Guddoomiyaha Baarlamaanka KMG ah ee Somaliya Sh Aadan Maxamed Nuur (Aadan Madoobe) ayaa wax kama jiraan ku tilmaamay warbixin ay Golaha amaanka ee Qaramada Midoobay u gudbiyeen guddi dabagal ku sameeyay xiriirka ka dhaxeeya ganacsato soomaali ah oo hay’adaha UN-ka qaatay qandaraasyada kuwaas oo lagu eedeeyay in ay xiriir la leeyihiin ururka Al Shabaab.

Aadan Madoobe ayaa si weyn uga dhaliilay warbixinta guddiga dhawaan baaris ku sameeyay gargaarka la geeyo Soomaaliya, kuwaasoo qoraalkooda ku eedeeyay ganacsato Soomaali ah.

Afhayeenka Baarlamaanka ayaa waxay si weyn u dhaliileen qoraalkan oo lagu soo daabacay wargeyska The New York Times, kaasoo lagu sheegay in Qandaraaslayaasha la shaqeeya WFP ay xiriir la leeyihiin Al shabaab.

“Runtii waa wax aad loola yaabo warbixinta, haddii aan idin sheego Sh Ibraahim C/llaahi waxaa ku wareejiyay labada bakhaar eek u dhaw xaruntii Baarlamaanka Dowladda KMG ah ee Somaliya,sidaas darteed waxaan u sheegay beesha Caalamka in ganacsadahaas laga been abuuray”ayuu yiri Sh Aadan Madoobe oo wariyaasha kula hadlayay magaalada Nairobi.

Sh Aadan Madoobe ayaa sheegay in loo baahan yahay in aan la isku qasin runta iyo wararka beenta ah, waxaa uu u soo jeeday qaramada miidoobay in ay si taxadir leh u eegto warbixinta maadama ay tahay mid qaawan oo aan laga fiirsanin.

Afhayeenka Baarlamaanka ayaa sheegay in Sh Ibraahim C/llaahi iyo raga kale ee la midka ah ay gurmad ballaaran u fidiyeen umadda soomaaliyed iyagoo mar walba naftooda halis gelinaya ayaa haddana looga abaalmariyay warbixino qalad ah in laga sheego.

Madaxweynaha Dowladda KMG ah ee Soomaaliya Shariif Sheekh Axmed ayaa maanta dib ugu laabtay Magaalada Muqdisho, iyadoo wafdiga Madaxweynaha si diiran loogu soo dhoweeyay Garoonka Diyaaradaha Muqdisho.

Madaxweynaha oo todobaadkii la soo dhaafay ka ambabaxay magaalada Muqdisho ayaa waxaa uu horay u soo maray dalalka Ingiriiska iyo dalka isu taga Imaaraadka Carabta.

Soo laabashada Caasimada ee Madaxweynaha ayaa aheyd mid saameyn kooban ay ku yeelatay dhaq dhaqaaqa dadka iyo gaadiidka, kadib markii Ciidamada Dowladda iyo kuwa AMISOM wadooyinka ay xanibeen.

Wafdiga Madaxweynaha ayaa Garoonka Diyaaradaha lagaga soo kaxeeyay Gawaarida gaashaaman ee Ciidamada AMISOM, kuwaasoo u galbiyay Madaxtooyada Villa Somalia.

Madaxweyne Shariif ayaa kula kulmay dalka Ingiriiska Ra’iisul Wasaare Gordon Brown, iyo qaar ka mid ah Wasiiradiisa, iyagoo ka wada hadlay xaalada Soomaaliya, waxaana halkaas Madaxweyne uu kaga gudoomay taageero maaliyadeed.

Sidoo kale waxaa uu dalka isu taga Imaaraadka Carabta kaga qeyb galay shir ay soo qaban qaabiyeen Culumaa’udiinka Caalamka Islaamka, kaasoo looga hadlay xaalada dalka.

Ma cada soo laabashada Caasimada ee Madaxweynaha waxaa ay ka badali doonto, xilli Madaxweynuhu uu todobaadkii hore sheegay in bartamaha bishan ay Dowladda qaadi doonto weeraro ballaaran oo ka dhan ah Mucaaradka

Ganacsade Sh Ibraahim C/llaahi ayaa iska fogeeyay eedeymo aan sal lahayn oo ay soo saareen guddi sida la sheegay baaritaan ku sameeyay xiriirka ka dhaxeeya Ganacsato Soomaaliyed iyo Hay’adaha qaramada Midoobay, iyadoo warbixinta si toos ah oo aan xishood lahayn looga magaca dilay xubno uu ka mid yahay Sh Ibraahim C/llaahi.

Ganacsade Sh Ibraahim C/llaahi oo runtii ka qeyb qaatay howlo badan oo dhinaca samafalada la xiriira waxaa uu suurageliyay in kumanaan dad ah oo baahanaa gargaar gaarsiiyo gargaar loo baahnaa, sidoo kale waxaa uu caan ku yahay howlaha nabadeynta dadka degan degaanada uu ka soo jeedo, weligiisana ma hurin colaad sokeeye iyo mid kale, sidaas darteed Sh Ibraahim wax xiriir ah kala dhaxeeyo Shabaab ama kooxo kale ma jiraan.

Mr Ibraahim, waa ganacsade sal balaaran ku leh Magaalada Baydhabo, ma jirto meel uu kaga qeyb qaatay Afduub, dil ama arrimo kale oo dambi ah.

Warbixin sanadkii hore la soo saaray ayaa lagu amaanay sida wanaagsan ee Ibraahim C/llaahi u fuliyay mashruuc biyo gelinta Gobolada Baay iyo shabeellaha hoose, isagoo fulinta howshaas caqabad kala kulmay kooxo hubeysan iyo shaqsiyaad ka soo horjeeda nolosha bani’aadamka kuwaas oo qaarkood la aaminsan yahay in ay bixiyeen warbixintan qalad ah.

Warkan ayaa lagu sheegay warbixin ay guddi baaris ku sameeyay gargaarka aadamnimo ee Soomaaliya ka diyaariyeen musuqmaasuq ay sheegeen in lagu sameeyo gargaarka Soomaaliya kaasoo ka kooban 74-bog.

Sh Ibraahim weligiisa ma uusan maalgelin Xarrakatul Shabaab ama kooxo kale oo hubeysan, waa nin ka madax bannaan dhinacyada Siyaasadda ee isku haaya soomaaliya.

“Waxaan la yaabay in warbixinta aan loo fiirsanin lagu yiri C/llaahi Cali lacagta uu qandaraasyada ka helo waxaa uu siiyaa Shabaab, bal u fiirsado micno darada ay leedahay kalmadan oo xaqiiqda si toos ah u magaca dilaysa shaqsiyada Ibraahim iyo raga kale ee la mid ah, kuwaas oo u istaagay badbaadinta nolosha malaayiin soomaali ah oo u dhimanayeen gaajo iyo biyo la’aan”ayuu yiri mid ka mid ah Nabadoonada dega Gobolka Baay oo sheegay in C/llaahi Cali mararka qaarkood halis gelin jiray Noloshiisa marka uu damaco in uu bulshada wax u qabto.

Sida la ogsoon yahay Xafiisyada qaramada Midoobay ee magaalada Baydhabo waxaa sheegtay boobkooda ururka Al Shabaab sidaas darteed suuragal ma aha in la yiraahdo C/llaahi ayaa gacan ka geystay.

Sida muuqata xubnaha Warbixintan soo diyaariyay waxay wax ka dhageysteen dad dagaal siyaasadeed iyo mid ganacsi ku haaya Sh Ibraahim C/llaahi, kuwaas oo dano gaar ah wata balse ka faa’ideystay oo kaliya xubnahan warbixin raadiska ahaa.

Sh Ibraahim wax xiriir ah oo kala dhaxeeyo Abuu Mansuur ma jirto, sida lagu sheegay warbixinta Sh Ibraahim waxaa uu qaraabo la yahay Abuu Mansuur, taas ayaa ka mid ah waxyaabaha beenta ah ee Warbixinta ku jira.

