa ururada maafiyada haddi ay kala shakiyaan, waxaana la saadaalinayaa in dagaal culus uu dhex mari doono labadas garab oo u muuqda in ay sii kala fogaanayaa, Waxaana meesha ka baxday wax kasta lagu hishiisiin karo ama lagu xallin karo khilaafkaan hadda taagan.

Ciyaar K/Cagta ah  oo lagu maamusayey maalinta nabada aduunka ayaa manta lagu qabtay degmada Xamar Jajab ee magaalada Muqdisho iyadoo ciyaartaas daawashadeeda ay ka soo qeybgaleen boqolaal dadweyne  xildhibaano , gudoomiyaha degmada Xamar Jajab iyo saraakiil  ka socotay SYAO .

Ciyaarta oo ay soo wada qabanqaabiyeen ururka Somali Youth Advocacy Organization (SYAO) iyo ururka badbadada isbooriga ayaa looga gol lahaa sidii dhalinyarada Soomaaliyeed loo dareensiin lahaa in nabada ay tahay furo wax walba dhalinyaradana looga baahanyahay iney horseedaan.

Ciyaarta oo ay ka qeybgalayeen 4-kooxood  ayaa waxaa qeybti hore ciyaarta isaga horyimid wiilal aad u da’yar oo ku kala ciyaarayey magacyada kooxaha Jooni Happy iyo Gaheyr .

Kooxda jooni Happy ayaa ku guuleysatay goolal dhan 3 halka Gaheyr ay dhalisay hal gool saasna waxaa ku badisay kooxda Jiini Happy.

Qeybti labaad ee ciyaarta ayaa waxaa wada ciyaaray wiilal ku cayaarayey kooxaha Batroolka iyo Minishiipiyo ahna kooxo barisamaadki ka jiri jiray Soomaaliya , ciyaartaas waxa 4 gool ku badiyey kooxda magaca Batroolka ku cayaareysay halka kooxda Minishipiyo ay la timid 2 gool.

Mowliid Macaani Max’ud oo ah xildhibaan ka tirsan barlamaanka ahna rugcadaa Isboorti ayaa gabagabdi khudbad uu jeediyey waxaa uu u mahad celiyey ururka badbaadada iyo SYAO sida ay u abaabuleen ciyaarahaas lahgu maamusayey maalinta nabada aduunka , waxaana Mowliid oo koobabki gudoonsiiyey kabadi koox eek u guuleysatay.

Max’ed Muse Samatar oo ah gudoomiye ku xigeenka ururka badbaadada isboortiga Soomaaliyeed oo isna hadal jeedoiyey ayaa sheegay in ciyaartaas loo fiyaar garoobay mudo , waxaana uu u mahad dhamaan ka soo qeybgalayaashi ciyaarta iyo SYAO oo uu sheegay inuu uga mahad celinayo taagerada ay u heyso had iyo jeer bahda isboortiga.

Xasan Cali Geesey oo ka mid ah saraakiisha SYAO oo isna ka hadlay munaasabada ayaa ururka badbaadada iyo rugcadayaasha isugu tagay uga mahad celiyey sida ay ciyaartaas ula qabanqaabiyeen SYAO , waxaana uu tibaaxay in SYAO ay sharaf u tahay iney weyneyso manta oo kale oo ah maalinta astaant nabada.

Geesey ayaa sheegay in munaasabadana y ku soo aaday xili wali dalka qeybo ka mid ah ay ka jiraan dagaalo iyo colaado laakin waxaa uu dhalinyarada kula dardaarmay iney gacmaha is qabsadaan oo ay nabada ka shaqeeyaan.

Ciyaarta ayaa ku soo dhamaatay jawi farxad leh iyadoo dhamaan dadki soo xaadiray wajiyadooda laga aqrisanayey farxad ah iney u hamuun qabaan nabad.

Abaanduuliyaha ciidamada qalabka sida ee Dowladda KMG ah Jan. C/kariim Yuusuf Aadan Dhegabadan ayaa ka hadlay eedeymo loo jeediyay ciidamada Dowladda KMG ah oo ku saabsan inay bililiqeystaan raashinka gargaarka ah ee loogu talo galay dadka barakacayaasha ah.

Sidoo kale waxa uu Jan. Dhegabadan sheegay jawaabo ka bixiyay in ciidamada Dowladda KMG ah ay dhacaan guryaha ku yaala meelaha ay Shabaabku ka baxeen isla markaana ay jabsadaan albaabada, dariishadaha iyo lamayeeriga guryahaasi isla markaana rag gashan dareyska ciidamada iyagoo hubeysan dhac u geystaan dadka rayidka ah.

Waxa uu dheegay Abaanduuliyaha ciidamada Dowladda KMG ah Jan. C/Kariim Yuusuf Aadan (Dhegabadan) in eedeymaha loo jeedinayo ciidamada qalabka sida ay faafinayaan kooxo uu sheegay inay jid iyo jaho-diid yihiin iyo waliba dad damiirkoodu laciifay, wuxuuna caddeeyay in ciidamada Dowladda ay ku jiraan safka dagaalka, isagoona sheegay inuu dhaqan galay sharciga laga soo saaray xadgudubyada ciidamada ee Maxkamadda ciidamada.

“Kooxaha jid iyo jaho-diidka ah ayaa bililiqeystay guryaha dadka rayidka ah, ciidamada dowladda wararka ku tiri ku teenka ah ee laga sheegayo waa waxba kama jiraan” ayuu yiri Jan. Dhegabadan oo sheegay in kuwa tuutaha ciidanka gashan ee dhibaatada ka wada shacabka dhexdiisa aanay ka tirsaneyn ciidamada dowladda.

Waxaa kale oo uu sheegay abaanduulka ciidamada in kooxaha Shabaab ay jabeen, ayna jebinayaan haraadigooda ku sugan Muqdisho meel yar oo ka mid ah, hase yeeshee waxa uu sheegay degmooyinka ay joogaan haraaga maleeshiyada Al-Shabaab inay ka wadaan wacyi gelin, taasi oo uu sheegay in iyagu aanay marnaba dooneynin dagaallo iyo barakicinta dadweynaha degan degmooyinka Dayniile, Huriwaa iyo Suuqa Xoolaha.

Dhinaca kale Jan. C/Kariim Dhegabadan ayaa ka hadlay qorsheyayaasha Dowladda KMG ah ay ka wado guud ahaan dalka oo dhan, isagoona sheegay in magaalada Muqdisho iyo gobolada dalka si isku mid ah ay uga socdaan istiraatiijiyada Dowladda ku dooneyso inay dalka uga saarto haraaga maleeshiyada ururka Al-Shabaab.

“Waxaa socda qorshe lagu ciribtirayo haraadiga kooxaha jid iyo jaho-diidka ah, dhammaan ciidamada qalabka sidana baro ay isugu imaanayaan ayaa jirta” ayuu yiri Jan. Dhegabadan oo sheegay in mar dhow shacabka Soomaaliyeed ay dhadhamin doonaan neecaawda xornimo ugana baxayaan gumeysiga kooxaha jid iyo jaho diidka ah.

Ra’iisul Wasaaraha Soomaaliya Prof Abdiweli Mohamed Ali oo ka qeybgalaya shirkii guud ee Qaramada Midoobey ee sanadlaha ahaa ayaa la kulmay Wasiirka Arrimaha Dibedda ee dalka Talyaaniga Franco Frattini oo ay ka wada hadleen arrimo fara badan oo ay ka mid yihiin amniga, gar-gaarka bani’aadanimo iyo arrimaha siyaasadda.

Ra’iisul Wasaaraha Soomaaliya Prof Abdiweli Mohamed Ali iyo Wasiirka Arrimaha Dibedda ee Talyaaniga Franco Frattini waxey kala saxiixdeen heshiis horumarineed oo ay dowladda Talyaaniga ku fasaxeyso lacago ilaa 14, 956, 919 Euro ah (ku dhowaad 15 million euro) oo la xiriirtay heshiis ay labada dowlad horey u kala saxiixdeen 26kii November 1988 oo ku aadanaa inay Dowladda Talyaaniga siin doono deeq Dowladda Soomaaliya oo la xiriirtay dhiiri gelin waxsoosaarka dalka Soomaaliya. Heshiiskan waxuu oggolaanayaa in Dowladda Talyaaniga ay ku wareejineyso lacagtaas Dowladda Soomaaliya si loogu isticmaalo arrimaha horumarinta sida waxbarashada, biyo-gelinta, caafimaadka, beeraha iyo xanaanada xoolaha iwm.

