Wararka ka imanaya Magaaladda Jigjiga ee gobolka Soomaalida Ethiopia ayaa waxay sheegayaan in la xiray, Guuleed Casoowe, oo ahaan jiray wasiirka Warfaafinta ee Dowladda Deegaanka Soomaalida.

Guuleed ayaa waxa uu ahaa saaxiib si weyn ugu dhow Madaxweynaha dowladda deegaanka Soomaalida, Cabdi Maxamuud Cumar.

Dhowaan ayaa Guuleed Casoowe laga qaaday, xilkii Wasaarada Warfaafinta, , xaragiisa waxaa xaqiijiyay qoyskiisa.

Guuleed Casoowe waxaa si weyn loogu xasuustaa, inuu ahaa qoraagii Website ka Cakaaranews ee ku hadla afka deegaanka dowladda.

Intii uu wasiirka warfaafinta ahaa, waxyaabihii wasaarada warfaafinta laga hirgaliyay waxaa ka mid ahaa, furitaanka Idaacada Jigjiga FM

Madaafiic ku dhacay suuqa Bakaaraha ee magaalada Muqdisho ayaa waxa ku dhintay ugu yaraan sagaal qof, 16 kalena waa ay ku dhaawacmeen.

Madaafiicda ayaa waxa ay ku dheceen qeybta khudaarta ee suuqa Bakaaraha.

Waxaa sidoo kale la maqlayaa rasaasta dagaal goos goos ah oo ka dhacay degmada Hodan, halkaasi oo ay isku weydaarsanayaan ciidamada dowladda KMG ah ee Soomaaliya, oo ay taagerayaan ciidamada AMISOM iyo kooxaha Islaamiyiinta ee mucaaradka ah.

Dhawr madfac ayaa maanta ku dhacay suuqa Bakaaraha oo ka mid ah goobaha ay dadku ku badan yihiin ee magaalada Muqdisho.

Lama oga meelaha ay ka imanayaan madaafiicda ku dhacaysa suuqa bakaaraha.

Maalin ka hor ayaa Diyaarad la aaminsan yahay in laga leeyahay Mareykanka waxay rasaas ku furtay guri magaalada Marka ku yaala halkaas oo sida ay wararka sheegayan kulan uga socday Saraakiil Shabaab iyo xubno Al qaacida ka jooga geeska Afrika.

Ilo wareedyo ku sugan Gobolada Banaadir, Shabeellaha Hoose iyo jubbooyinka ayaa laga soo xigtay in ay kala dhuumaasho galeen xubnihii ajanabiga ahaa ee lagu arki jiray magaalooyinka Goboladaas.

Ciidamada Mareykanka ee jooga Saldhiga ay ku leeyihiin dalka Jabuuti iyo Maraakiib dagaal oo Mareykanka leeyahay ayaa ku sugan xeebaha soomaaliya kuwaas oo isha ku haaya dhaqdhaqaaqa Shabaab iyo Al qaacida ee ka socda Magaalada muqdisho iyo gobolada koonfurta soomaaliya.

Mareykanka ayaa mar sii horeysay duqeyn ku dilay adan Xaashi Ceyrow oo khatar ku ahaa geeska Afrika iyo Saalax Nabhaan oo u dhashay kenya lana rumeysan yahay inuu ahaa hoggaamiyaha Al qaacida ee geeska Afrika kuna eedeysanaa qaraxyadii Safaaradaha Mareykanka ku lahaa kenya iyo Tanzania.

Al shabaab ayaa ah koox ku xiran Al qaacida,waxayna ka masúul yihiin dilal,qaraxyo iyo dagaalo ka dhacay soomaaliya, waxayna gabaaad siiyeen dagaalyahano al qaacida ah oo ka kala yimid dalalka caalamka.

Kooxda Xiriirka Caalamiga (ICG) ee qaabilsan arrimaha Soomaaliya ayaa maanta shir uga furmay magaalada Madrid ee waddanka Spain.

Shirka ayaa waxa looga hadlayaa arrimaha Soomaaliya.

Madaxweynaha Soomaaliya Shariif Shiikh Axmed iyo wafdi uu hogaaminayo ayaa ka qeybgalaya shirka.

Ergayga gaarka ah ee Xoghayaha Guud ee Qaramada Midoobay u qaabilsan Soomaaliya, oo ka mid ah masuuliyiinta ka qeybgalaysa ayaa soo saaray baaq ku wajahan furitaanka shirka

Dowladda KMG ah ayaa u muuqata inay guulo aan la fileyn ka gaareyso dagaallo ay kooxaha mucaaradka ah kula gashay xaafado ka tirsan degmooyinka Hodon iyo Howlwadaag saddexdii maalmood ee la soo dhaafay, kaddib markii ay la wareegeen fariisimo ay horay u degenaayeen ciidamo ka tirsan xarakada Al-Shabaab oo kuwii ka badbaaday dagaallada dib uga gurtay dhowr aag oo ay ku sugnaayeen.