Runtii Sh Ibraahim isaga ayaa iska leh Gaadiidkiisa iyo hantida ma guuraaga ah ee ku yaala Baydhabo, meesha ay leeyihiin gurigii Baarlamaanka ayuu ka kireystay UNICEF, cid kasta waa ay tagi kartaa waana soo ogaan kartaa in aysan wax shaqo ah isku lahayn Bakhaarka iyo xarunta Baarlamaanka, waa labo dhismo oo deris ah.

Waxaa wax lala yaabo ah in dadkii laga afduubay xadka soomaaliya iyo Kenya madax loo geliyo Sh Ibraahim, isagoo aan wax shaqo ah ku lahayn, sida lagu sheegay warbixinta shaqaalahaas la afduubay in ay dhalashadooda ahayd Faransiiska marka bal eega beenta xad dhaafka ah ee la siiyay xubnaha soo diyaariyay warbixinta.

Shaqaalaha la afduubay ayaa waxaa ay u kala dhasheen dalalka Zimbabwe Pakistaan iyo mid kale oo la sheegay in uu dhashay wadamada reer galbeedka, waxayna u shaqeynayeen Hay’adda ICF oo la dagaalanta gaajada, laakiin xubnaha Warbixinta soo diyaariyay ayaa waxay ku sheegeen in sedaxdaba u dhasheen dalka Faransiiska.

Xubnaha Warbixintan soo diyaariyay waxay run ahaantii wax ka dhageysteen dad cadaw ku ah Sh Ibraahim kuwaas oo fasiraad qaldan ka bixiyay shaqsiyada Sh Ibraahim.

Ganacsade Sh Ibraahim C/llaahi waxaa uu ka nadiif yahay dagaalada sokeeye ee ka socda soomaaliya, taageerada kooxaha kala duwan ee isku haaya Siyaasadda Soomaaliya, sidoo kale weligiisa kama uusan qeyb qaadan  wax dhalin kara fal dambiyeed.

Ganacsade Sh Ibraahim C/llaahi waxaa uu diyaar u yahay in uu la shaqeeyo guddi kasta oo ka socda Qaramada Midoobay si loo ogaado runta warbixintan qaawan, waxaa kaloo uu diyaar u yahay inuu la shaqeeyo haddii guddi baaris oo ka socda Qaramada Midoobay soo gaaran soomaaliya ama dalalka deriska la ah soomaaliya.

Isagoo kalsooni buuxda ku qaba noloshiisa inuusan wax dambi ah gelin ama uusan wax xiriir ah la yeelan dhinacyada dagaalada ka wada soomaaliya ayuu soo dhaweynaya Sh Ibraahim guddi madax bannaan oo si dhab ah u baari kara noloshiisa.

Laakiin waxaa hubaal ah in Sh Ibraahim kala kulmi jiray dhinacyada isku haaya soomaaliya marka uu raashinka gargaarka uu gaarsin jiray degaanada soomaaliya ama markii uu fulin jiray biyo gelinta magaalada Baydhabo oo kumanaan soomaaliyed ku farxeen biyo gelintaas maadama dadka magaalada baydhabo biyo la’aan haysay waqtigaas, faa’iidada laga helay biyo gelintaasina waxaa uu Sh Ibraahim ku yeeshay sumcad wanaagsan.

Shaki kuma jiro in xubnahan warbixinta diyaariyay hal dhinac oo cadaw ah wax ka dhageysteen ama dad loolan ganacsi kala dhaxeeyo Sh Ibraahim si markaa uga faa’iideystan haddii Sh Ibraahim Ganacsigiisa la xayiro in iyaga qaataan qandaraasyada hay’adaha qaramada midoobay, dadkaasina waa dad ku guuldareystay ama ku dhacay tartankii loo galayay Qandaraasyada oo lagu kala saarayay shirkadaha Soomaalida.

Sh Ibraahim waxaa uu xaq u lahaa in xubnaha Warbixintan soo diyaariyay ay wareystaan isaga ama dadka magaalada Baydhabo dega oo si weyn u yaqaana waxqabadka Ibraahim C/llaahi,balse waxaa wax laga xumaado ay tahay in hal dhinac oo lagu kalsoonaan Karin intii warbixin laga dhageysto lagu dhaawaco shaqsi qof wanaagsan ah bulshadana wax tar ballaaran ku leh.

Ugu dambeyntii Ganacsade Sh Ibraahim C/llaahi waxaa uu diyaar u yahay inuu la shaqeeyo guddi kasta oo qaramada midoobay ka socda si loo ogaado xaqiiqda

Iyadoo dhowaan warbixin ka soo baxday Qaramada Midoobey lagu sheegay in Wasiiro ka tirsan Dowladda KMG ay iibsadaan Fiisooyinka ay ka hesho wadamada Caalamka ayaa waxaa taas gaashaanka ku dhiftay Mid ka mid ah Wasiirada Dowladda.

Wasiirka Lacagta Dowladda KMG Eng. C/raxmaan Cumar Cismaan Yariisow ayaa beeniyay wararka sheegaya in Wasiirada Dowladda ay iibsadaan Fiisaha ay hesho Dowladda Soomaaliya.

Eng. Yariisow ayaa sheegay in ay guda galeen sidii ay baaritaan ugu sameyn lahaayeen warbixinta Qaramada Midoobe ee sheegeysa in Wasiirada qaar iibsadaan Fiisooyinka.

“Waxaan isku dayi doonaa inaan ugu yaraan wax ka ogaano warbixintaas, si aan u xaqiijino waxaan wadnaa Baaritaan aanu ku ogaaneyno”ayuu yiri Eng. Yariisow oo intaa ku daray in eedeymaha qaar ay ka bad badis yihiin.

Qaramada Midoobey ayaa todobaadkii la soo dhaafay sheegtay in Fiisooyin ay deeq ahaan u hesho Dowladda si gaar ah u iibsadaan Wasiirada Dowladda, waxaana qiimaha Fiisooyinkaas oo ah kuwa dalalka Yurub, lagu iibsadaa lacago gaareysa 14 kun oo doolarka Mareykanka

Xasan Mahdi oo ka mid ah horjoogayaasha Maleeshiyada Xisbul Islaam ayaa Sheegay in Muuse Caraalle oo lagu yaqaanay hurinta Colaadaha uu iminka ku sugan yahay Dalka Suudaan uuna halkaasi gaaray mudo bil ka hor ah, kadib markii uu ka cararay maleeshiyaadka Shabaab oo ugaarsi ku bilaabay horjoogayaasha Xisbiga.

Xasan Mahdi ayaa intaa ku daray in muddo dhowr maalmood ah ay warkiisa waayeen Muuse Cabdi Caraale,taas oo muujineeysa in uu ku xiranyahay dalka Suudaan oo markii horeba uu si dhuumaaleeysi ah ku joogay.

Xasan Mahdi ayaa dhanka kale qiray in Safaarada Soomaaliya ay ku leedahay dalkaasi,dad Soomaaliyeed.ciidamada Suudaan iyo booliiska caalamiga ah ee Interbollba ay ku raad joogeen horjooge Muuse cabdi Caraalle kadib markii ay ka warheleen in uu ku dhuumaaleeysanayo gudaha dalka Suudaan kaa oo loo heysto danbiyo dagaal iyo xasuuqa Muwadiniin Soomaaliyeed oo aan waxba galabsan,iyo Afduubka Saraakiishii faransiiska ahaa ee laga qafaashay Hotelka Saxafi ee M/Muqdsiho.

Wararka qaar ayaa sheegaya in Muuse Caraale uu lacag fara badan ka dhacay Xisbul islaam sidaas darteedna ay tahay sababihii u baxsaday.

Wasiiru dowlaha Gaahsaandhigga Dowladda KMG ee Soomaaliya Sh. Yuusuf Maxamed Siyaad Indhacadde ayaa sheegay in maleeshiyaadka dagaalada ka wada Magaalada Muqdisho ay dagaalada ka dhaxleen Mucjisooyin rabaani ah oo Maleeshiyaad badan oo iyaga ka mid ah Geeri u horseeday. 