Wasiirka Arrimaha Dibedda Talyaaniga Franco Frattini oo ka hadlay kulanka iyo shir-jaraa’id oo ay si wadajir ah u wada qabteen ayaa sheegay in Dowladd Talyaaniga ay ka go’antahay sidii loo xoojin lahaa xiriirka labada dal, isla markaana loo saacidi lahaa sidii dowladda ay u hirgelin laheyd mashaariicda muhiimka u ah shacabka soomaaliyeed. Sidoo kale Wasiirka waxuu uga mahadceliyey Ra’iisul Wasaaraha horumarka laga sameeyey dhanka amniga, dib-u-heshiisiinta iyo siyaaasadda ee Soomaaliya oo uu sheegay inay diyaar u yihiin inay sii waddaan caawinaaada dowladda soomaaliya. Wasiirka Arrimaha Dibedda ee Talyaaniga ayaa casuumaad rasmi ah u fidiyey Ra’iisul Wasaaraha Soomaaliya si u soo booqdo Talyaaniga isla markaana uu ula kulmo Ra’iisul Wasaaraha Talyaaniga Silvio Berlusconi.

Ra’iisul Wasaaraha Soomaaliya Prof Abdiweli Mohamed Ali ayaa u mahadceliyey Wasiirka Arrimaha Dibedda ee Talyaaniga iyo sida dowladda Talyaaniga ay u saacido dowladda iyo shacabka soomaaliyeed. Sidoo kale waxuu uga mahadceliyey dadaalka ay u galeen sidii maalinta Jimcaha 23ka Sept uu u qabsoomi lahaa kulan gaar ah oo loogu tala galay in beesha caalamka iyo Qaramada Midoobay ay si gaar ah uga wada hadlaan arrimaha Soomaaliya si xal loogu helo arrimaha Soomaliya, dowladdana looga saacido sidii ay amniga iyo kala danbeynta u soo celin laheyd.

Ra’iisul Wasaaraha Soomaaliya ayaa sheegay inuu aad ugu faraxsanyahay in Talyaaniga uu ka dhabeeyey ballanqaadkii 1988 ee ahaa inuu deeq siin doono Soomaaliya, isla markaana uu lacagihii uu intaas u hayey ay maanta saxiixaan inay u soo deynayaan shacabka soomaaliyeed.

Dood cilmiyeedkan oo ka qeybgaleen  dhalinyaro gaareysay 150 oo badankood ka mid ahaan jiray dhalinyaradi ay Shabab u isticmaali jireen dagaalada  magaalada Muqdisho ee looga guuleystay ayaa manta lagu qabtay hotelka Saxafi ee magaalada Muqdisho.

Doo cilmiyeedkan ayaa sidoo kale waxaa ka qeybgalay xildhibaano ka titrsan barlamaanka sida Bootaan Ciise Caalim , C/laahi Ghedi , Cali Garabey iyo Xasan Keynan iyadoo sidoo kale dhinaca culimada Ahlusunana uu joogay Shiikh Cali Shiikh Max’ud Shiikh Cali Dheere.

Xildhibaan Bootaan Ciise Caalim oo furay dood cilmiyeedka ayaa uga mahad celiyey SYAO doorkeeda wacyigalineed ee xaga dhalinyarada , waxaa uu sidoo kale u mahad celiyey dhalinyarada ka soo baxday Shaba bee fahmay waxa ay nabada tahay iyo in diinta si qaldan loo isticmaalayo.

Xildhibaan C/laahi Geedi ayaa dhinaciisa sheegay in mahad ilaahey ay tahay in dhalinyarrada ay soo fahmeen qaladaadka kooxda Shabab , isagoo tusaale u soo qaatay dhaqamada Shabab ee ah in wiilka ay leeyihiin soo dil labadaada waalid waa murtadiine taas oo uu ku tilmaamay mid kuw cusub dhaqamada Soomaalida .

Shiikh Cali Shiikh Max’ud oo ka mid ah culimada waaweyn ee Soomaaliya ayaa ka jeediyey isna dood cilmiyeedka muxaadaro diini aheyd oo uu ku fogaaday sida ay qaladka u tahay in qof is dilo ama uu dilo dad aan waxba ka galabsan.

Shikh Cali ayaa sheegay in qaladaadka diinta ay ka galeen Shabab ay horseeday in dhalinyarada ay ku fasahaadiyaan diinta iyagoo dan gaar ah ka leh.

Cabdi Colaad oo ah wiil dhalinyaro ah oo 14 jir ah  kana  soo baxay kooxda Shabab ayaa dooda ka jeediyey hadal uu ku dhiiragaliyey dhalinyarada ugana hadlay maraxalidihi dagaalada uu soo maray iyo qaababka ay Shabab u isticmaalaan dhalinyarada iyo falsafadaha ay dhageystaan.

Cabdi Colaad ayaa sheegay in isaga uu ka mid ahaa maleeshiyaadki Shabab ee ka ariminayey degmada Ceeldheer uuna madax uga ahaa halkaas Yusuf “Kabakutukade” , waxaa uu sheegay in uu diyaar u yahay inuu ka faaideystoi fursadaha ay dhalinyarada u heyso SYAO ee waxbarashada .

Gudoomiyaha SYAO Max’ed Ibrahim Cali

Gudoomiyaha SYAO  Max’ed Ibrahim Cali oo dood cilmiyeed bilaaw ilaa dhmaaad dhex taagnaa hoolka ayaa u balanqaaday Mr :Colaad iyo saaxibadiis ay SYAO ka bixin doonto qarashaadka waxbarashada maadmaa ay garteen iney badbaadiyaan dalkooda iyo dadkooda .

Waxa uu sheegay in doodan ay SYAO uga gol laheyd in ay siiso madal ay fikradahooda ku dhiibtaan dhalinyarada ka soo laabtay Shabab ee wadada wanaaga qaaday si codkooda loo gaarsiiyo kuwa wali ku jira furumaha ee sida qaldan xaabada loo shidanayo.

Mr :Cajiib waxaa uu sheegay in SYAO ay ka go’antahay iney laba jibaarto hawlheeda Muqdisho dhawaan ay soo wado barnaamijyo wacyigalineed oo fara badan.

Dood cilmiyeedki manta ayaa aheyd midi ugu horeysay ee nuuceeda ah la isuna keeno dhalinyaro horey Shabab uga titrsnaeyd si ay u helaan madal ay waayahooda uga sheekeeyaan.

Gudoomiyaha SYAO Max’ed Ibrahim Cali

Maxkamadda Ciidammada Qalabka Sida ee Soomaaliya ayaa gelinkii dambe ee maanta xukun dil ah ku xukuntay in kabadan Toban Askari oo ka tirsanaa Ciidammada Dowladda Soomaaliya kuwaasi oo badankood ayaga oo koox koox ah dilal u geysteen Askar iyo Saraakiil kale oo Dowladda ka tirsanaa.

Lix kamid ah Eedeysanayaasha galabta ay Maxkamadda Ciidamada Qalabka Sida ku riday Xukunka oo dhamaantood  ay kamid ahaayeen Ciidammada Dowladda Soomaaliya ayaa waxa ay ku eedeysnaayeen dil ay Lixdooda u geysteen Askari ka tirsanaa Ciidammada Dowladda taariikhdu markay ahayd  22-11-2010 falkaasi oo ka dhacay degmada Wadajir ee gobolka Banaadir waxaana dood dheer iyo markii maxkamaddu ay dhageysatay Marqaatiyadii la horkeenay waxaa ay Maxkamaddu  ku xukuntay Dil toogasho ah Lixdoodaba maadaama ay Falka dilka ah wada geysteen.

Sidoo kale Sideed kamid ah Eedeysanayaasha Maxkamadda Ciidammada Qalabka Sida Xukunka Kuriday oo iyana sidoo kale ka mid ahaa Ciidammada Dowladda Soomaaliya ayaa waxaa ay Ku eedeysnaayeen dil ay Wadajir ugu geysteen  Sarkaal kamid ahaa Saraakiisha Dowladda taariikhdu Markay ahayd 15-06-2011 Abaare 12kii habeennimo ayaga oo ku dhex dilay gurigiisa ayaa dood dheer iyo markii ay Maxkamaddu Dhageysatay Marqaatiyadii la horkeenay waxa ay Todobo ka mid ah Eedeysanayaasha Sideeda ah Maxkamaddu ku Xukuntay Dil Toogasho ah Maadaama ay Todobadooda dilka Wadajir Sarkaal ugu geysteenayadoo sidoo kalena Maxkamaddu ay sii deysay qofka Sideedaad oo wax dambi ah lagu waayey.