Goob jooge ku sugan suuqa bakaaraha ayaa shabakadaan u sheegay in dagaalada ka dhacayay saddexdii maalmood ee la soo dhaafay ay saameyn ku yeesheen dhaqdhaqaaqa ganacsiga suuqa, taasi oo uu sheegay inay ku soo dhowaadeen dagaaladii ka socday agagaarka wadada Dabka, wadada Aadan Cadde, degaanka Bermuuda iyo wadada wadnaha, waxaana afaafka hore ee suuqa bakaaraha ku soo dhowaanaya ciidamada milateriga jilib diirka ah iyo ciidamada Dhaqdhaqaaqa Ahlu Sunna oo kaashanaya kuwa AMISOM, kaddib dagaallo xoog badan oo ay la galeen ciidamada Al-Shabaab.

Wararku waxay intaasi ku darayaan in weeraro dhowr ah oo ciidamada Al-Shabaab ay ku qaadeen ciidamada Dowladda, kuwa Ahlu Sunna iyo ciidamada AMISOM ay kala kulmeen qasaarooyin baaxad leh oo aanay weli horay ula kulmin ay isaga baxeen dhowr aag, kaddib markii ay waayeen wax gurmad ah, waxaana la soo werinayaa in xaafadda Baar Ubax ay isugu tageen wixii ka badbaaday ciidamada xarakada Al-Shabaab oo wata gaadiidka dagaalka.

Saraakiil sarsare oo ka tirsan xarakada Al-Shabaab ay iminka jeexayaan kaarto ka duwan midii ay ku howlgeli jireen, bacdamaa ay wajaheen mid si weyn uga duwan tii ay ku arki jireen ciidamada Dowladda KMG ah oo iyagu had iyo goor dib uga noqon jiray aagagga dagaalka, halka wararka qaarkood ay sheegayaan in Al-Shabaab ay dagaalada u hakiyeen inta uu ka soo gaarayaan ciidamo gurmad ah oo ka imaanaya gobolada dalka

Maxamud Xamar

Waxaa jira kala-qeybsanaan gudaha ah oo soo kala dhexgashay maleeshiyada Al-Shabab. Kala-qeybsanaantu waxay ku saabsan tahay sida loo maamulayo howlaha kooxdan xagjirka ah ee qaska ka wadda dalka. Khilaafku wuxuu ku saabsan yahay hoggaanka, qabyaalad, dhaqaale iyo kaalinta xubnaha shisheeye ee kooxdooda ka tirsan.

Khasaarooyinkii xoogganaa ee Kooxda ka soo gaaray dagaalkii ay bisha Ramadan soo qaadeen wuxuu sii kordhiyay khilaafaadka. Tiro badan oo ka mid ah madaxda sare iyo ciidan ayaa lagu dilay dagaalkaas oo dhibaatooyin aysan fileyn ay ka soo gaareen. Waxaa murugo leh in Soomaalida ka tirsan Shabaab ee ku dhaawacma dagaalka aysan helin daryeel caafimaad oo la mid ah kan ay helaan shisheeyaha dalka ku soo duulay ee ay martigeliyeen. Arrintan waxay soo dedejisay in kooxdu kulan degdeg ah isugu tagaan Baydhaba iyo Marka.

Waxaa kaloo soo baxaya khilaaf ku saabsan maamulka dhaqaalaha kooxda. Horjoogaha qeybta Soomalida ee Kooxda, Axmed Cabdi Godane wuxuu dhowaan u magacaabay nin ay isku beel xilka qasnajiga Shabaab si uu u kontoroolo lacagta ay kooxdan baad ahaan uga qaadato ganacsatada Somaalida.

Waxaa kaloo jirta in abaanduuleyaal xilal hoose haya oo aan u dhalan gobollada Baay iyo Bakool in loo magacaabay inay mas’uuliyiin ka noqdaan gobolladaas oo uu ka soo jeedo Mukhtaar Roobow,  oo aad uga xumaaday arrintaas.

Culeys ayaa ku sii kordhaya Godane kaddib markii uu Roobow helay taageero weyn. Markii ugu horreysay ayaa shisheeyaha la jooga Alshabab ay taageereen Roobow, oo horay hubka looga dhigay, laguna ciqaabay mowqifkiisa dabacsan ee uu ka qaatay dilka dadka aan waxba galabsan iyo la-shaqeynta hay’adaha qeybiya gargaarka. Waxaa Godane lagula taliyay inuu dalka isaga tago, uuna u kicitimo dal ay saaxiib yihiin si culeyska loo yareeyo.

Dhanka kale, odoyaasha deegaannada miyiga ah ee Bay iyo Bakool ayaa diiday baaqyo uga yimid Alshabab oo ahaa inay taageeraan dagaalka. Hase yeeshee, odoyaashu waxay Shabaab ka dalbadeen inay meel ku sheegaan carruurtii ay horay uga kaxaysteen tuulooyinkooda. Odoyaashu waxay sidoo kale doonayaan in Kooxdu guulo ka gaarto Muqdisho.