Sh.Yuusf Indhacadde ayaa sheegay in arrimahaasi ay ka mid tahay in dhaawaca maleeshiyaadka ay bararayaan, marka dambana ay dhimanayaan, taas oo yaraysay dhawaca maleeshiyada korna u qaaday dhimashada ay maleeshiyaadku kala kulmaan dagaalada xaq darrada ah ee ay ka wadaan dalka Soomaaliya taas oo sida muuqata ka dhalatay Habaarka Ummada Soomaaliyeed oo ay dhibaatada ku hayaan.

Wasiiru dowlahu wuxuu Sheegay in arrintaan ay sabab u tahay dhibaatada ay ku hayaan maleeshiyaadku shacabka Masaakiinta ah ee ku nool goobaha ay ku sugan yihiin, iyo kuwa habeen maalin maalin taagan cidlada ee ay u diideen in ay guryahooda ku noolaadaan, wuxuuna sheegay in inkaarta Muslimiinta Soomaaliyeed ay ka soo baxday maleeshiyaadkaas oo maanta halis wayn oo xagga caafdimaadka ah soo wajahday.

Wuxuu sheegay in bararkaku dhacaya dhaawaca maleeshiyaadka ay u geeriyoodeen dad badan oo qaarkood ajaanib yihiin oo ka tirsan Shabaab, halka kuwo kalana ay hadda la il daran yihiin.

Dowladda KMG ayaa guulo ballaaran ka sheegatay dagaalada maalintii labaad ka socda waqooyiga Muqdisho ka socda, kaasoo ay ka qeyb qaadanayaan Taangiyada Ciidamada AMISOM oo jiida dagaalka galay.

Wasiiru Dowlaha Gaashaandhiga Sheekh Yuusuf Indha Cadde ayaa sheegay in Ciidamada Dowladda ay horu mar ka sameeyeen dagaalada, isla markaana la wareegeen goobo ay ku sugnaayeen Mucaaradka.

“Ciidamada Dowladda waxay la wareegeen meelo dhowr ah, sida Kaaraan, Sanca iyo dhamaan meelihii ay joogeen, nimankaasna waxaa gaaray qasaaro fiican”ayuu yiri Indha Cadde oo sheegay in Ciidamada ay wali ku sugan yihiin meelahoodii.

Indha Cadde ayaa ku eedeeyay Xoogaga Mucaaradka in ay dadka qaarna gowracayaan, kuwana ay xabad ku dilayaan, isagoo tilmaamay in haatan bilaabeen in dadka ay gaajo u dilaan.

Ka sokow sheegashada guulaha ee Dowladda KMG waxaa jira qasaaro baaxad leh oo aan indhaha laga qari karin, kaasoo soo gaaray dadka Rayidka ee ku nool guryahooda, kuwaasoo Madaafiicda ay ugu tagtay.

Qasaaraha dagaalada ayaa ah kuwo wali taagan oo aan la qiyaasi karin, waxaana dhaawacyada ka badan yihiin 100-ruux, halka dhimashaduna ay dhaafsiisan tahay sodomeeyo ruux

Dagaalo culus ayaa saaka dib uga qarxay Waqooyiga Magaalada Muqdisho oo shalay dagaaladii ugu xooganaa abid ay ka dhaceen, kaasoo ay si toos uga qeyb qaadanayeen Ciidamada AMISOM.

Sida ay sheegayaan wararka dagaalka saaka ayaa ka duwan dagaaladii la soo dhaafay, waxaana markii u horeysay la arkayay Ciidamada AMISOM oo si aan horay loo arag ugu qalab qaatay dagaalka.

Dagaalka ayaa xoogiisa ka socda degmooyinka Kaaraan, Shibis iyo C/casiis, waxaana si aad loo maqlayaa hugunka Madaafiicda xoogan ee ka dhacaya Qoryaha Taangiga iyo BM-ka.

Wararka qaar ayaa sheegaya in dagaalkan saaka dib uga qarxay Waqooyiga Muqdisho uu yahay abaabulkii dagaal ee beryahan isla wadeen Dowladda KMG iyo AMISOM, marka loo eego sida ay ugu qalab qaateen Ciidamada AMISOM.

Ciidamada AMISOM oo wata taangiyo iyo agab kala duwan ayaa sii galaya jiida hore dagaalka, waxaana wehlinayay Gawaari Bal-doosaro ah, kaasoo ay doonayaan in ay dhufeyso kaga qotaan qeybaha ay dagaan iyo godod boholo ah oo laga faagay wadooyinka in ay aasaan.

Dad goob joogayaal ah ayaa sheegaya in Ciidamada AMISOM ay u egtahay in ay fariisimo ka sameysanayaan Waqooyiga Muqdisho oo marar badan dagaalo ay ku garab siiyeen Ciidamada Dowladda dib uga soo baxay.

Wararka ayaa intaa ku daraya in dagaalkan uu yimid kadib markii Ciidamada Dowladda ay soo faarujiyeen meelihii shalay u qabteen Ciidamada AMISOM, iyadoo Xoogaga Mucaaradkana ay saaka mar kale soo buuxiyeen aagaga dagaalka, isla markaana ku soo dhowaadeen KM-0 oo ah qadka cagaaran ee AMISOM asteysteen.

Lama oga qasaaraha uu geysanayo dagaalka, ha yeeshee waxaa sii kordhaha qasaaraha shacabka soo gaaraya, bacdamaa madaafiic xoogan ay ku socdaan degmooyinka qaar ee Muqdisho.

Ciidamadda Dowladda Soomaaliya ayaa guulo ka gaaray dagaalo saaakay ka bilowday waqooyiga magaalada Muqdisho oo ay soo qaadeen maleeshiyaadka Dowladda Ka soo horjeeda.

Deegaano hor leh ayay cidamadu galabta la wareegeen sida fariisimo ay maleeshiyaadku ku lahaayeen deegaanka Beexaani, nasiib buundo iyo garaash geedoole, ayadoo ciidamada Dowladdu ay wali ku sii siqayaan goobo hor leh oo ka tirsan degmada Kaaraan.

Meelaha muhiimka ah ee Ciidamada Dowladda qabsadeen waxaa ka mid ah Hotelka Global ilaa iyo agagaarka mowlac Shariif Sh Muxyadiin.�

Taliyaha ciidamada Lugta  Dowladda Soomaaliya General Cali Caraale Cosoble (gacma dulle) ayaa hogaaminayay Ciidamada oo ku sugnaa Afka hore ee dagaalka, wuxuuna si weyn ugu howlanaa dagaal gilinta ciidamada, ayadoo meesha ay ka muuqanaysay guul hor dhac ah oo laga gaaray dagaalkii  maanta bilaawday.

Ka sokoow dagaalka waxaa goobta ka soconayay baaritaano ay sameynayaan Ciidamada Dowladda Soomaaliyeed, kuwaas oo guryaha baaraya si aysan u dhicin in maleeshiyaadku ay ku dhuuntaan guryaha laga barakacay ee maalmihii la soo dhaafay ay xoogga ku deganaayeen, waxayna gacanta ku soo dhigeen dhowr qof oo ka tirsan Meleeshiyadii dagaalamaysay oo uu ku jiro horjooge Shabaab ka tirsan.

Sidoo kale ciidamada ayaa baarayay wadooyinka waaweyn ee xaafadaha kaaraan iyo shibis mara, si ay uga saaraan hadii maleeshiyaadku ay halkaas ku aaseen miinooyin sida caadada u ah, iskastoo aan wali la arag wax miino ah oo halkaas laga bixiyay.

Maleeshiyaadka Shabaab iyo Xisbul islaam uma kala harin Dagaalka saakay inkaastoo ay isku hagradeen, maleeshiyada Shabaab waxay afka hore ee dagaalka saakay soo geliyeen ajaanib fara badan oo maalmihii la soo dhaafay lagu uruurinayay waqooyiga magaalada Muqdisho, waxay filayeen in ay dhagartooda guul ku helayaan, hase yeehsee horjoogayaal badan ayaa uga dhintay dagaalka, dadka ku nool waqooyiga Muqdisho ayaa sheegay in in ka badan 15 qof oo dhaawac ah una muuqday ajaanib la arkay.