Maxkamadda Ciidamada Qalabka Sida ee Soomaaliya ayaa sidoo kale isla gelinkii dambe ee maanta waxa ay Xukun Dil ah Ku riday Askari ka tirsanaa Ciidammada Dowladda kaasi oo lagu soo eedeeyey in uu fal kufsi ah kula kacay gabar Soomaaliyeed oo ka mid ahayd Barakacayaasha kusoo Barakacay magaalada Muqdisho .

Riix Halkaan Si Aad U Dhageysato Codka Gudoomiyaha Maxkamadda Ciidamada Oo Xukunnada Ku Dhawaaqaya

Xukunnadan ay galabta Maxkamadda Ciidamada Qalabka Sida ee Soomaaliya ku riday Eedeysaneyaashaan oo dhammaantood dil lagu Xukumay ayaa waxa ay qeyb ka yihiin Xukunno mudooyinkan Maxkamaddu ku ridaysay Askarta Dambiyada dilalka iyo kuwa u dhigma gala ayadoo tan iyo intii Xukunnadan ay bilawdeen yaraaday dilalka inta badan magaalada Muqdisho ka dhici jirey.

Ciidamada Booliska wadanka Finland ayaa sheegay inay qabteen oo ay su’aalo weydiinayaan labo muwaadin oo Soomaali ah kuwaasoo looga shakisan yahay inay xiriir la leeyihiin kooxda  al-Shabab ee Soomaaliya ka dagaalama.

War ay boolisku sii daayeen shalay oo lagu qoray warbaahintain   dalka Finland ayaa waxaa lagu sheegay in magaalada caasimada ah ee Helsinki looga shakisan yahay inay dhaqaalo loogu  ururiynayay al-Shabab iyo inay ku lug yeesheen qorshe dhaliyaro loogu diyaariyay muwaadiniin Soomaali ah oo ay ciidamada ammaanak qabateen.

Haweeney afhayeenad ah oo Booliska Finland u hadashay laguna magacaabo Liinu Lehto-Seljavaara ayaa u sheegtay wakaaladda wararka ee AFP in labadaan muwaadin ee Soomaalida ah ay willi su’aalo weydiinayaan ciidamada amaanka waxaana ay intaa ku dartay in muddo baaritaano ku socdeen.

“Ilaa iyo bilawgii bishaan September ayaa daba gal lagu hayay waxaana loogu shakiyay inay dhaqaalo iyo agab kale ay ku taageereen maleeshiyaadka  Al-Shabab oo Soomaaliya ka dagaalanta” ayay tiri afhayeenadda booliska Finland Liinu Lehto-Seljavaara.

Xafiiska barista dambiyada ee dalkaasi ayaa sidoo kale soo saaray war ku saabsan in la helay xog muujinaysa in labadaan ruux ee Soomaalida ay mar isku dayeen inay Soomaaliya yimaadaan kadibna ay ka garab dagaalamaan Al-Shabab.

Soomaali badan oo ku nool wadamada dunida ayaa qaarkood loo xir xiray inay Al-Shabab xiriir la leeyihiin kuwa kalena baaritaano iyo maxkamadeyn ayaa u socoto waxaana ay arrimahaan soo shaac baxeen tan iyo markii ay soo baxeen warar sheegaya in dhalinyaro qurbo joog ah ay ka garab dagaalamaan ciidamada u dagaalama kooxda  Al-Shabab Ee ku sugan Soomaaliya.

Tartankan oo loogu magacdaray tartanka  mideynta degmooyinki G/Banaadir ee ku xirmay dagaalada ayna ka qeybgalayaan degmooyinka G/Banaadir ayaa waxaa maanta isaga horyimid labada degmo ee Hodan iyo C/Casiis.

Tartankan oo ay soo qabanqaabisay hay’ada arimaha dhalinyarada ka shaqeysa ee SYAO ayaa waxaa ka qeybgalay mas’uuliyiin ka tirsan xiriirka Soomaaliyeed , xildhibaano , ururada bulshada rayidka iyo dhamaan qeybaha bulshada G/Banaadir..

Pro:Max’ed Cumar Dalxa , Max’ed Cajiib gudoomiyaha SYAO iyo Saciid Mugambe gudoomiyaha xiriirka ayaa si wadajir ah koobka u furay .

Gudoomiyaha SYAO Max’ed Ibrahim Cali oo furay tartanka ayaa sheegay in SYAO ay uga gol leedahay tartanka in ay is dhaxgalaan dhalinyaradi ku kala xirantay dagaaladi Muqdisho ka socday labadii sano ee la soo dhaafay , waxaana uu sheegay in nasiib wanaag ay u tahay dhalinyarada in labada degmo ee Hodan iyo C/Casiis ay ahaayeen kuwo aanay dhalinyaradooda kubad ciyarin mudo dheer maadama deeganadaas ay heysteen kooxda Shabab .

Waxaa uu uu balanqaaday gudoomiyaha SYAO in koobab kale oo ka balaaran midka manta ayna ka qeybgalayaan degmooyinka ay qaban doonto SYAO sida ugu dhaqsaha badan.

Saciid Mugambe gudoomiyaha xiriirka Soomaaliyeed ee K/Cagta ayaa ku amaanay SYAO doorkeeda horumarinta dhalinyarada iyo isboiortiga , waxaana uu balanqaaday in xiriirka uu SYAO kala shaqeyn doono barnaamij walbaa oo isboorti.

Pro Dalxa oo ah xildhibaan ka tirsan barlamaanka ayaa isna ku sifeeyey tartankaas ay SYAO qabatay mid horseedaya in Muqdisho noqoto meel isku diran oo dhalinyarada ay hiwaayadahooda xur u yihiin.

Dalxa ayaa kula dardaarmay SYAO in ay sii laba jibaartaa tartanada nuucaan oo kale ah.

Tartankan isboorti ee SYAO qabatay ayaa noqonayaa kii u horeeyey ee loogu magic daray isku furidi degmooyinki kala xirnaa.

Ciyaarti manta ayaa ku soo dhamaatay 1-0 oo ay ku badisay degmada Hodan.

Madaxweynaha Jamhuuriyadda Soomaaliya ayaa ugu baaqay ciidamada qalabka sida ee Soomaaliya in ay ka faa’ideystaan jabka soo gaaray  kooxda Al Shabaab Shacabkuna  ay ugu faa’ideyaan.

Madaxweynaha Jamhuuriyadda Somaaliya Shiikh Shariif Shiikh Axmed ayaa shegay in ciidamada dowladda ay ku soo aadeen xilli aad u wanaagsan islamarkaana ay ciidamada sii laba jibaaraan dadaalka ay ugu jiraan soo celinta nabadda guud ahaan dalka.

Waxa uu sheegay madaxweynaha in dowladda ay ku dadaashay sidii ay u qaadi lahayd masuuliyadda iyo xaquuqada ciidamada ay leeyihiin isagoo tilmaamay in ciidamada ay qaataan muushaaraadkooda hadii xaaladda adag laga baxana ay sii kordhi doonaan lacagaha ciidama ay qaataan.

Madaxweyane Shariif ayaa timaamay in haatan magaalada Muqdisho ay noqotay nabad taasina ay ku timid dadaalka ay muujiyeen ciidamada dowladda Soomaaliya, waxa uu farta ku fiiqay in ay jiraan fursaddo waa weyn oo loo baahan yahay in ciidamada in ay ugu faa’ideyaan dalka iyo dadka kaddib markii kooxda Shabaab u soo gaaray jab aad u weyn.

Ugu danbeyntii madaxweynaha Jamhuuriyadda ayaa ku booriyay ciidamada qalabka sida ee Soomaaliya in ay ku dadaalaan sidii ay u soo celin lahaayeen sharaftii iyo awooddii lagu yaqaanay ciiidamada Soomaaliya.