Wasiirka Warfaafinta Soomaaliya, C/raxmaan Cumar Cusmaan (Eng. Yariisow) ayaa yiri;

“Xukuumadda Soomaaliya waxay soo dhoweyneysaa qof ama koox kasta oo faraha kala baxaysa qalalaase, waxaana ku taageereynaa wax kasta oo aan awoodno.

“Waxaan cusbooneysiineynaa baaqa aan u jeedineyno beesha caalamka inay taageeraan ciidanka Dowladda KMG ah iyo kuwa AMISOM ee nabad-ilaalinta u jooga Soomaaliya si dalka nabad loogu soo dabbaalo

Wararka aan ka helayno jasiiradda Kudhaa ee gobalka Jubada Hoose ayaaa sheegay in maleeshiyada Al-shaabaab ay ku xireen 8 ruux oo ah dadka ka ganacasada Dhuxusha.

Dadkaan ayaa laga xirxiray guryahooda kaddib markii ay ka dhega adaygeen lacago ay ku soo rogeen kooxda Maleeshiyada Al-shabaab taas oo dhalisay in Shabaabku ay xabsiga dhigaan.

Lama oga halka ay Shababaab ku xireen ganacsatadaasi waxaana ku maqan dad badan oo ay horay xabsiga u dhigeen kuwaas oo ay ku jiraan Culimaa’udiin deeganka u dhashay.

Maleeshiyada Al-Shabaab ayaa maalmihii ugu dambeeyey waxaa ay ka wadeen goballada Jubooyinka lacago baad ah oo laga qaadayo Odayaasha Dhaqanka, Ganacsatada iyo waliba dadka xoolaleyda ah eek u dhaqan halkaasi, si ay ugu adeegsadaan dagaallada ay ka wadaan dalka

Madaxweynaha Soomaaliya, Shariif Shiikh Axmed iyo wafdi uu hogaaminayo ayaa ka qeybagalay shirka Golaha Guud ee Qaramada Midoobay ee New York.

Madaxweynaha iyo wafdigiisa oo ka ambabaxay magaalada Muqdisho, ayaa lagu wadaa inuu gaaro magaalada New York maanta gelinka danbe.

Dhinaca kale Madaxweyne, Shariif Shiikh Axmed ayaa magacaabay sii haye Raiisul Wasaare, kadib markii uu shalay is casilay Raiisul Wasaare Cumar Cabdirashiid Sharmarke.

Madaxweynaha ayaa u magacaabay inuu noqdo Sii haye Raiisul Wasaare, Cabdiwaaxid Cilmi Goonjeex, oo ahaa Raiisul Wasaare ku xigeenka dowladda.

Xiisaddii siyaasadeed ee ka jirtay magaalada Muqdisho ayaa hadda degan.

Ra’iisal Wasaare, Cumar Cabdirashid Sharmarke, ayaa is caslilay.

Is casilaadda Sharmarke ayaa ku timid markii uu khilaaf soo kale dhexgalay Madaxweynaha iyo Ra’iisal Wasaaraha oo keentay in labada mas’uul aysan muddo dheer is arag amaba telefoon ku wada hadal.

Arrimaha ugu weyn ee loo aaneynayo khilaafkooda ayaa waxaa ka mid ah dastuur qabyo ah oo loo sameynayo Soomaaliya.

Dowladdan KMG ah ayaa la sameeyay horaantii 2009, waxaana ay gacanta ku heysaa qeybo yar oo ka mid ah caasimadda Muqdisho.

Dowladda oo ay taageeraan ciidamada Afrika ee AMISOM, ayaa waxa dagaal kula jira kooxo Islaamiyiin ah oo gacanta ku haya inta badan gobollada koonfureed iyo caasimadda Muqdisho.

Taariikhda Sharmarke

Cumar Cabdirashiid Sharmarke waa 49 jir. Waxaa dhalay Cabdirashid Cali Sharmarke, oo Soomaaliya Madaxweyne ka noqday lixdamaadkii.

Waxaa uu wax ku soo bartamay Jaamacadii Ummadda ee Soomaaliya, oo wuxuu ka qalin jebiyay Kulliyadda Dhaqaalaha.

Laba Shahaaddo oo kalena waxaa uu ka qaatay Jaamacadda Carleton ee dalka Canada, halkaas oo uu ka bartay siyaasadda iyo Dhaqaalaha.

Intii aan Qaranka Soomaaliya burburin, waxaa uu saddex sano ka soo shaqeeyay Bankiga Horumarinta.

Shaqooyinka uu soo qabtay Cabdirashiid waxaa ka mid ah Qarammada Midoobay oo uu uga soo shaqeeyay dalalka Sudan iyo Sierra Leone.

Cumar Cabdirashiid, waxaa Raiisul Wasaare u magacaabay bishii Febraury ee sanadkii hore Madaxweyne Shariif.

Two independent radio stations in Mogadishu were on Sunday taken off air and their equipment were also confiscated by Islamist rebels, station staff said.

The stations, HornAfrik Radio and Global Broadcasting Corporation (GBC) were separately raided by heavily armed fighters from the two Islamist groups of Al Shabaab and Hezbul Islam respectively. “We were ordered to switch off the radio and the management was told that the station would be under the control of Hezbul Islam,” Ahmed Abdi Hassan, a reporter with GBC told Xinhua.