Waxay ka carareen goobo badan oo aagga dagaalka ka fog sida Saldhigga Kaaraan iyo Isgoyska Sanca, Waxaana la arkayey maleeshiyaad firxad ah oo wadada wadnaha si baqdin ku jirto u sii cararaye, sidoo kale waxaa dhaqdhaqaaqyo  ay ka wadaan qeybo ka mid ah koofurta Magaalada iyo saldhigga ay ku leeyihiin halka loo yaqaano Maslax oo ku yaala deegaanka Suuqa xoolaha.

Wararka naga soo gaaraya magaalada muqdisho ayaa sheegaya in dagaal culus oo la isku adeegsanayo hubka culus uu saaka waaberigii ka bilawday degaanada ku teedsan dhinaca waqooyi ee magaalada muqdisho.

Dagaalka ayaa u dhaxeeya ciidamada Dowladda KMG ah ee Soomaaliya iyo Maleeshiyaadka shabaab iyo dagaalyahano ajanabi ah kuwaas oo dhibaatooyin ballaaran ku haaya shacabka soomaaliyed.

Sida ay sheegayan wararka dagaalka ayaa waxaa uu inta badan ka dhacayaa degmada xeebta xigta ee C/casiis halkaas oo muddo isku hor fadhiyeen Ciidamada Dowladda iyo dablayda shabaab.

Ciidamada Dowladda ayaa ku sii sigaya goobo ay ku sugnaayen dablayda shabaab, dadka degaanka ayaa laga soo xigtay in ay arkeen meydad dhawr ah oo maleeshiyada shabaab ka tirsan.

Dagaalka oo weli socda ayaa la ogeyn khasaaraha ka soo gaaray dadka fara ku tiriska ah ee markii horeba ku haray xaafadaha dagaalka ka socda.

Waxanu warbixintiisa ku sheegay inuu jiro qorshe haatan socda oo ah in gacanta lagu qabto magaalada Muqdishu

Generaalku faahfaahin kama bixin qorshaha milateri, waxase uu sheegay in Maraykanku uu taagerayo dedaalkaas ah sidii looga saari lahaa kooxaha xagjira degaannada ay haystaan, looguna soo celin lahaa gacanta dawladda. Waxanu intaasi raaciyey in hawgalladani ay wax ka tari doonaan wax-ka-qabashada deganaansho la’aanta Somalia

Dawladda iyo AMISOM

Dawlada KMG ah iyo ciidamada AMISOM, waxay iyaguna beryahani danbe aad u hadal hayeen olole milateri oo kama-dambays ah oo ay damacsan yihiin inay ku qaadaan kooxaha islaamiyiinta ah, gaar ahaana ururrada al-Shaaab iyo Xisbu-Islaam, oo ay kaga saaran magaalada Muqdishu, iyo degaannada kale ee ay haystaanba.

Somalia iyo Maraykanka

Dawladda Maraykanku waxay sanaddii hore kor u qaadday gargaarki ay u fidin jirtey Somalia, waxayna dawladda ku-meel-gaadhka ah siisay hub, si ay iskaga caabbiso kooxaha islaamiyiinta.

Toddobaadkii horena, warbixin lagu soo daabacay jariidadda The New York Times ayaa soo xigatey sarkaal Maraykan ah oo aan la magac-dhebin, hase ahaatee sheegay inay suurtogal tahay in ciidamada hawlgallada milateri ee gaarka ah ee maraykanku ay ka caawin doonaan dawladda Somalia inay ka saarto magaalada Muqdishu ururrada xag-jirka ah.

Diyaarado Sahan

Wararka laga helayo gobollada koonfureed iyo kuwa dhexe, waxay iyaguna bilahani danbe ka hadlayeen diyaarado noocyo kala geddisan ah oo loo malaynayo inay yihiin kuwa sahanka oo soo gala hawada gobolladaas, degaannadaasi oo inta badan gacanta ay ku hayaan ururrada islaamiyiinta ah ee ka soo horjeeda, dagaalkana kula jira dawladda Somalia

Sarkaal katirsanaa Ururka Xisbul Islaam ayaa goordhow kooxo hubaysan waxa ay ku toogteen gudaha Suuqa Bakaaraha ee magaalada Muqdisho.

Sida ay xaqiijiyeen dad goob joogayaal ah kooxo ku habaysnaa hub fudud ayaa goordhow waxa ay gudaha Suuqa Bakaaraha gaar ahaan agagarka halka loo yaqaano Maalin taajir waxa ay ku toogteen Sarkaal sare oo katirsanaa Ururka Xisbul Islaam kaasi oo lagu magacaabi jiray Barre Cali Barre.

Marxuumka ayaa dhawaan ka badbaaday isku day dil ah oo lala damacsanaa laakiin markan sida muuqato waa lala helay.

Kooxaha fuliyay dilka marxuumka ayaa waxay ka tirsan yihiin maleeshiyada shabaab.

Booliiska ka hortaga dambiyada ee Gobolka Taxes ee dalka Mareykanka ayaa sheegay inay qabteen ruux Soomaali ah oo la sheegay inuu damacsanaa inuu qaraxyo ka geysto Warshad uu ka shaqeynayay oo gobolkaas ku taalla.

Ruuxan oo lagu magacaabo Maxamed Maxamuud Xaashi ayay booliisku sheegeen inay baaritaanno ku sameyn doonaan, kaddib markii ay hadalka ku saabsan inuu damacsan yahay inuu qaraxyo geysto ay ka heleen dad Soomaali ah oo ay isla shaqeeyaan.

Mustafa Sheekh oo ay saaxiibo ahaayeen Maxamed Maxamuud ayaa sheegay inuu aad ula yaabay xariga loo geystay saaxiibkiis, isagoo sheeegay inuu ahaa ruux dagan oo aan laga filan karin falal noocaas ah inuu sameeyo ama uu u hanjabo dad Soomaali ah oo ay isla shaqeeyaan.

Wiilkan Soomaaliga ah ayaa lagu hayaa xabsi aan la sheegin oo ku yaalla Gobolka Texis, iyadoo aan weli wax dacwaddiisa ah loo gudbin Maxkamad, balse Booliisku waxay ku adkeysanayaan inuu dambiile yahay.

Dhalinyaro ay iskala shaqeynayeen Warshadda la sheegay inuu qorsheynayay inuu qaraxyada ka geysto ayaa sheegay inuu ugu hanjabay inuu dili doono, uuna qarax ka geysan doono warshadda xilliga lagu jiro shaqada, ayna dacwad gaarsiiyeen Booliiska Gobolkaas.

Maxamed Maxamuud Xaashi oo ah eedeysanaya ay gacanta ku hayaan Booliiska ayaa ka shaqeynayay Warshadda muddo toddoba bilood ah, iyadoo aanu booliisku kasoo saarin wax tafaasiil ah dambiga loo haysto wiilkan

Dowlada Canada ayaa ka mamnuucda dalkeeda dadka la shaqeeya kooxda Al shabaab oo xiriir la leh ururka Al qaacida oo la aaminsan yahay inuu yahay urur argigixiso

Wasiirka arimaha Bulshada ee dowlada Canada ayaa wakaalada wararka ee Reuter’s u sheegay in dowlada Canada ay gebi ahaanba mamnuucday in gudaha dalkeeda lagu arko dad xiriir la leh maleeshiyada kooxda Alshabaab iyo in ay maleeshiyadasi taageero dhaqaale ka helan gudaha dalka Canada.

Arintani ayaa ka dambeysay kadib markii dowladda Canada ay warbixino ka heshay gudiga Jaaliyadda Somaliyed ee dalkasi ku nool kaa oo ku saabsanaa in dad xirrir la leh kooxda Alshabaab ay isku dayayaan sidii dhalinyarada  Soomaaliyeed ee ku nool dalkasi loogu biirin lahaa maleeshiyadaasi si ay uga qayb qaataan hurinta Colaadaha ka jira dalka soomaaliya.

Mr Fik Tooys waxaa kaloo uu sheegay in ciddii ay dowlada Canada ku aragto iyadoo dhaqaale u raadinaysa ama ka qayb qaadanaysa howlaha maleeshiyadasi ay ku xasuuqayaan shacabka Soomaaliyeed aytahay danbi weyn lana marsiin doono talaabo sharci waafaqsan.