Diyaarado dagaal ayaa duqeyn u geystay gelinkii dambe ee maanta goob ay ku shirayeen Horjoogayaal ka tirsan Kooxda Khawaarijta ah ee Al-Shabaab kuwaasi oo isugu jira Soomaali iyo Ajaaniib.

Wararka aynu ka heleyno gobolka Jubada Hoose ayaa sheegaya in gelinkii dambe ee maanta ay diyaarado kuwa dagaalka ah duqeyn u geysteen deegaan lagu magacaabo Taabta oo qiyaastii 25KM dhanka Koonfur Galbeed kaga beegan magaalada Kismaayo ee xarunta gobolkaasi.

Goobjoogayaal ku sugan gobolka Jubada Hoose ayaa Radio Muqdisho u sheegay in ay marka hore maqleen dhawaqa hub culus kadibna ay arkeen qiiq farabadan oo hawada galay iyo sidoo kale diyaarado  kuwa qumaatiga u kaca oo joog hoose ku socda kuwaasi oo mudo daqiiqado ah duqeynayey goob ay Horjoogayaal ka tirsan Shabaabka ku sugnaayeen.

Lama oga ilaa iyo hada qasaaraha dhabta ah ee duqeyntaasi ka dhashay waxaase lagu soo waramayaa in qasaare isugu jira dhimasho iyo dhaawac uu soo gaaray Horjoogayaashii goobta ku sugnaa ayadoo Maleeshiyadii goobta ilaalada ka heysayna lagu soo waramayo inay goobta ka kala carareen taasi oo dhaqan ahaan ka duwan sida horey kooxdaasi looga bartay oo goobta ay wax kadhacaan ay Maleeshiyaadkooda isku gadaami jireen balse maanta cabsi waxyeello darteed aanay taasi u sameyn.

Jawiga guud ee deegaanada gobollada Jubooyinka ayaa laga dareemayaa qal qal xoogan oo soo wajahday Horjoogayaasha Shabaab ayaga oo ka baqdinqaba in duqeymo kale ay dhacaan waxaana duqeyntani galabta ka dhacay deegaanka Taabta ay ka mid tahay duqeymo mudooyinkanba lala bartilmaameedsanayey Horjoogayaasha Ajaaniibta iyo Soomaalida isugu jira ee ka tirsan Al-Shabaab kuwaasi oo kooxdu Horjoogayaal badan ay ku weysay.

Deeqdan lacageed oo gaareysay 40 milyan oo shilanka Soomaaliga ah ayaa waxaa ay hay’ada u doodaxuquuda dhalinyarada Soomaaliyeed ee Somali Youth Advocacy Organization (SYAO) gaarsiisay 320 qoys oo ku noolaa xerada Cariif 1 oo  ku taala degmada Hawlwadaag ee G/Banaadir.

Qeybinta deeqdan oo ay ka qeybgaleen si dhameystiran  halwadeenada hay’ada SYAO xafiiska magaalada Muqdisho ayaa ku dhacday jawi cadaalad ah iyadoo dhamaan 320-ka qoys  ay u  gaarsiiyeen aqalada buushashka ah ee ay daganyihiin.

Max’ed  Ibrahim Cali Cajiib gudoomiyaha SYAO oo ka hadlay xaflad gaaban oo la qabtay markii ay dhamaatay qeybinta deeqda ayaa ka hadlay in lacagtaas ay soo dhiibeen dhalinyaro Soomaaliyeed oo ka damqaday xaalada adag  ee xaga nolosha ah ee heesata dadka Soomaaliyeed , waxaana uu sheegay in dhalinyarada xubnaha ka ah SYAO ay iska soo aruuriyeen .

Cajiib ayaa balanqaaday in deeqo kale waqtiyo dhaw ay gaarsiin doonaan xerooyin kale oo qaxooti si SYAO qeyb uga noqoto qorshaha gurmadka deg deg ah ee uu dalka ku jiro.

Dhinaca  kale Guddoomiye ku xigeenka 1aad ee maamulka degmada Howlwadaag Axmed Maxamuud Yuusuf ayaa uga mahadceliyay  SYAO sida wanaagsan oo ay kaalamo ulla soo gaareen wallaalahooda dhibaateysan ee abaarta ka soo barakacay.

Dadkii loo qeybiyay deeqda oo ahaa kuwo muuqaal ahaan aad u liita ayaa iyaguna ka mahdceliyay lacagta lasiiyay iyagoo dhanka kalena ay ka codsadeen  dadka Soomaaliyeed ee wax haysta iyo Dowladdaha Islaamka inay gurmad deg deg ah lasoo gaaraan.

Xerada Cariif1 ayaa qeyb ka ah xerooyinka aan wali sida tooska ah u helin gargaarka ay hay’adaha dalka yimid wadaan , waxaana ku qadsan qoysaskaas gaaraya 320 qoys oo badankood ka soo qaxay gobolada Bay iyo Bakool.

Doowlada Kenya oo ku eedeeysay Al-Shabaab fal Lagu dilay Muwaadin u dhashay dalka Ingariis xaaskiisana lagu afduubtay

Wararka ka imaanaya dalka Kenya ayaa waxa ay  sheegayaan in Booliska dalka Kenya ay qabteen rag lala xariirinayo falkii lagu weerary lamaane u dhashay dalka Ingariiska oo dalxiis u joogay dalka Kenya.

Saraakiisha ammaanka ee Booliska dalka Kenya oo gaaray halka uu ka dhacay falka lagu dilay nin u dhashay dalka Ingariiska xaaskiisana lagu afduubtay ayaa waxaa ay sheegeen in ciidamada ay xereen halkaasi si ay u soo qabtaan dadka falka dilka iyo kan afduubka ah geestay

Sidoo kale Saraakiishaasi ayaa waxa ay sheegeen in ciidamadooda ay soo qabteen dad u badan Soomaali oo lagu tuhun san yahay falkaasi in ay ka danbeeyeen , inkasto aysan sheegeen Saraakiishaasi tirada dadka ay soo qabteen.

Agaasimaha Waxda danbi baarisata ee doowlada Kenya Nadag Mahuura ayaa Warbaahinta dalka Kenya waxa uu sheegay in doowladiisa ay tuhunsan tahay falkaasi in ay ka danbeeyaan rag xiriiri la leh Ururka Al Qaacida gaar ahaan dagaalyanada Al-Shabaab ee ka dagaalama Soomaaliya.

Nadag Mahuura ayaa waxaa sheegay in ciidamada ammaanka doowlada Kenya ay sameyn doonaan feejignaan dheeri ah oo ay ku ilaali doonaan dadka ajaanibta ah ee dalxiiska u yimaada dalkaasi

War kaan ayaa waxa uu imaanaya xili weerar uu shalay galinkii danbe uu ka dhacay deegaanka Kiwayu Safari oo ku taala xuduuda Kenya ee dhacda bariga waqooyi bari Soomaaliya , weerarkaasi oo lagu dilay muwaadin u dhashay wadanka Britain, iyadoo xaaskiisana la sheegay in ay afduubteen kooxihii weerarkaasi soo qaaday.

aFaah Faahin dheeri ah ayaa ka soo baxaysa nin dhalinyaro ah oo ay Maleeshiyo ka tirsan kooxda Al-Shabaab barqanimadii maanta ku dileen deegaanka Tareedisho ee magaalada Muqdisho.

Sida ay Radio Muqdisho Codka Jamhuuriyadda Soomaaliya u sheegeen dad goobjoogayaal ah oo ku sugan Tareedisho Maleeshiyo ka tirsan kooxda Khawaarijta ah ayaa barqanimadii maanta gurigiisa kusoo weeraray nin dhalinyaro ah kaasi oo ka mid ahaa dadka deegaankaasi sida aadka ah looga yaqaanay waxaana markii ay gurigiisa yimaadeen ay fureen rasaas farabadan taasi oo markii horeba dhaawac uu kasoo gaaray.

Wararka ayaa intaasi ku daraya in markii dhaawaca uu soo gaaray ka dib uu isku dayey ninkani in uu goobta ka cararo balse ay Maleeshiyo kale ka horyimaadeen kuwaasi oo rasaas ka badan Toban xabo kaga dhuftay qaarka kore ee jirkiisa taasi oo keentay in ninkani dhalin yarada ahaa uu goobta ku geeriyoodo.