Fighters from Al Shabaab group have also stormed the station building of HornAfrik radio in the insurgent stronghold of Mogadishu and forcibly taken away the FM equipment and computers in the station studio.

It was not immediately clear why the Islamist groups have raided stations in the section of the Somali capital where they control.

Neither group nor station owners has officially commented on the surprise takeover of the two independent radio stations.

One of the stations, HornAfrik, has been off the air for few days before the news of its takeover emerged on Sunday. Some reports suggest that differences between the station management have led to its closure after one side sought the intervention of Islamist fighters from Al Shabaab.

The stations have been neutral in their coverage of the conflict between the Somali government and Islamist groups as well as the African Union peacekeeping troops backing the Somali government forces.

The Al Shabaab Islamist movement which controls much of south and centre of Somalia has previously confiscated the equipment of two Mogadishu radio stations while another, Holy Quran Radio or IQK, which has been independent, has now been turned into a mouthpiece of the radical group after they took it over.

All radio stations in the insurgent held provinces in south- central Somalia have either been closed down or taken over and turned into a pro-Islamist media while no independent media is allowed to operate freely in the Islamist controlled areas.

Islamist groups have banned local radio stations from airing music or calling the groups other than their full official names.

Several journalists have been killed or wounded for the past two years in Somalia which has not had an effective government for almost a decade, and is considered one of the worst places for journalists to operate.

Warbixin: Gurigii Safaaradda Soomaalidu ku lahayd Nairobi ee la iibsadey burburkii Soomaaliya kaddib, ciddii iibsatey, taariikhda dhismaha gurigaas iyo xilligii dawladdii Soomaaliyeed iibsatey…..

- – –  ***- – -

“Dowladaha Ethiopia, Uganda, Kenya, Burundi iyo Dowladdaha reer Galbeedka Sida Mareekan-ka waa Cadowga koowad ee Soomaaliya Qarnigan 21-aad.” Ibrahim Da’ud Abdalle

Asalaamu calaykum waraxmatulahi wabarakaatuhu.

Kahor inta aanan u soo wareegin dalka Malaysia oo aan u imid in aan wax ka barto waxaan mudo afar sano ah ku noolaa dalka Kenya oo intii aan joogay  waxbadan ka bartaya Siyaasada Soomaaliya ee Maanta,Cadowga Soomaalida, Siyaasiyiinta Soomaalida iyo guud ahaan dhibaatada Soomaalida ku heesata Qurbaha gaar ahaan Geeska Afrika….Cabsi, Qaxooti iyo rajo la’aan waa nolasha Soomaalida geeska Afrika ku nool!

Qoraalkani waxaan ugu tala galay in aan waxyar ka iraahdo halka uu ku danbeeyo dhulkii SafaaraddaSoomaaliyeed ee dalka Kenya iyo cida iibsatay, Sida loo iibsaday iyo Magacyadda dadkii iibsaday..”Somaaliya Cidna Uma maqna ceelna uma qodna”.!

Sidoo kalle dhibaatadda Soomaalida ku heesata dalka Kenya iyo soomaalida Qaxootiga ku ah dalkaas ayaan waxyar ka dhihi doonaa Insha Allah.

Soomaaliya iyo Kenya.

Dowladnimadu waa Sharaf!

Inkastoo dalalka Afrika ay intooda badan xoriyada qaateen 1960-kii ayay sidoo kalle Soomaalida xoriyada heshay sanadkii 1960-kii halka Kenya ay xoriyadeeda heshay sanadkii 1963-kii, waxaana halkaas ka ogaaneeysaa in Soomaalida ay xoriyad aheyd dalka Kenya oo gacanta Gumeestaha (British) ku jira. —Maantana dhibaatada iyo dowlad la’aanta ina heeysa iyo horumarka ay hiigsanayaan shacabka reer Kenya waa kaaf iyo kala dheeri–!

Dalalka Soomaaliya iyo Kenya waxaa ka dhaxeeya muran dhuleed sida in dowladda Kenya ay  Maamusho (Gumeesato) Gobalka Waqooyi Beri (NFD) ee dalka Kenya oo ay daganyihiin dad Soomaali ah kadib markii Gumeestihii dalka Igiriis-ka ee dhibaatada badan kaga tagay dalal badan oo afrikan ah uu ku wareejiyay Gobalka NFD ee Soomaalida ku nooshahay si la mid ah sida dowladda Ethiopia loogu wareejiyay dhulka Soomaali Galbeed.

Shacabka Soomaaliyeed ee ku nool Gobalka Waqooyi bari waa dad wanaagsan kana muuqda shacabka ay la noolyihiin ee dalka Kenya, waxaana loo garanaya magaca “Somali-Kenyan” iyadoo waliba ay ka muuqdaan qeebaha kalla duwan ee bulshada gaar ahaan  siyaasada dalka Kenya sida Farah Macalim oo a Gudoomiye ku xigeenka  Baarlamanka dalka Kenya, Yusuf Xaaji oo ah wasiirka Difaaca, Ahmed Isaaq oo ah Gudoomiyaha Gudiga doorashada dalka Kenya iyo dad kalle oo magac iyo maamuusba ku leh dalka Kenya iskugna jira, Siyaasiyiin, Saraakiil, Ganacsato iyo aqoonyahanba.