Arintaani ayaa ku soo aadaysa xilli dowlada ingiriiska ay iyana ku dhawaaaqday in gudaha dalkeeda laga mamnuucay kooxaha u adeega meleeshiyada kooxda Al shabaab

MOGADISHU, Somalia — The Somali government is preparing a major offensive to take back this capital block by crumbling block, and it takes just a listen to the low growl of a small surveillance plane circling in the night sky overhead to know who is surreptitiously backing that effort.

“It’s the Americans,” said Gen. Mohamed Gelle Kahiye, the new chief of Somalia’s military, who said he recently shared plans about coming military operations with American advisers. “They’re helping us.”

That American assistance could be crucial to the effort by Somalia’s government to finally reassert its control over the capital and bring a semblance of order to a country that has been steeped in anarchy for two decades. For the Americans, it is part of a counterterrorism strategy to deny a haven to Al Qaeda, which has found sanctuary for years in Somalia’s chaos and has helped turn this country into a magnet for jihadists from around the world.

The United States is increasingly concerned about the link between Somalia and Yemen, a growing extremist hot spot, with fighters going back and forth across the Red Sea in what one Somali watcher described as an “Al Qaeda exchange program.”

But it seems there has been a genuine shift in Somali policy, too, and the Americans have absorbed a Somali truth that eluded them for nearly 20 years: If Somalia is going to be stabilized, it is going to take Somalis.

“This is not an American offensive,” said Johnnie Carson, the assistant secretary of state for Africa. “The U.S. military is not on the ground in Somalia. Full stop.”

He added, “There are limits to outside engagement, and there has to be an enormous amount of local buy-in for this work.”

Most of the American military assistance to the Somali government has been focused on training, or has been channeled through African Union peacekeepers. But that could change. An American official in Washington, who said he was not authorized to speak publicly, predicted that American covert forces would get involved if the offensive, which could begin in a few weeks, dislodged Qaeda terrorists.

“What you’re likely to see is airstrikes and Special Ops moving in, hitting and getting out,” the official said.

Over the past several months, American advisers have helped supervise the training of the Somali forces to be deployed in the offensive, though American officials said that this was part of a continuing program to “build the capacity” of the Somali military, and that there has been no increase in military aid for the coming operations.

The Americans have provided covert training to Somali intelligence officers, logistical support to the peacekeepers, fuel for the maneuvers, surveillance information about insurgent positions and money for bullets and guns.

Washington is also using its heft as the biggest supplier of humanitarian aid to Somalia to encourage private aid agencies to move quickly into “newly liberated areas” and deliver services like food and medicine to the beleaguered Somali people in an effort to make the government more popular.

Whenever Somalia has hit a turning point in the past, the United States has been there, sometimes openly, sometimes not.

In 1992, shortly after the central government imploded, Marines stormed ashore to help feed starving Somalis. In early 2006, when an Islamist alliance was poised to sweep the country, the C.I.A. teamed up with warlords to stop them, and when that backfired, the American military covertly supported an Ethiopian invasion.

Last summer, when Somalia’s transitional government was nearly toppled by insurgents linked to Al Qaeda, the American government hastily shipped in millions of dollars of weapons.

Since then, the insurgents’ imperative to retake the capital, and eventually other parts of the country, has grown, American officials say, as Al Qaeda has even considered relocating some of its leaders from Pakistan to here.

American officials said several high-ranking Qaeda agents were still active in Somalia, including Fazul Abdullah Mohamed, one of the suspected bombers of the American Embassies in Kenya and Tanzania in 1998, who is now believed to be building bombs for the Islamist insurgent group known as Al Shabab.

The Somali government has tried limited offensives before and has failed, leaving much of the country in the hands of Al Shabab, who have chopped off heads, banned music and brought a harsh and alien version of Islam to Somalia.

But officials say that this offensive, or at least the preparations for it, feels different. First, the government has the advantage of numbers, about 6,000 to 10,000 freshly trained troops, compared with about 5,000 on the side of Al Shabab and its allies.

In the past six months, Somalia has farmed out young men to Djibouti, Ethiopia, Uganda, Kenya and even Sudan for military instruction and most are now back in the capital, waiting to fight. There are also about 5,000 Ugandan and Burundian peacekeepers, with 1,700 more on their way, and they are expected to play a vital role in backing up advancing Somali forces.

The government is also better armed and equipped. Parked in neat rows behind Villa Somalia, the president’s hilltop villa in the center of Mogadishu, are newly painted military trucks, tanks, armored personnel carriers and dozens of “technicals,” pickup trucks with their windshields sawed off and a cannon riveted on the back of each one. The government also recently bought 10 Chevrolet ambulances.

There seems to be a qualitative difference, too. Somalia’s forces are now led by General Gelle, a colonel in Somalia’s army decades ago who most recently was an assistant manager at a McDonald’s in Germany. He is known among Somali war veterans as one of the best Somali officers still alive.

Many Somalia observers are confident that the offensive will push back Al Shabab. The question is what will happen afterward. “To take you need force, to hold you need discipline,” said Ahmed Abdisalam, a deputy prime minister in the last Somali government. “What’s going to guarantee those troops don’t turn on the population?”

Or turn on themselves: many Somalis worry the troops could split along clan lines, which is what brought down Somalia’s government in 1991. One lingering criticism of Somalia’s president, Sheik Sharif Sheik Ahmed, is that he has been too holed up in Villa Somalia and has not engaged with local power brokers and played clan politics better.

Even though there is a new religious overlay to Somalia’s civil war, with a moderate Islamist government battling fundamentalist Islamist insurgents, clan connections still matter and could spell success — or disaster.

That said, the government did recently strike a political agreement with a powerful moderate Islamist militia, which may join the offensive from the inland regions of the country. There has also been talk of a militia made up of Somali refugees living in Kenya advancing from the Kenyan side.

Sours= New york times
By JEFFREY GETTLEMAN

Bannaan bax xooggan oo looga soo hor jeedo Maleeshiyada Xisbul-Islaam ayaa ka dhacay agagaarka Isgoyska xarar yaale ee degmada war dhiigleey ee gobolka Banaadir.

Bannaan baxaan ayaa ka dambeeyay ka dib markii malesshiyada Xisbul-Islaam ay xalay kufsadeen haweenay ka mid ah dadka deegaanka, oo shalay gelinkii dambe ka wateen deegaanka xarar yaale kadibna ay kufsadeen ayagoo 8 qof gaaraya.

Xaaladda deegaanka iyo dareenka Shacabka ayaa sakay aad u kacsanaa, waxaana subaxnimadii hore ee saakay weerar ku qaaday fariisin ay Xisbul-Islaam ay ku lahaayeen saldhigga wardhiigleey oo ku dhow isgoyska xararyaale dhalin yaro deegaanka ah, waxaana halkaas ka dhacay iska hor imaad kooban.

Shacab fara badan ayaa mar kale isugu soo baxay xaafaddaasi, waxaana istaagay dhamaan dhaqdhaqaaqii gaadiidka ee wadada wadnaha, ayadoo taayarro lagu gubay waddada dhexdeeda.

Haween fara badan ayaa oo ku dhawaaqaya Xisbul-Islaam ha dhacaan ayaa isugu baxay meelo badan oo xaafadda xararyaale ka tirsan, waxaana lagu warramayaa in goobta ay ka carareen dhamaan maleeshiyaadkii ku sugnaa.

Ehellada Haweenayda la kufsaday ayaa xaqiijiyay in hawenayda oo da’deda lagu sheegay 48 sano la geeyay Isbitaal si loo daweeyo, ka dib markii ay jir dil xooggan u geysteen, haweeyneydu waa Hooyo leh 8 caruur ah.

Wasiirka Lacagta Dowladda KMG C/raxmaan Cumar Cusmaan (Eng. Yariisow) ayaa sheegay in ururka Xisbul Islaam uu yahay urur siyaasadeed doonaya xalka Soomaaliya.

Isagoo la hadlayay Warbaahinta Muqdisho ayuu Mr Yariisow xusay in Xisbiga uu aad kaga duwan yahay hab dhaqanka Shabaab, waxaana uu cadeeyay in Xisbul Islaam ay yihiin dad jecel Calanka Soomaaliya sida uu yiri.