Geerida ninkani kadib ayey Maleeshiyada kooxda Shabaab waxay dadka deegaankaasi degan si qasab ah uga soo saareen guryaha ayaga oo isugu keenay goobta ay ninka ku dileen si ay u daawadaan waxaana dadka goobta loogu wacay qaarkood ay inoo sheegeen in ninkani ay hada dileen uu ayaga niyada ka necbaa cidii nacdana ay sidaas oo kale la kulmi doonto.

Falkan ayaa qayb ka ah falalka ay kooxda Shabaab Maleeshiyaadkeedu ku leynayaan shacbiga Soomaaliyeed waxaana mudooyinkan dambe ay yihiin kuwo si aad ah usoo kordhaya dilalka ay kula kacayaan Shabaabku dadka ku sugan deegaanada ay weli ku harsan yihiin.

Nin u dhashay dalaka Ingiriiska ayaa shalay ku dhintay weerar lagu qaaday goob dadka dalxiisayaasha ee yimaada dalka Kenya ay booqdaan, halkaas oo u dhaxeysa Soomaaliya iyo Kenya.

Labadan ruux ee midna la dilay midna la afduubtay ayaa la sheegay inay ahaayeen lamaane, waxaana lagu magacaabaa goobta uu falkaasi ka dhacay Kiwayu Safari Village, waxaana weerarka uu dhacay ka dib markii sida la sheegay ay kooxo ku heybeysnaa hub kala duwan ay weerar ku qaadeen halkii ay ku sugnaayeen dadkii dalxiisayaasha ahaa ee goobtaasi ku sugnaa.

Nin goobjoog ahaa ayaa saxaafadda u sheegay in ilaa lix nin oo hubeysan inay weerareen goobtan ninka lagu dilay xaaskiisana la ka xeysteen, wuxuuna intaasi ku daray in goobta uu shilku ka dhacay ay soo gaareen ciidamada Kenya, balse aysan ku guuleysan inay gacanta ku dhigaan kooxihii weerarka geystay.

Madaxa ciidamda Booliiska magaalada Lamu Mathew Iteere ayaa saxaafadda u sheegay in lamaanaha Ingiriiska ay magaalada uu falku ka dhacay ay tageen maalintii Axada, ilaa iyo haddana ma jirto cid sheegatay weerarkaasi, waxayse saraakiil ka tirsan dowladda Kenya ay sheegeen in Haweenayda la afduubtay lala aaday dhinaca dalka Soomaaliya

Xukuumadda Federalka KMG ah ayaa faahfaahin ka bixisay horumarka baaxadda leh ee laga sameeyey dhanka amniga, dib-u-heshiisiinta, gar-gaarka bani’aadanimo, wadatashiga Soomaalida iyo xiriirka Dowladda Dhexe iyo maamulada dalka ka jira.

Lataliyaha Ra’iisul Wasaaraha ahna Af-Hayeenka Xukuumadda Mudane Abdirahman Omar Osman (Eng. Yarisow) ayaa sheegay in ay jiraan horumar fara badan oo laga sameeyey dhinacyo fara badan, hase yeeshee aysan Xukuumaddu is dhiganeynin bacdamaa caqabadaha jira ay aad u badan yihiin, waqtiguna uu aad u yaryahay. Xukuumadda waxaa ka go’an in muddada labo iyo tobonka bilood ah lagu qabto howlo far badan si loo gaaro ujeedooyinka aan hiigsaneyno. Eng. Yarisow ayaa xusay arrimaha horumarka laga sameeyey.

Arrimaha horumarka ballaaran laga sameeyey ayaa waxaa ka mid ah:

1.   AMNIGA

6dii August waxaa lagu guuleystay in Al-Shabaab xoog looga saaro magaalada Muqdisho. Ciidamada Dowladda muddo fara badan bey si is-daba joog ah uga guuleysaneyeen maleeshiyaadka Al-Shabaab oo xoogoodi si ba’an loo wiiqey. Intaas waxaa isagu darsoomay Al-Shabaab iyagoo dhalinyaro badan uga dhinteen dagaalada, khilaaf soo kala dhexgalay madaxdooda iyo dilalkii loo geystay Osama Bin Laden iyo Fazoul.

Dowladdu waxey u saartay guddi heer wasiir ah oo qiimeyn ku soo sameeyey goobihii ay ka baxeen Al-Shabaab ka dibna la dhisay ciidan gaar ah oo soo celiya amniga caasimadda, isla markaana la wareegay suuqyadii Bakaaraha iyo Suuqbacaad oo lagu guuleystay in laga illaaliyo bililiqo. Waxaa lagu guuleystay in maamulo loo sameeyo degmooyin iyo guddi amni oo xaafad walba loo sameeyey. Dowladdu waxey aaminsantahay in Al-Shabaab aysan dhiman oo ay weli noolyihiin.

2.   GAR-GAARKA BANI’AADANIMO:

Xaaladda bani’aadanimo ama macluusha ka dilaacday dalka waa tii ugu xumeyd 60kii sano ee la soo dhaafay. Sababaha keenay inay macluusha heerkan gaarto ayaa ah Al-Shabaab oo dadkii ka hor-istaagay gar-gaarkii bani’aadanimo, dagaalada dalka ka soconayey muddo dheer iyo roobabkii oo yaraaday. Dowladdu waxey durbadiiba ku dhaqaaqday inay shacabka ku soo barakacay Muqdisho u sameyso xerooyin sida Bad-baado iyo Rajo oo loo sameeyey hoy, biyo isla markaana si joogta ah loo quudiyo barakacayaasha Soomaaliyeed. Dowladdu waxey ku guuleysatay qeylo dhaan rasmi ah oo keentay in madaxdii caalamka qaarkood ay yimaadaan Muqdisho, sida Madaxweynaha Djibouti, Ra’iisul Wasaaraha Turkiga, Wasiirka Arrimaha Dibedda Iran, Amiirka Imaaraadka Carabta, Wasiirada Horumarinta Caalamiga ee dalalka Ingiriiska, Holand, Sweden, Spain, Amiir Al-Waleed iyo mas’uuliyiin kale oo u soo wada gurmaday shacabka tabaaleysan.

Xukuumaddu waxey sameysey guddi heer wasiir ah, isla markaana abuurtay Hay’adda Maareynta Masiibooyinka oo madax looga dhigay ururada bulshada rayidka ah si mucaawanada loo gaarsiiyo dhammaan gobolada dalka. Waxaa lagu guuleystay in caalamku uu qabto shirar lagu saacidayo shacabka sida shirkii Addis Ababa, kii Turkiga iyo kii Nairobi oo ugu danbeeyey.Ra’iisul Wasaare Abdiweli waxuu ugu baaqay caalamka in xal waara loo helo macluusha oo shacabka soomaaliyeed loo abuuro mashaariic horumarineed si shacabku uu isagu tashado. Dowladda Turkiga oo ka jawaabeysa codsiga Ra’iisul Wasaaraha waxey dhowaan bilaabeysaa dib-u-dhiska Isbitaalka Digfeer, goobo kale ee caafimaad iyo waddooyinka Muqdisho.

Xukuumaddu waxey ku dhiirigelisay Hay’adda Bisha Cas ee Soomaaliyeed inay xoojiso dadaaladeeda, kuna amartay dhammaan hay’adaha bisha Casa ma laanqeyrta cas ee dalalka adduunka inay si toos ah ula soo xiriiraan Bisha Cas ee Soomaaliyeed oo ay ka saacidaan gar-gaarka bani’aadanimo.

3.   DIB-U-HESHIISIIN IYO XIRIIRKA MAAMULADA

Ra’iisul Wasaaraha barnaamijkiisa Xukuumadda ee uu baarlamaanka ansixiyey waxuu ku xusay inuu xoojin doono xiriirka dowladda dhexe iyo maamulada dalka ka jira. Sidaas daraadeed, Ra’iisul Wasaare Abiweli waxuu booqasho ku tagey Puntland iyo Galmudug oo si heer sare ah loogu soo dhoweeyey, isla markaana uu dhidibada u soo aasay xiriirka dowladda dhexe iyo maamulada dalka. Madaxweynaha Jamhuuriyadda Soomaaliya ayaa isagana booqday Puntland oo si heer sare ah loogu soo dhoweyey.