Soomaalida aanan haysan sharciga dalka Kenya ama aanan ku dhalan Gudaha dalka Kenya waxaa loo garanayaa “Soomali Waryaa” inkastoo mararka qaar Soomaalida guud ahaan kuwa ku dhashay iyo kuwa yimaadayba loo yaqaan “Waryaa”. Sababta magacan loo bixiyay ayaa lagu sheegaa in dadka Soomaalida marka ay isku yeerayaan ay isugu soo jeediyaan Oraagda “Waryaa” sida Afafka Qalaadba ay u isticlaamaan {Tacaal, Af Carabi}, {Kuuja Af Kenyan}, {Come, Af English} iyo intaas iyo ka badanba oo Soomaalida shanta Qaaradood ee Duniga joogto ay aqoon u leeyihiin gaar ahaan caruurta ku dhalatay dalalka Soomaalida ay u kala qaxeen.. Allow dadkeena oo nabad ah iyo dadkiina oo si nabad ah ku wada noolaada.. Aamin.

Kenya iyo Soomaaliya  sidoo kalle waxaa ka dhaxeysa Xuduud Badeed balse dowladda KMG ee ay Hogaamiyaan Shariifyadadda (Shariif Xasan iyo Shariif Axmed) ayaa isku deyey in muran galiyaan kadib markii C/rahmaan C/shakuur oo dowladda KMG wasiir-ka Iskaashiga ka ahaa ka hor inta uusan iska casilin xilka Wasiirnimo ee Dowladda KMG ee Soomaaliya  uu magaaladda Nairobi kula saxiiday Wasiirka Arrimaha dibadda ee dalka Kenya Muses Watangula heshiis loogu magac daray is faham balse ugu danbeyntii ku dhamaday fashil iyo fadeexad.

Dowladda Kenya waxa ay xorun u tahay Dowladdo, Xafiiska UN-ka, Safaarado, Heyado iyo shaqsiyaasad intaba daneeya arrimaha soomaaliya iyadoo magaaladda Nairobi ay ka dhacaan shirar, aqoon is weedaarsiyo, Siminaaro iyo dib u heshiisiin ay lacago badan ku baxdo taas oo dhamaantood aysan ka soo bixin wax xal ah oo Soomaalida ka saarta dhibaatada 20 jirsatay ee ka socota dalka tan iyo wixii ka danbeeyay Allaha u naxariistee Madaxwayne Maxamed Siyaade Barre.

Magaaladda Nairobi waxaa lagu cunaa Malaayiin lacag ah oo loogu tala galay dalka Soomaaliya iyadoo xafiiska ugu weyn ee Heyada Qaramada Midoobay qaaradda Afrika ay ku leedahay dalka Kenya. Waxaana u shaqeey shaqaalo fara badan, waxana ku baxa Malaayiin lacag ah oo aanan dhaafin Magaaladda Nairobi.

Goormaa la furay Safaaradda Soomaalida ee dalka Kenya?

Dabcan ma ahi Siyaasi, dublamaasi ama shaqsi wax badan ka garanaya xiriirka laba dal ee Kenya iyo Somaaliya balse waxaan is leeyahay mar walba xiriirka Soomaalida iyo Kenya ka dhaxeeyay ama ka dhaxeeya hadda uu yahay mid ku dhisan is faham iyo taxadar sababtuna waa muranka dhuleed ee labada dal u dhaxeeya.

Sawirka Gurigii Safaaradda Safaaradda Soomaalida ee Nairobi

Dhulka Safaaradda Soomaalida ee dalka Kenya waxa uu ku yaalaa caasimada dalka Kenya ee Nairobi gaar ahaan xaafadda Westland ee ka mid ah xaafadaha ugu Amaanka badan, ugu qurxoon uguna qaalisan magaaladda Nairobi waxaana inta badan daga dadka hodanka/lacagta heesta.

Marka aan taariikhdiisa dibu raacno, Guriga ay markii dambe noqday Safaaradda Soomaalida ee Kenya waxaa markiisii hore iibsaday 1930-kii nin Cadaan ah oo la oran jiray Will Kardon kadibna waxa uu ka iibsaday nin kalle oo cadaan ah iyadoo ninka cadaanka ah ee la yiraahdo Will Kordan uu guriga ku qaatay deyn ama waxa afka qalaad lagu yiraahdo “loan”.

Gurigan waxa uu ninka Cadaanka ah iibsaday xilligii Gumeestaha Ingiriis-ka uu gumeesan jiray dalka Kenya iyadoo kadibna uu ka iibiyay nin cadaan ah iyadoo markii ugu danbeeysay uu nin u dhashay dalka India uu la wareegay guriga. Ninka Hindiga ah ee guriga iibsaday waxa la oran jiray Harban Sin isagoo ugu danbeyntii sanadka marka uu ahaa 1969-kii ka iibiyay Dowladda Soomaaliya oo 9 sano jirsatay.