Wasiirka ayaa sheegay in Xisbul Islaam ay ogol yihiin in ay Dowladda KMG la heshiiyaan, hase ahaatee ay mar walba Alshabaab ay ku wado hagar daamo iyo qas ay kaga hor istaagayaan is fahamka Dowladda iyo Xisbul Islaam.

Mar uu ka hadlay Mowqifka Shabaab ayuu sheegay in ay jiraan dad ay wadaniyad soomaalinimo ku jirto, laakiin waxaa uu xusay in dhibka ugu weyn uu yahay Ajaaniibta oo uu sheegay in ay marin habaabinayaan.

Ururka Xisbul Islaam oo khilaaf aan qarsooneyn kala dhaxeeya Shabaab, isla markaana dagaalo ku dhex maray dalka ayaa waxay yihiin kuwo ay aad isugu khilaafaan dhinaca ra’yiga Shabaabka, iyadoo dhowaan Xisbul Islaam uu taageeray Calanka Soomaaliya, halka Shabaabkana ay laaleen

Hogaamiyaha Xisbul Islaam Sheekh Xasan Dahir Aweys ayaa si kulul u weeraray qaabkii uu ugu biiray Shabaab ninka ay saaxibka dhow ahaayeen Sheekh Xasan Cabdalla Xirsi Turki, isagoo daciifnimo ku tilmaamay sida uu ugu biiray.

Sheekh Xasan Dahir oo hadal ka jeediyay Masaajidka Abuu Hureyra Salaadii Jimcaha kadib ayuu sheegay in Sheekh Xasan Turki aanu kala tashan ku biiristii Shabaab, isagoo si aad uga carooday arrintaas.

“Runtii in Sheekh Xasan Turki oo ahaa dadkii aas aasay Xisbul Islaam in maanta uu ku biiro Shabaab, xataa inuusan nala socodsiin aad baan uga xunahay”ayuu yiri Sheekh Xasan Dahir oo si gaar ah u taabtay gunta khilaafka Xisbul Islaam iyo Shabaabka.

Sheekh Aweys ayaa ku sifeeyay qaabka uu ugu biiray Xasan Turki mid u muuqata in Shabaab ka awood badan yihiin Xisbigiisa, taasoo dadkii dhageysanayay khudbadiisa ay aad qosleen, waxaana Wadaadka uu u hadlayay si Kalsooni ah.

Mar uu ka hadlay arrinta Axmed Madoobe ayaa waxaa uu mar kale ku celiyay inuu ka tirsan yahay Xisbul Islaam, waxaana uu gaashaanka ku dhiftay hadal ka soo yeeray Maamulka Xisbul Islaam ee Gobolka Gedo, kaasoo ay ku sheegeen inuusan ka mid aheyn.

Sheekh Xasan Dahir ayaa sidoo kale soo hadal qaaday ku biiritaanka Sheekh Xasan Turki in xataa uusan la socodsiin Axmed Madoobe oo uu sheegay inuu seedigiis yahay, isagoo ceeb ku tilmaamay inuusan ku wargelin ninka ay xididka yihiin

“Xasan Turki Axmed Madoobe oo seedigiisa yahay oo walaashiis ayuu qabaa xataa uma sheegin inuu Shabaabka ku biiriyo, bal fiiriya ceebtaas”ayuu si dhoolacadeys ku jiro u yiri Sheekh Xasan Dahir oo hadaladiisa oo idil ay ahaayeen mid aad u kulul.

Dadkii dhageysanayay Khudbadiisa ayaa ku tilmaamay mid u muuqatay inuu wali aanu dhicin, isla markaana marna Shabaabka isu dhiibi doonin, waxaana hadalkiisa uu ahaa mid sii fogeynayay Khilaafka baaxada leh ee u dhaxeeya Shabaabka iyo Xisbul Islaam

Qarax ay dadi ku dhaawacmeen ayaa xalay waxa uu ka dhacay Masjid ku yaala degmada Goldogob ee gobolka Mudug sida ay sheegayan wararka halkaas naga soo gaaraya.

Qaraxani oo ahaa sida ay wararku sheegayaan mid la dhigay meel u dhow mid kamid ah Masjidyada ku yaala degmada Goldogob ee gobolka Mudug ayaa waxaa halkaasi ku sugnaa Culumaa’udiin katirsan Ahlu Sunna Waljamaaca kuwasi oo habeen walba oo Jimco soo galaysa halkaasi ku digriya.

Kooxaha la aaminsan yahay in ay ka soo horjeedan digriga ayaa laga yaaba in ay dhigeen miinadaas qaraxa ka dhashay.

Markii uu qaraxu dhacay kadib ayaa waxaa halkaasi soo gaaray Ciidamo ku suganaa degmada Goldogob ee gobolka Mudug kuwaasi oo howlgalo xoogan ka bilaabay deegaanada ku dhowdhow Masjidka iyadoo aysan ku guulaysan Ciidamadu in ay gacanta ku soo dhigaan dadkii qaraxaasi maleegayay.

Wararka ayaa sheegaya in afar ruux oo rayid ah ay ku dhaawacmeen qaraxaas laakiin laga yaabo in khasaaro intaa ka badan yahay.

Madaxweynaha dowladda KMG ah ee Soomaaliya Shariif Sheekh Axmed ayaa soo dhaweeyay go’aankii dhawaan dowladda Britain ay ku sheegtay inay mamnuuceyso maleeshiyada al-Shabaab.

Madaxweyne Shariif oo maanta shir jaraa’id ku qabtay magaalada Muqdisho ayaa waxa uu sheegay inay soo dhaweynayaan go’aanka Britian, mar horena ay ka sugayeen dowladda Britain in tallaabadaasi ay qaadato, isagoo ugu baaqay dowladdaha kale in ay go’aankaasi oo kale ka qaataan Shabaab.

Al-Shabaab oo dagaal kula jirta dowladda Madaxweyna Shariif Shiikh Axmed ayaa dowladda Britain toddobaadkan waxay sheegtay in ay mamnuuceyso.

Xoghayaha Arrimaha Gudaha ee Britain, Alan Johnson, ayaa maanta sheegay in uu amar ku bixiyay in la mamnuuco Shabaab.

Mamnuuca Shabaab, waxaa macnaheedu yahay in- kamid noqoshada Shabaab ay noqoneyso dembi, isla markaana ay dadka British-ka ah ka mamnuuceyso in ay lacag u ururiyaan Shabaab. Waxaa la horgeyn doonaa go’aanka dowladda baarlamaanka Britian.

Madaxweyne Shariif waxa kale oo uu shirkiisa jaraa’id kaga hadlay dhibaatada burcad badeedda Soomaaliyo iyo mida bini’aadanimo, oo uu sheegay inay uga sii dartay khilaaf u sheegay inuu u dhaxeeyo Mareykanka iyo WFP iyo khilaafka u dhexeeya Shabaab iyo WFP

Wararka ka imaanaya deegaanada loo barakacay ayaa sheegaya in xalay rasaas xoogan laga maqlayay inta u dhaxeysa deegaanka Ceelasha Biyaha iyo degmada Afgooye ee gobolka Shabellaha Hoose.

Iska hor imaadka ayaa la sheegay inuu dhex maray maleeshiyo ka tirsan Ururka Xisbul Islaam iyo dablay shabaab ah, kaasoo la isu adeegsaday Hubka fud fudud, waxaana uu wal wal iyo cabsi ku beeray dadka barakacayaasha.

Sida ay sheegayaan wararka Iska Hor imaadkan ayaa ka dhashay dhaawac labada dhinac soo gaaray, kaasoo aan si dhab ah loo ogeyn, waxaana Maamulka Xisbul Islaam ee deegaanada loo barakacay sheegeen in aanu wax qasaare ah ka soo gaarin.

Muranka labada koox ayaa waxaa uu salka ku haaya dhac gaadiid yar oo todobaadkii hore dablayda shabaab ka soo dhaceen degaanka Afgooye kaas oo sababay dhimashada askarta Shabaab oo afar ah .