Xukuumadda iyadoo ka duuleysa waajibaadka ka saaran dib-u-heshiisiinta iyo isdhexgalka bulshada ayey ku guuleysatay in markii ugu horreysay Muqdisho lagu qabto shir Soomaaliyeed oo looga hadlayey mustaqbalka dalka, shirkan oo ahaa mid ay ajendiisa iyo hoggaamintiisaba leedahay Soomaali waxaa lagu guuleystay in Dowladda dhexe, maamulada dalka ka jira iyo Ahlu Sunna ay isagu yimaadeen iyadoo Qaramada Midoobey iyo beesha caalamkuna ay goobjoog ka ahaayeen. Waxaa muddo seddex cisho gudahood lagu guuleystay in la isku raacay dariiqii la mari lahaa 12ka bilood ee soo socda (Roadmap) iyo in la fuliyo arrimaha mudnaanta koowaad u leh shacabka soomaaliyeed oo ay ka mid yihiin dhameystirka Dastuurka, dib-u-habeynta baarlamaanka iyo sidii looga gudbi lahaa marxaladda kala guurka ah.

GUNAANAD

Dowladda Soomaaliya iyadoo ka duuleysa waajibaadka ka saaran shacabkeeda, golaha wasiiradda waxey ansixiyeen go’aankii ka soo baxay shirka wadatashiga, waxeyna isla markiiba soo saareen siyaasadii lagu dhameystiri lahaa Dastuurka oo ka kooban 8 qodob oo ay ka mid yihiin in dhowaan la sameeyo guddo khubaro ah oo dib-u-eegid ku sameeya dastuurka iyo guddi isku dhafan oo ka baaraan dega sida lagu sharciyeyn karo dastuurka iyo weliba qorsheyaasha la tashiga guud ee dadweynaha.

Dowladdu waxey sameysey qorshihii ansixinta Muqdisho iyo dalka intiisa kale oo dhaqangelintiisa la wado. Waxaa kaloo u suurtogashay Dowladda inay la tashiyo la sameeyo maamulada cusub ee daneynaya inay sameystaan maamulo iyagoo raacaya habraaca Axdiga. Xukuumaddu waxey waddaa qorsheyaal la tashiyo lagula sameynayo shacabka soomaaliyeed iyo qurbojoogta oo dhowaan Ra’iisul Wasaaraha uu kulamo la soo qaadan doono Qurbo joogta soomaaliyeed.

Walow ay jiraan caqabado fara badan ee loo baahanyahay in Dowladda iyo shacabka Soomaaliyeed ay iska kaashadaan, haddana Eng. Yarisow waxuu sheegay in Dowladdu ay ka go’an tahay in la sii joogteeyo horumarka baaxadda leh ee la taaban karo, si loo gaaro himilooyinka aan tiigsaneyno. Eng. Yarisow waxuu ugu baaqay shacabka soomaaliyeed, gaar ahaan qurbojoogta inay la soo xiriiraan Dowladda si ay kaalin mug leh uga qaataan howlaha baaxadda leh ee socda. Waxuuna u ballanqaaday in Dowladdu ay diyaar u tahay inay dhageysato shacabkeena, talana ku yeeshaan masiirka dalkooda.

-      DHAMAAD -

Wasiirka arrimaha dawlada Jabuuti Cali Cabdi Faarax oo la hadlay warbaahinta ayaa sheegay inay bisha soo socota ee October ee sanadkaan ay dalka Soomaaliya u soo dirayaan hal guuto oo ciidamo ah kuwaasoo ku biiri doona ciidamada AMISOM ee Muqdisho ka hawl gala.

Wasiirku waxa uu ku dhawaaqay inay qorsheeyeen inay ciidamada ay Soomaaliya ugu talo galeen ay sida ugu dhaqsiyaha badan ugu soo daabulayaan magaalada Muqdisho si ay u gutaan hawsha.

Wasiirka wasaaradda arrimaha dibbadda Jabuuti Cali Cabdi Faarax waxaa uu tilmaamay in iyagoo ka jawabaya balanqaadkii uu magaalada Muqdisho ka sameeyay m/weynaha Jabuuti ismaciil Cumar Geelle ay diyaariyeen ciimad ay ugu talo galeen inay ku biiraan ciidamada AMISOM ee Muqdisho ku sugan waxaana uu xusay inay ciidamadaaasi soo dirayaan bisha soo socota ee October.

“Jabuuti ciidamadeeda waxay Soomaaliya u soo diraysaa bisha dambe ee October waxaana ciidamadaan lagu xoojinayaa ciidamada AMISOM hal guuto ayaan diri doona” Ayuu yiri wasiirka arrimaha dibbadda Jabuuti

Dawlada Jabuuti ayaa dhawr jeer oo hore balan qaaday inay Soomaaliya ciidamo u soo dirayso hase ahaatee willi wax ciidamo ah ma keenin.

Madaxweynaha Soomaaliya ayaa xalay casho sharaf ugu sameeyay xarunta madaxtooyada Soomaaliya safiirradda iyo diplomaasiyiinta wadamada caalamka ka jooga guddaha magaalada Muqdisho.

Munaasabadaan oo aheyd mid si heer sare loo soo agaasimay islamarkaana shahaadooyin lagu guddoonsiiyay qaar ka mid ah safiiradda iyo wakiillada wadamada iyo ururada caalamiga ah u jooga magaalada Muqdisho ayaa lagu qabtay xarunta madaxtooyada villa Soomaaliya iyadoo ay kaso qeyb galeen madaxweynaha Soomaaliya mudane Shiikh Shariif Shiikh Axmed guddoomiyaha Baarlamaank Shariif Xasan sheikh  Aaden, ku simaha R/wasaraha ahna wasiirka Difaac Xuseen Carab Ciise, wasiirro xildhibaanno taliyaha ciidamada xoogga dalka, safiirrada wadamada safaaraddaha ku leh Soomaaliya ,iyo marti sharaf kale oo lagu casuumay munaasabadda.

munasabadda ayaa waxaa ay aheyd ujeedadeeda casho sharaf uu madxaweynaha ugu tala galay safiiradda dadka Soomaaliyeed lasoo qeyb saday xiliyada adag oo ay soo mareen, Waxaana masuulliyiintii goobta ka hadashay kamid aha guddoomiyaha Baarlaamanka Shariif Xasan shiikh Aaden oo uga mahadceliyay safiiradaasi sida wanaagsan oo ay u garab istagaeen dowladda iyo shacbigeeda.

sidoo kale madaxweynaha Soomaaliya mudane Shiikh Shariif Shiikh Axmed ayaa aisagana tilmaamay in fursad weyn ay u tahay inay kala soo qeyb galaan safiiradda xafaladda isagoo uga mahadceliyay gacanta ay ka geysteen isbedelladda ay dhalisay dowladad Soomaaliya.

intaasi kadib ayaa waxaa goobta ka hadlay qaar kamid ah safiiradda dowladdaha caalmak u jooga Soomaaliya kuwaasi ballan qaaday inay taageerayaan dowladada waxa ayna si weyn ugu hambalyeeyeen dowladda ansixinta qorshe howleedka si ay uga gudubto KMG-ka.

Madaxweynaha Soomaaliya , K,S R/wasaaraha ahna wasiirka Gasahaandhiga iyo  Afheyeenka Baarlamanka ayaa si wadajir ah Shahaadooyin sharaf u guddoonsiiyay markii ay dhamaatay munaasabadda xubnaha kala ah Faadil Aljasuuli Safiirka xilka baneeyay ee dalka Suudaan u fadhiyay Soomaaliya, Ambaasidoor Dayib Dubbad Rooble safiirka Jabuuti ee Soomaaliya, Ambaasidoor Axmed Cumar safiirka Yeman e soomalaiya, Wafuula mamunyiyi KX Wakiilka midowga afrika u qaabilsan Soomaaliya, Jamaalu Diin sii hayaha safaaradda Itoobiya ee Soomaaliya, Axmed Maxamed Aaden wakiilka Ururka shirweynaha Islamaka ee Soomaaliya Asmar oo wakiil safaaradda Soomaaliya ee Turkiga.

Dowladda Tanzania ayaa caalamka u jeedisay in taageero ballaaran la siiyo Soomaaliya kaddib kullan ay wada qaateen wadamada safaaraddaha ku leh dalka Tanzaaniya iyo wasaaraddda arrimaha dibadda dalkaasi.

Wasiirka arrimaha dibadda ayaa isugu yeeray dhammaan dalaka safaaddaha ku leh magaalada Daara’salaam ee caasimadda dalkaasi waxa ayna ka wada haleen arrimaha abaaraha dalka Soomaaliya.