Sanadkii 1969 marka ay dowladda Soomaaliya iibsatay kadib waxaa biloowday Dhismaha, sharciyeenta iyo dhameestirka Dhismaha cusub ee Safaaradda Dowladda Soomaaliya ee dalka Kenya.

1969-kii Dowladda Soomaaliya waxa ay ninka Hindiga ah dhulka kaga iibsatay aduun lacageed oo gaaraya 550,000 Ksh lacagta dalka Kenya , 550,000 Ksh iyo 1969 dabcan lacag qiimo leh ayay aheyd taas oo xilligaas marka Dollar loo badalo ay noqoneeysayo $77,000 doolar (FG. Xilligaas waxaa $1 Doolar qiimahiisu ahaa 7.14 Kenya Shilling)

Lacagta ay dowladda Soomaaliya ay Dhismahan ku iibsatay waxay xilligaas ahayd lacag qiimo badan, Shilin Soomaaligu uu qiimo lahaa marka loo barbar dhigo Doolarka, balse waxaan filayaa in ay jiraan dad joogay xilligasi oo xasuusan kara.

Insha Allah qormada labaad waxaan kaga hadli doonaa sida loo sii iibsaday ee uu dhismahaasi hadda uga maqan yahay Soomaalida iyo cida iibsatay Dhulkii Safaaradda Soomaalida ee dalka Kenya.?

Ibraahim Da’ud Abdalle

sayfudiin@gmail.com

Kuala Lumpur, Malaysia.

Xigasho:SomaliTalk.com

AMSTERDAM — Dutch police on Sunday arrested a British man of Somali ancestry at Amsterdam’s Schiphol airport for possible links to a terrorist group, a spokesman for the Dutch prosecutors said.

The man was arrested after flying in from Liverpool, England, and before he flew out to Uganda, prosecutors’ spokesman Evert Boerstra said, without specifying what terror group was involved. His name and age have not been released.

“He was arrested on the tip-off from British authorities,” Boerstra told The Associated Press.

Dutch state broadcaster NOS reported that the suspect is allegedly linked to Somalia’s most dangerous militant group, al-Shabab, which has claimed responsibility for suicide bombing attacks at U.N. facilities and other targets, including July attacks in Uganda’s capital during the World Cup final that killed 76 people.

Al-Shabab said those blasts were in retaliation for civilian deaths caused by African Union troops in the Somali capital, Mogadishu, and the group has called for Uganda to withdraw its peacekeeping forces from Somalia.

Militant veterans of the Iraq and Afghanistan conflicts help train al-Shabab fighters, one of the reasons the sophistication of its attacks has risen in recent months. The al-Qaida-linked group in the past has recruited Somali-Americans to carry out suicide bombings in Mogadishu.

Dutch prosecutors could not immediately confirm the NOS report.

London’s Scotland Yard said it would make no comment, while authorities at Liverpool’s John Lennon Airport did not immediately respond. A spokeswoman for Liverpool’s police force said she had no information on the arrest, while Britain’s Foreign Office said it was looking into the matter.

Schiphol is one of Europe’s largest airports, and a major transit point for flights to the Middle East and Africa.

Amsterdam’s airport has significantly beefed up its security measures since last December, after it was a departure point for a Nigerian student, Umar Farouk Abdulmutallab, who allegedly tried to blow up a plane above the United States on Christmas Day by setting off explosives hidden in his underwear.

He was tackled by passengers and crew, and is now charged in U.S. federal court in Detroit with attempting to blow up Northwest Airlines Flight 253 with 278 passengers and 11 crew members aboard. Abdulmutallab is representing himself, but a judge has appointed a standby lawyer to assist him.

After the Abdulmutallab lapse, Schiphol ordered 60 new full body scanners to screen passengers flying to the United States.

Last month, two Yemeni men were arrested at the Amsterdam airport after flying in from Chicago, on suspicion they may have been conducting a dry run for an airline terror attack. The two were held for several days then released without charge after an investigation turned up no evidence to link them to a terror plot.

Xoogagga Islaamiyiinta ah ee kasoo horjeeda dowladda KMG ah ayaa shalay gallinkii dambe iyo xalay la kala wareegay xarumaha idaacadaha madaxa-bannaan ee Hornafrik iyo GBC (Codka Nabadda), kaddib markii ay gudaha u galeen maleeshiyaad hubeysan.

Shaqaale diiday in lasoo xigto magacyadooda oo ka tirsan labadan idaacadood ayaa saxaafadda u sheegay in xarumihii labadan raadiye lala wareegay, laguna qasbay shaqaalihii joogay inay ka baxaan xarumahaas.

“Xalay 2:00-habeennimo, ayay dablay hubeysan oo ka tirsan Shabaab waxay soo galeen xarunta idaacadda oo ku taalla Bakaaraha, waxayna dibadda u saareen shaqaalihii iyagoo baaritaanno bilaabay,” ayuu yiri  mid ka mid ah shaqaalaha idaacadda Hornafrik.