Deegaanada loo barakacay ayaa mudooyinkii u dambeeyay waxaa ka jiray amaan daro iyo falal lagu kala dhacayay gaadiidka, waxaana xaaladaha ku soo kordhay deegaanadaas cabasho ka muujinayay dadka barakacayaasha ah

Horjoogayaasha Al-shabaab oo maalmihii ugu danbeeyay ku shirsanaa Magaalada Kismaayo ee xarunta Gobolka Jubada hoose ayaa lagu soo waramayaa in ay isku raaci waayeen go’aano la filayay in ay kulankooda ka soo saaraan, kadib markii ay ku kala argti duwnaadeen in lagu gaalnimo xukmiyo Axmed Madoobe oo hogaamiya Garabka Xisbul Islaam ee Jubooyinka.

Ilo wareedyo lagu kalsoonaan karo ayaa sheegaya in Xasan Turki uu diiday in lagu Gaalnimo xukmiyo Axmed Madoobe oo ay dhinaca Qoyska iska leeyihiin, isla markaana ka soo horjeeda kooxda Shabaab,warka ayaa intaa ku daraya in horjoogayasha Shabaab ay isku mowqif ka noqon waayeen arintaasi iyadoo garab ka mid ah Shabaab oo la magac baxay Milatu Ibraahim ay hore ugu Gaalnimo xukmiyeen Axmed Madoobe.

Dhanka kale horjoogayaasha Shabaab ayaa markii ay ku fashilmeen arintaasi waxa ay diirada sareen in ay ciidamo si qasab ah uga qortaan dadka reer Kismaayo kadib markii maalintii Jimcaha Masjid ku yaala Kismaayo uu ka istaagay Mukhtaar Rooboow Cali Abu Mansuur oo dadka u sheegay in ay doonayaan Toban Kun oo Askari sidaasi darteedna ay isqoraan dadka hadii kale ay la kulmi doonaan ciqaab adag taas oo ka yaabisay dadka deegaanka.

In ka badan 20-ruux oo rayid ah ayaa maanta ku dhaawacantay dagaalo iyo duqeymo duhurnimadii maanta ka dhacay qeybo ka mid ah magaalada Muqdisho, iyadoo dhamaan dadkii waxyeelada soo gaartay ku dhaawacmeen Suuqa Bakaaraha.

Rasaasta habowga ee ka dhaceysa qoryaha lidka diyaaradaha iyo Madaafiic ayaa ku dhacay qeybo ka mid ah Suuqa Bakaaraha, kuwaasoo sababay dhaawacyada 8-ruux oo rayid ahaa.

Iska hor imaad u dhaxeeyay Ciidamada Dowladda iyo Kooxaha ka hor jeeda ayaa ahaa mid ka socday Degmada Hodan, waxaana Madfac ku dhacay wadada labaad ee Suuqa Bakaaraha uu geystay dhaawacyo dad rayid ah.

Sidoo kale Madaafiic ku dhacday Xaafada Xerta Sheekh Aadan Dheere ee Degmada Wardhiigley ayaa waxaa ku dhaawacantay ilaa afar ruux oo rayid ah.

Gudiga Gaadiidka Gurmadka dega dega ayaa soo sheegaya in dhaawacyada dadka ay qaadeen ay gaarayeen ku dhowaad labaatameeyo, oo qaarkood dhaawacyadooda ay fududaayeen sida ay sheegeen.

Xaalada Suuqa Bakaaraha ayaa waxay mar kaliya noqotay mid lagu kala cararo, kadib markii ay ku soo dhaceen Madaafiic iyo qoryaha lidka diyaaradaha, kuwaasoo ka soo dhacayay fariisimaha Ciidamada Dowladda.

Wararkii ugu dambeeyay ayaa sheegaya in xaalada Suuqa ay haatan tahay mid degan iyo goobihii lagu dagaalamayay ee Degmada Hodan

Warbixintu waxay xoogga saaraysaa xaaladihii ugu waaweynaa ee labadii bilood ee ugu horreeyey sanadkan iyo saamaynta ay ku yeesheen noloshii banii’aadminnimo

Barakaca iyo xuduudaha

Heyadda qaxootia ee UNHCR xafiiskeeda Kenya ayaa sheegay in xerooyinka Dhadhaab ay weli soo gelayaan qaxooti cusub oo Soomaaliya ka imanaya. Ilaa bishii Jannaayo, tiro ku dhowdhow 7500 oo qaxooti cusub ah ayaa la sheegay in laga diiwaangeliyey xerooyinkaas. Dagaalladii ugu danbeeyey ee Dhoobley ayaa dad gaaraya ilaa 2000 ay u qaxeen dhinaca xuduudda Kenya, sida lagu qoray warbixintaas

Xerooyinka cusub ee Itoobiya

Itoobiya waxay ku soo warrantay in gobolka Soomaalida ee Itoobiya laga furay
xero labaad oo cusub oo kuwa qaxootiga ah si loo geeyo dadka ku soo barabaxay Somalia ee ku soo qulqulaya xuduudaha Itoobiya.QaxootiSoomaaliyeed oo lagu qiyaasey ilaa 60,000 ayaa ku jira afarta xero ee Aw-Barre, Boqol-maayo, Qabri-bayax iyo Sheder oo ku dherersan xuduudahaasi. Maalin kasta, dad lagu qiyaasay ilaa 200 oo Soomaali ah ayaa la sheegay inay qaxooti ahaan u galaan Itoobia.

Barakaca Muqdishu

Warbixintu waxay sheegtay in iska-horimaadyada joogtada ah ee magaalada Muqdishu ay keeneen barakac joogto ah. Heyadda UNHCR waxay ku qiyaastay bishii February ee sannadkan oo qudha inay dagaalada Muqdishu barakiciyeen ilaa 22,300 oo qof. Haddii xaaladuhu ay sidan ku sii socdaanna, waxa la qiyaasayaa in saddexda bilood ee soo socda ay barakici karaan dad ka badan 200, 000 oo qof, Muqdishu dhexdeeda

Waxqabadka hey’adaha

WFP waxay sheegtay in toddobaadkii hore gudihiisa ay geysey gobollada dhexe ee Somalia, gargaar cunno oo gaaraya 4,000 oo meterik-ton, gargaarkaas oo laga soo dejiyeyey dekadda Berbera, lana soo mariyey waddada weyn ee isku xirta waqooyiga iyo koonfurta, ka dib markii uu sii xumaaday ammaanka waddadii isku xiraysay Muqdishu iyo Gaalkaco, hanjabaado joogto ahna lagala kulmay kooxaha islaamiyiinta ah ee ka taliyaa marinnadaasi. Gargaarkaas WFP waxay sheegtay inay ka mid tahay dedaal ay ku doonayso inay wax ugu tarto kumannaan qoys oo abaaruhu ay saameeyeen oo ku nool gobollada Dhexe.

Cabasho waxyeello

OCHA waa kale oo warbixinteeda ay ku sheegay biliqo iyo dhac loo geysto heydaha gaargaarka ee doonaya inay wax u geeyaan dadweynaha Somaliyeed ee ku dhibaataysan gobolo badan. Waxayna tusaale u soo qaadatay 23kii Febraayo, ooo WFP ay sheegtay in 50 qof oo hubeysani ay magaalada Gaalkacyo ee gobolka Mudug ay ku af-duubey, kuna bililiqeysteen cunto gargaar ah oo dhan 24 meterik-ton, ahna galley ay WFP soo dejisey

Golaha Ammaanka iyo Nabadgelyada Midowga Afrika ayaa ku baaqay in xayiraad deg deg ah la saato Garoomada Diyaaradeed iyo dekedaha ay maamulaan Kooxaha Mucaaradka ku ah Dowladda KMG ah ee Soomaaliya.

Kadib Kulan ay ku yeesheen Magaalada Addis Ababa ayaa Golaha ka soo saareen Bayaan ay kaga dalbanayaan Qaramada Midoobey in ay ansixiso in la cunaqabateeyo Dekedaha macmalka iyo Garoomada Diyaaradeed.