Kullanka oo ahaa mid aad u ballaaran ayaa waxaa warbixin cajiib ah ka jeediyay wasiirka arrimaha dibadda Tanzania Bernarnd Membe oo fullinaya ammarka madaxweyanaha dalkaasi Jicaya Kiewit waxa uu warbixitii uu ka jeediyay kullan ay u dhammaayeen wadamada safaaraddaha ku leh Tanzania ayuu ku muujiyay in Soomaaliya ay u baahan tahay taarero xoog leh.

Waxa uu sheegay wasiirka arrimaha dibadda Berarnd Membe in ay xaalad adag ka jirto Soomaaliya waxa uu tilmaamay in dowladda Tanzania ay ditaarisay gargaar ay ugu tala gashay si loo caawiyo dadka mu macluulsan guddaha dalka Soomaaliya.

“Waxaa geeyn doonaa gurmmad ka kooban raashiin Biyo Daawo iyo waxyabo kale taasina waa arrin waajib ku ah dowladda Tanzania waxaa suura gal ah in Soomaaliya aan u diro Maraakiib dagaal si ay gurmadka qayb uga qaataan” ayuu yiri wasiirka arriamaha dibadda dalka Tanzania Bernanrd.

Wasiirka ayaa tibaaxay in madaxweynaha dalkaasi Tanzani in uu  magcaabay guddi ballaaran oo uu guddoomiye ka yahay nin maalqabeyn ah oo wax ka leh Waxbaahinta dalkaasi  oo ku howllan sidii ay usoo gudbin lahaayeen gurmadka ay u fidinayaan dadka Soomaaliyeed ee dhibaateysan.

Todobaadyad soo socda ayaa lagu wada in Soomaaliya ay soo gaaraan kaalo ay dowladda Tansania ugu tala gashay in ay ku caawiso Soomaalida ka soo bakacday gobollada dalka eek u sugan guddaha magaalada Muqdisho.

Kulan weyn oo culumaa’udiinka ahusunah maanta ku yeesheen magaalada Nairobi ayna soo qabanqaabisay hay’ada Somali youth Advocacy Organization (SYAO)ayaa waxaa looga hadlay qodobo badan oo ay ka mid tahay xaaladihi u dambeeyey ee dalka iyo sida bulshada Soomaaliyeed ee Ahlusunah isugu gurman karaan maadama dalka uu marayo xaalad adag oo dhinaca bani’aadanimada ah .

Shariif C/laahi oo ka mid ah culimada waaweyn ee magaalada Nairobi oo jeediyey muxaadarad ku saabsan sida loogu baahanyahay dadka iney isugu naxariistaan oo ay isu caawiyaan ayaa ugu baaqay qeybaha bulshada ineysan u kala harin wax u qabashada dadka ay ku habsatay dhibaatada macluusha .

Shiikha ayaa dhinaca kale dadka ugu baaqay iney gacmaha is qabsadaan oo ay isu naxariistaan qof walbaana oo bixiyo waxa uu awoodo maadama dad badan ay maalin walbaa gaaja iyo macluul u dhintaan .

Khudbada shiika kadib ayaa waxaa makroofanka qaatay culima kale oo iyana si weyn ugu raacay Shariif C/laahi kalmadii uu jeediyey ee aheyd in dadka isu naxariistaan diintana sidaay tahay loogu jiheeyo bulshada .

“Maalmahan waxaa yimid kooxo diinta siyaaba kale ugu sheega bulshada oo dadka dilaya , dhacaya , boobaya hantidooda iyagoo sheeganaya  magac diin “ayu yiri Shiikh C/laahi Axmed oo ka mid ahaa culimada ka hadashay muxaadaradi maanta oo ay ka qeybgaleen dhalinyaro iyo culimo kor u dhaafeysay 250 xubnood oo dhamaan ahaa xubanaha Ahlusunah ugu firfircoon ee dalka Kenya gaar ahaan magaalada Nairobi.

Kulanka oo sidoo kale qeybihi u dambeeyey ay aragtiyo ka dhiibteen dhalinyaradi ka qeybgashay ayaa waxaa dhamaan la isku raacay qodobadi muxaadarada uu Shiikha ku soo qaatay.

Shiikh Mustafa Bulxan oo ah madaxa dacwada ee ururka Ahlusunah Nairobi iyo gudoomiyaha SYAO Max’ed Cajiib ayaa kulanka kadib isla gartay in doodaha nuucaan oo kale ah ay badiso SYAO si bulshada ugu faaideysato.

SYAO ayaa horey barnaamijyo badan ula qabatay culimada Ahlusunah ee Nairobi .

Wasaaradada Warfaafinta, Boostada, Isgaarsiinta.War-saxaafadeed.

Dowladda KMG ah ee Soomaaliya waxa ay tacsi tiiraanyo leh u dirtay dowladda iyo shacabka aanu walaalaha nahay ee reer Malaysia geeridii naxdinta lahayd ee ku timid mid ka mid ah wariyaasha u dhashay dalka Malaysia oo ku geeriyooday shil kadhacay magaalada Muqdisho habeenkii xalay oo ay taariikhdu ahayd 02 09 2011.

Dhacdaan soo sababtay geerida Mr Moram Faizul Maxamed Nuur oo ka tirsanaa koox wariyaal ah oo ku howllahaa maalmihii la soo dhaafay tabinta howllaha gargaarida dadka barakacayaasha ah ee ku dhibaateysan qaybo ka tirsan magaalada Muqdisho.

Shilkaan ayaa dhacay kaddib markii gaari ay wateen shaqaalaha hay’adda ay iska hor yimaadeen mid ka mid ah gaadiidka ciidamada naban illaalinta ee Midoowga Afrika kaddibna rasaas ay dhacday goobtaas.

Ciidanka Booliska iyo Nabad sugida ayaa waxa ay markiiba soo gaareen goobta ay ka dhacday dhibaatada iyagoo bilaabay baaritaan buuxa oo ku saabsan sababta keentay dhacdadaan naxdinta leh waxyna ballan qaadeyn in ay si deg deg ah uga soo warbixin doonaan sida ay wax ay u dhaceen. Madaxweynaha Jamhuuriyadda Soomaaliya mudane Shiikh Shariif Shiikh Axmed ayaa qadka Taleefanka kula hadlay R/wasaaraha dalka Malaysia isagoo uga tacsiyadeeyay dhacdadaan naxdinta leh isaga, qoyska marxuuma iyo dhammaan shacabka reer Malaysia.

Maanta ayaa la filayaa n maydka marxuum in dib loog celiyo dalka Malaysia halkaasi si loogu doyaar garoobo aaskiisa.

dhammaad

Gudoomiyahada Degmada Hilwaa ee Dowladda KMG Soomaaliya Cumar Jacfaan ayaa sheegay in Al Shabaab ay goowraceen haweeneey xaamilo ah ee uu qabay askari ka tirsan ciidamada Dowladda.

Gudoomiyahada Degmada Hilwaa ee Dowladda KMG Soomaaliya Cumar Jacfaan ayaa sheegay in Al Shabaab ay goowraceen haweeneey xaamilo ah ee uu qabay askari ka tirsan ciidamada Dowladda.

Waxa uu sheegay Gudoomiyha in Al Shabaab haweeneydaani qoorta ay ka jareen si naxariisdaro isagoona tilmaamay in falkaani uu ka dhacay Degmada Hilwaa ee Gobolka Banaadir.

Sidoo kale Gudoomiyaha Dowladda KMG ee Degmada Hilwaa ayaa sheegay in Al Shabaab dad badan ay goowraceen ka dib markii looga dakaaday dagaalada Muqdisho, waxa uuna sheegay in hooyga goowraca ay ka dhigteen Hilwaa iyo Deyniile.

“Haweeney ay ku gowraceen waxaa qabay askari ka tirsan Ciidanka, waliba uur ayay laheyd, sidoo kale waxaa jiray afar wiil kale oo arday ahaa, mid waxaa uu Isbitaal ku soo booqday adeerkiis oo Ciidan ahaa, labo waxay ka qabteen Suuqa xoolaha, mid ka mid ah dad baa isoo sawiray, madaxa ayay ka jareen, calooshiisana banaanka u soo saareen”ayuu yiri Gudoomiye Jacfaan.