Ilo wareedyo, ayaa xaqiijiyay in qaar ka mid ah qalabkii idaacadda Hornafrik ee Muqdisho ay ku howlgalaysay laga saaray dhismaha ay idaacaddu dagganayd, kuwaasoo la sheegay inay ka mid yihiin kaydkii wararka, lamana oga halka loo qaaday.

Radio Hornafrik, ayaa labadii maalmood ee ugu dambeeyay hawada ka maqnaa, waxaana sannadkii hore lala wareegay xarun ay ku lahaayeen magaalada Kismaayo ee xarunta gobolka Jubbada hoose oo ay maamusho Xarrakatul Shabaab.

Wariye kale oo u hadlay idaacadda GBC (Codka Nabadda) oo xaruntoodu ku taallo degmada Huriwaa ee Muqdisho ayaa sheegay in ciidamo ka tirsan ururka Xisbul Islaam ay gudaha u galeen xarunta, ayna si toos ah ula wareegeen idaacadda.

“Waxaa maalmahan socday kulammo ay mas’uuliyiin ka tirsan Xisbul Islaam kaga codsaneyeen maamulka in lagu wareejiyo, balse fashilmay, waxaana ugu dambeyn shalay gallinkii dambe ay la wareegay idaacadda,” ayuu saxaafadda Muqdisho u sheegay mid ka mid ah shaqaalaha GBC.

Tallaabooyinkan, ayaa waxay daba socdaan cadaadis lagu hayay idaacadaha ka howlgala Muqdisho, kuwaasoo bishii April ee sannadkan looga joojiyay amar ahaa inauy joojiyaan baahinta muusig iyo heesaha, waxaana dhowr toddobaad ka hor lala wareegay idaacaddii Qur’aanka Kariimka ee Muqdisho.

Sidoo kale, Radio Somali-weyne ayaa isagana lagula wareegay dagaalladii ka dhacay waqooyiga Muqdisho bartamihii sannadkan, iyadoo mas’uuliyiinta idaacadaas ay sheegeen in qalabkii oo dhan la rartay.

Waxaa maanta baaqday kulankii baarlamaanka federaalka ay qorsheysteen inay ku hortimaado xukuumadda ra’iisal wasaare Cumar Cabdirashiid Cali Sharmaarke.

Inkastoo aan faah faahin rasmi ah laga bixin sababta uu u baaqday kulankaasi, haddana xildhibaano ka tirsan baarlamaanka ayaa maanta isugu tegay guriga ummadda, kuwaasoo tiradoodu ay dhammeyd 139 xildhibaan.

Waxaana muuqatay in kooramkii uu ku furmi lahaa shirka uu u buuxsami waayay.

Guddoomiyaha baarlamaanka Shariif Xasan Sheekh Aadan oo ku sugan magaalada Muqdisho ayaan soo xaadirin kulankii maanta u ballansanaa baarlamaanka.

Xildhibaanadii isugu yimid kulanka ayaa sheegay inay guddi u saareen oo soo baara sababta uu u baaqday kulankaasi.

Xildhibaanada maanta filayay inuu shirka furmo ayaa aaminsan in guddoomiyaha baarlamaanka Shariif Xasan Sheekh Aadan uu baajiyay kulanka, sida ay ka muuqato hadalka Caasho Axmed Cabdalla oo maanta guddoomisay kulan gaar oo ay yeesheen xildhibaanada kooramku u buuxsami waayay.

Caasho Axmed Cabdalla ayaa la hadashay suxufiyiinta ka dib markii ay ka soo baxeen kulankii ay xidhibaanadu yeesheen, waxayna sheegtay inay qoraal u dirayaan guddoomiyaha baarlamaanka inuu soo sheego sababta uu kulanku u baajiyay.

Si kastaba ahaatee xildhibaanada ayaa ku kala aragti duwanaa fadhigii maanta qorsheysnaa oo ballantiisa lagu gaaray kulan uu baarlamaanku yeeshay khamiistii aynu soo dhaafnay, kaasoo ay ku gaareen in xukuumadda ra’iisal wasaare Cumar Cabdirshiid ay hortimaado baarlamaanka.

Xildhibaano iyaguna jimcihii shalay kulan ku yeeshay Hotel saxafi ee magaalada Muqdisho waxay sharci darro ku tilmaameen fadhigii khamiistii uu yeeshay baarlamaanka iyo go’aankii ay ku gaareen in xukuumaddu ay saddex maalmood gudohood ku hortimaado baarlamaanka

Madaxa hay’adda amniga gudaha ee dalka Britain, ee loo yaqaan MI5, Jonathan Evans, ayaa walwal ka muujiyay weerar ay dhici karto in kooxo ku soo tababartay Soomaaliya ay ka fuliyaan gudaha dalka Britain.

Jonathan Evans, ayaa sheegay in ‘waqti’ oo kaliya uu naga xigo xilliga uu weerarkaasi dhici karo.