Midowga Afrika ayaa sheegay in Kooxaha ka soo horjeeda Dowladda ay Hub iyo saanado kala soo degaan garoomada Diyaaradeed iyo Dekedaha, waxaana si loo ogaado dhaq dhaqaaqyadaas ay ku codsadeen in la mamnuuco goobahaas.

Sidoo kale Midowga Afrika ayaa sheegay in dalal shisheeye ay taageero siiyaan dhinacyada ka soo horjeeda, waxaana taageeradaas ay ku sheegeen mid wiiqeysa jiritaanka Dowladda KMG, waxaana sida ugu fudud ee lagu hakin karo taageeradaas ku sheegeen in ay tahay in la mamnuuco isticmaalka meelaha loo soo marsiinayo taageerada sida ay hadalka u dhigeen

Arrintani ayaa waxaa ay timid kadib markii uu kordhay dhaq dhaqaaqa Kooxaha Dowladda ka soo horjeeda iyo hoos u dhaca ku yimid wax qabadka Dowladda Soomaaliya taasi oo Midowga Afrika ay uga baqeen in ay dhibaatada geeska Afrika ka taagan ay sii kororto

Wararka ka imaanaya magaalada Jowhar ayaa sheegaya in Dabley Hubeysan ay xalay saqdii dhexe ay hoygiisa kala baxeen mid ka mid ah Odayaasha ugu caansan magaaladas.

Sida ay sheegayaan wararka Dableyda Hubeysan oo gaaraya lix nin oo ku hubeysan Qoryaha AK47 ay u dhaceen C/llaahi Siyaad Qanyare oo ah dadka sida weyn looga yaqaano magaalada Jowhar, kana mid ah Odayaasha deegaanka.

C/llaahi Siyaad Qanyare ayaa sidoo kale ahaa Gudiga Waalidiinta Dugsiga hoose dhexe iyo sare ee Kulmis oo ka mid ah Iskuulada ugu waa weyn magaalada Jowhar.

Lama oga halka ilaa iyo hada lala aaday C/llaahi Siyaad oo lagu tiriyo dadka asalka magaalada Jowhar, isagoo horay uga baxay Dugsigii Mishinka Ameerikaanka.

Dadka reer Jowhar ayaa hadal haya dhacdadan oo ay aad uga argagaxeen, waxaana qaabka gurigiisa lagala baxay lagu sheegay mid xeeladeysneyd oo kooxihii watay ay guriga u boodeen.

Wararka ayaa sheegaya in kooxaha la baxay odaygaas ay ka tirsan yihiin kooxda shabaab oo xoog ku haysata magaalada Jowhar.

Maleeshiyada Al-shabaab ee Soomaaliya, ayaa shalay qabsaday deegaanka Diif oo Dhoobleey 60-km u jirta.

Wararka deegaankaasi ka imanaya ayaa waxay sheegayaan in Shabaabku markii ay magaalada Qabsadeen ay dad badan oo shacab ah ay ay isu soo bixiyeen, iyagoo qaar ka mid ah ay kaxaysteen.

Hadaba maanta ayaa wiil dhalinyaro ah oo dadkii shalay la kaxaystay ka mid ah, waxaa Maydkiisa la soo dhigay, bartamaha Diif.

Nin arkay maydka la gowracay, oo magaciisa diiday in la sheego ayaa laga soo xigtay in uu indhaha saaray ninkaas la soo gawracay.

Wuxuu ninkaas sheegay in Al-Shabaab ay maydka oo garba-duub u xiran oo madaxiina dulsaaran yahay soo dhigeen dukaamada hortooda.

Wuxuu arrintaas ku tilmaamay mid aad loog naxay oo dadkii oo dhan ku argagaxeen

Wararka ka imaanaya dalka Sudan ayaa sheegaya in Ciidamada Booliska dalka Sudan ay Isbitaal ku yaal magaalada Khartoum ay kala baxeen nin Soomaali ah oo dhaawac daran qaba, kaasoo la sheegay in ay Xabsiga u taxaabeen.

Wararka ayaa sheegaya in Ninkan Soomaaliga oo heysta mid ka mid ah Baasaboorada dalalka Yurub looga shakisan yahay inuu xiriir la leeyahay Kooxaha Islaamiyiinta ka dagaalama Soomaaliya.

Safiirka Soomaaliya u fadhiya dalka Sudan Prof. Mahad Abuubakar ayaa sheegay in ay maalmo ka hor ay Ciidamada Booliska Sudan ay Isbitaal kala baxeen Nin Soomaali ah, hase ahaatee uusan garan karin halka ay la aadeen.

Isbitaalka ninkan lagala baxay ayaa waxaa gacanta ku haya Dhaqaatiir Talyaani ah, waxaana Booliska ka hor inta aysan ninka dhaawac kala bixin ay su’aalo weydiiyeen Dhaqaatiirta qaarkood.

Wararkii ugu dambeeyay ayaa sheegaya in Ciidamada Booliska Sudan ay baadigoob ugu jiraan Muuse Caraale oo ka mid ahaa Hogaamiyeyaashii Xisbul Islaam, kaasoo dhowaan la sheegay inuu aaday dalka Sudan.

Safiirka Soomaaliya ee Sudan ayaa qudhiisa xaqiijiyay in uu maqlay in Muuse Caraale uu joogo Caasimada Sudan ee Khartoum, inkastoo aanu tafaasiil ka bixin, ha yeeshee Soomaalida ku sugan Sudan ayaa sheegaya in Muuse Caraale uu safar tahriib ah ku soo galay dalka Sudan maalmo ka hor, markii uu ka soo baxsaday Xisbul Islaam

Maleeshiyo xiriir dhow la leh sida ay sheegeen ururka Ahlusunna Waljamaaca ayaa sheegay inay xalay dagaal ku qabsadeen degmada Galhareeri ee Gobolka Galguduud, halkaasoo ay gacanta ku haysay dablayda shabaab.

Macallin Faarax oo u hadlay ciidamada qabsaday degaanka Galhareeri ayaa sheegay in iyagu ay weerar ku qaadeen degmada ayna haatan gacanta ku hayaan.

“Degmada Galhareeri waxaa qabsaday ciidamo taabacsan Ahlusunna iyo Malleeshiyo deegaanka ah oo iskaashaday, ujeedaduna waxay ahayd inay dadka ku nool laga dulqaado dhibaato lagu hayay” ayuu yiri Macallin Faarax.

Mas’uulkan wuxuu sheegay in dagaalka ay kashaare xooggan ka dhasheen, balse uu yar yahay khasaaraha dhankooda gaaray, isagoo sheegay in dhanka kale ay ka dileen tiro maleeshiyo ah ayna ka qabsadeen gaari dagaal mid kalena ka gubeen.

“Xalaaddu saakay waa mid caadi ah, deegaanka waxaa gacanta ku haya dhinacyada iskaashaday, xoogagii laga saarayna waxay u baxeen dhanka degmada Ceelbuur” ayuu yiri Afhayeenka u hadlay Malleeshiyada qabsatay Galhareeri.

Wadaamada urur Goboleed Bariga iyo Geeska Africa ee IGAD ayaa beryahan kulamo ku lahaa magaalada Djibouti, oo ah xarunta ururkaasi.

Arinta ugu muhiimsan ee kulankaasi lagaga hadlaayey waxay ahayd sidii wadamada ururkaas ku jira ay isu dhex geli lahaayeen,taasi oo ah sidii wadamada ururkaasi la isugu xeri lahaa oo ay waxyaabo badan u wadaagi lahaayeen.

Xoghayaha ururkaas, Maxbuub Macallin ayaa sheegay in wadamada ururkaas ku jira ay ka wada hadlayeen sidii ay uga midoobi lahaayeen arrimo ay ka mid yihiin socdaalka, ganacsiga iyo shuruucda .

Maxbuub Macallin waxa uu sheegay in siyaabaha ay wadamada ururka ku jira isugu soo dhowaan lahayeen ay ka mid tahay ganacsiga.

Laakinse wuxuu Macallin sheegay in wadamada ururka IGAD ku jira,ay qaarkood ururo Gobleedyo kale ku jiraan oo ay taasi ku tahay dhibaato sidii ay isu waafajin lahaayeen labada nidaam,iyadoo ay sharciyo kale ku furan yihiin