Gudoomiyaha ayaa sheegay in dhamaan falalkaan ay dhaceen todobaadyadii ugu dambeeyey, waxa uuna saraakiisha Ciidamada Dowladda iyo kuwa Amisom ugu baaqay in ay galaan degmooyinka ay joogaan haraadiga Al Shabaab

Iyadoo maalmo kooban ay naga xigaan xilliga uu furmayo shirka wada tashiga Soomaalida ee ka dhacaya magaalada Muqdisho, ayaa waxaa arrintaasi faahfaahin ka bixiyay Ra’iisal Wasaaraha Dowladda KMG ah Md. C/Weli Maxamed Cali Gaas oo u waramayay laanta afka Soomaaliga ee idaacadda VOA-da, wuxuuna Ra’iisal Wasaaruhu sharaxaad ka bixiyay qaabka uu u dhacayo shirka, howlaha horyaala guddiyada kala duwan ee qabashada shirka ku lugta leh iyo waliba ergada ka qeyb galeysa shirkaasi.

Waxa uu sheegay Ra’iisal Wasaare C/Weli in shirka ay ka qeyb gelayaan 150-ergo oo ka socota Dowladda KMG ah, maamul goboleedyada, xoogagga Culumaa’udiinka Ahlu Sunna iyo qeybaha ururrada bulshada, wuxuuna Ra’iisal Wasaaruhu tilmaamay inuu ka kooban yahay shan waxyaabood oo kala ah:-

Nabadgelyada, dhameystirka sharciyada dalka, xiriirinta gobolada iyo dib u heshiisiin, in la helo dowladnimo wanaag, dowladdu inay shacabka matasho, shacabkuna Dowladu, baarlamaanka sidii isbedel loogu sameyn lahaa, laga wadahadlo dhaqaalihii ku bixi lahaa.

Guddiyada kala duwan ee shirka wada tashiga Soomaalida ee Muqdisho ka dhici doona, ayuu sheegay Ra’iisal Wasaaraha Dowladda KMG ah inay ka wadahadlayaan kaddib marka uu dhaco wejiga koowaad ee shirka qaabka loo wajahayo wejiga labaad ee shirka, wuxuuna sheegay in guddiyadu isla meel dhigayaan dhaqaalaha ku baxaya shirka, abaabulka iyo dhameystirka waxyaabaha qabyada ah ee ka dhinaada.

Taliska ciidamada Midawga Africa ka jooga Soomaaliya ee AMISOM ayaa dalbaday 10,000 oo askari oo dheeraad ah kuwaasoo lagu xoojinayo ciidamada Muqdisho jooga ee AMISOM.

Taliye ku xigeenka ciidamada AMISOM General Awdase Nadiwumunsi ayaa sheegay inay u baahan yihiin ciidamo dheeraad ah oo lagu xoojiyo ciidamadooda Muqdisho ka hawlgala si loogu guulaysto in amaanka gacanta lagu dhigo

Taliyuhu waxaa uu hadalkiisa ku sheegay in ciidfamada haatan Muqdisho ku sugan aysan ku filneyn sugida amniga guud ee magaalada waxaana uu intaa ku daray inay lagama maarmaan tahay in la kordhiyo ciidamada AMISOM.

Sidoo kale taliyaha ciidamada lugta ee dawlada Uganda Katumba Wamala ayaa asna sheegay in ciidamada AMISOM ay u baahan yihiin  in la taageero oo waliba tiradooda la kordhiyo si loo arko buu yiro dalka oo dagan.

Wargeyska Daily Nation oo warkaan oo qoray ayaa sheegay in madaxdaan ay dalabkaan u direen golaha amniga iyo nabad galyada Midawga Africa iyo wadamada taageera ciidamada AMISOM.

Afhayeenka ciidamada AMISOM . Paddy Ankunda ayaa u sheegay wargeyska Daily Nation in 9,000 ee haatan Muqdisho ku sugan aysan awoodin inay magaalada amaankeeda sugaan waxaana uu xusay in loo baahanyahay in la kordhiyo.

Ciidamada dawlada KMG ee Soomaaliya iyo kuwa midawga Africa ee AMISOM ayaa dhawaanahaanba isku balaarinayay degmooyin hor leh oo Muqdisho ku yaala kadib markii ay Muqdisho iskaga baxeen dagaalyahanada Xarakadda Al-Shabab.

Faahfaahin dheeri ayaa ka soo bexeeysa dad ay maleeshiyada kooxda khawaarijta ah ee Shabaab ku gowraceen qaybo ka mid ah magaalada Muqdisho.

Maleeshiyada Khawaarijta ah ee Shabaab oo todobaadkani guddihiisa gowracday illaa iyo sideed ruux ayaa waxaa la sheegay in dadkaasi badankooxda ay ka keeneen deegaankaa Tareedisho iyo Ceel Cirfiid.

Markii ay dadkaasi kooxda Khawaarijta ah ay goowracday ayaa waxa ay maydadkooda kala dhigeen deegaannada kala ah Suuqa Xoolaha, Ceel Cirfiid, deegaanka Gubta, iyo meelo kale kuwaasi oo ay cad cad u jar jareen Jirkooda.

Guddoomiyaha degmaa Hilwaa Cumar Jacfaan oo la hadlay warbaahinta qaranka ayaa tibaaxay in kooxda Shabaab ay tahay koox aan wax naxariis ah u heyn Shacabka Soomaaliyeed isagoo xusay in dad biri mageeda ah ay kula kaceen fal goowrac ah taasi oo si aad ah u argagax gelisay dadka deegaanadaasi ku nool.

Cumar Jacfaan ayaa tilmaamay in kooxda Shabaab dad badan ay ugu jiraan xabsi ku yaala degamada Hiliwaa kaasi  ay ku sii siqayaan ciidamada dowladda Soomaaliya islamarkaana la rajeenayo in ay ka xureeyaan kooxda aragtida madoow ee Shabaab

Maalqabeenka u dhashay dalka Boqortooyada Sacuudi Carabiya kana mid ah Amiirada dalkaas Waalid Bin Dhalaal Bin C/casiis Al-Sacuud oo uu adeer u yahay Boqorka Sacuudiga ayaa maanta soo gaaray Magaalada Muqdisho.

Amiirkan oo ay la socdeen xubno ka mid ah qotskiisa ayaa waxaa uu kormeer ku tagay xeryaha barakacayaasha iyo Isbitaalka Hooyada iyo dhalaanka ee Banaadir oo caruur aad u liita ku sugan yihiin.

Kadib markii ay soo gaareen Magaalada Muqdisho ayaa waxay kulan kula qaateen Xarunta Madaxtooyada Villa Soomaaliya Madaxweyne Shariif Sheekh Axmed.

War saxaafadeed ka soo baxay Xafiiska Warfaafinta Madaxtooyada ayaa looga hadlay booqashada Amiirkaas iyo waxyaabihii ay ka wada hadleen Madaxweynaha.

(Muqdisho, Soomaliya,27,Agoosto ,2011) Waalid Bin Dhalaal Bin C/casiis Al sacuud iyo wafti uu hogaaminayo ayaa maanta booqasho ku yimid magaalada Muqdisho ee caasimada dalka Soomaliya. Waalid Bin Dhalal ayaa ah ganacsade door wayn ku leh caalamka ahna ninka ugu qanisan boqortooyada Sacuudi Carabiya.

Madaxweynaha Jamguriyada Soomalia Mudane Sharif Sh. Axmed ayaa xafiiskiisa Villa Soomaliya ku qaabilay Waalid Bin Dhalaal ayagoo ka wada hadlay arrimo badan oo ay ka midyihiin gargaarka bini’aadnimo, fursada ganacsi ee ka jirta dalka iyo taariikhda ganacsi ee labada wadan.

Waalid Bin Dhalaal ayaa sheegay inuu ku faraxsanyahay booqashada uu ku yimid caasimada dalka Soomaliya asagoo yiri “waan ku faraxsanahay jawiga nabadeed ee ka jira magaalada Muqdisho”.

Waxaa kulankaan Madaxweynaha ku weheliyay Wasiirka Ganacsiga, Wasiirka Maaliyada, Wasiirada Haweenka iyo Arrimaha Qoyska, Wasiiru-Dowlaha Madaxtooyada iyo masuuliyiin kale oo ka tirsan dowlada Soomaliya.
-
Dhamaad –

Suldan A. Farahseed
Xafiiska Madaxweynaha
Moqdishu, Somalia
media@presidency.gov.so