Madaxa hay’adda Amniga gudaha Britain, wuxuu sheegay in dad badan deganaa Britain ay ka dhinac dagaalamaan kooxda al-Shabaab ee ka howlgasha gudaha dalka Soomaaliya.

Walwalkaas waxaa sidoo kale qaba dowladda ku meelgaarka ah ee Soomaaliya, oo sarkaal ka tirsan uu sheegay in horay ay uga digeen qatarta kooxda Islaamiga ah ee al-Shabaab in ay tahay mid ka wayn wax ku kooban dalka Soomaaliya, balse ay tahay mid u gudbi karta meelo ka baxsan xuduudaha dalka.

Sirdoonka Soomaaliya

Generalka ugu sareeya ciidanka sirdoonka Soomaaliya, Maxamed Sheekh Xassan oo BBC u waramay, isagoo jooga London, ayaa sheegay in kooxo ay ka mid yihiin dhalinyaro ka tagtay Europe ay ka dagaalamayaan Soomaaliya. “waa jiraan kuwo gudaha jooga, Soomaalida America, Europe iyo wadamo kale oo shisheeye, oo iyaguna xiriir la leh, arrintaas waa jirtaa oo cadayn ayaan u haynaa.” ayuu yiri.

Wuxuu intaas ku daray in kooxaha ajnabiga ah ay yihiin maskaxda ka dambaysa al-Shabaab, oo ay baraan sida wax loo qarxiyo, iyagoo gacanta ku haya maamulka dhaqaalaha iyo howlgalada. Ajnabiga la jooga al-Shabaab ayuu tiradooda ku qiyaasay ilaa laba kun.

Wuxuu ku eedeeyay al-Shabaab in ay caruurta ku khasabto in ay u dagaalamaan. Iskuulada ayuu sheegay in ay khasab kaga soo kaxaystaan, isagoo intaas ku daray in ay cadayn u hayaan falkan kadib markii ay qabteen caruur 16 sano da’doodu ka yar tahay, oo ay saxaafadda u soo bandhigeen, iyagoo qiranaya in lagu qasbay fulinta howlgalada al-Shabaab.

Ajnabiga al-Shabaab la safan

General Maxamed Sheekh Xassan, ayaa sheegay in dad badan oo aan Soomaaliya u dhalan ay ka dhinac safan yihiin al-Shabaab, kuwaas oo dhinacyada kala duwan ee maamulka mas’uul ka ah.

“Nimanka ajaanibka ayaa maskaxda ka khabsaday……….. Waxaan kula talinayaa walaalaheena inta Soomaalida sheeganaysa, bal in ay maskaxdooda dib uga shaqeysiiyaan, inkastoo aanan rajo badan ka qabin- qof tareen fariin ka go’ay saaran dhibkiisa waad garan kartaa.” Maxamed Sheekh.

Barnaamijka kulaka Jimcaha waxaa todobaadkaan looga hadlay meel ka dhac uu culimada Soomaaliyeed iyo qeybaha kala duwan ee Bulshada u geystay mar uu saxaafadda war u qeybiyay maalmo ka hor.

Waxaa barnaamijka ka qeyb galaya Culimo magac ku leh dalka Soomaaliya, Odayaal dhaqameedyo iyo marti kale, waxaana barnaamijka ku soo qaadan doonaa warbixino dhaxal gal ah.

Culimada ka qeyb galaya barnaamijka waxaa ka mid ah Sh. Cumar Faaruuq Cabdi Sutaal, Sh Bashiir Axmed Salaad, Sh Axmed Cabdi Dhicisoow iyo Sh Ismaan Macallin.

Sidoo kale waxaa marti ku ah barnaamijka Gudoomiyaha Golaha Dhaqanka iyo Midnimada Beelaha Hawiye, Nabadoon Max’ed Xasan Xaad oo ka jawaabaya hadal ka soo yeeray Godane oo sheegay in ay gaalada ka ammar qaataan. DHEGEYSO.

Qeybta Labaad ee barnaamijkaan la soco berri hadduu Alle Idmo

Wasaarada Gaashaandhiga ee Maraykanka ayaa u magacaawday general Carter Ham inuu madax u noqdo saldhiga Milatari ee Africa Command ee Maraykanka – Africom.

Africom ayaa la aas aasay bishii Octobar 2008dii si looga hortago kooxaha argagixisada Africa.

Saldhiga milatari ee Africom ayaa xaruntiisu tahay Jarmalka.

General Carter Ham wuxuu hadda madax u yahay saldhiga milatari ee Maraykanka ee Yurub.

It has unfortunately become the norm for the Somali people and the international community to observe top Somali leaders quarrelling publicly and engulfed in a quasi personal/professional conflict that unresolved may destroy the already fledgling national institutions. From President Abdiqasim Salad Hassan and his PM Dr. Ali Khalif, to President Abdullahi Yusuf and his PMs Ali Mohamed Ghedi and Nur Adde to the current quandary between Sheikh Sharif and PM Sharmarke, Somalia has not been fortunate to produce stable leadership at the top that is capable of envisioning and setting a national tone for conflict resolution, good governance and permanent statehood.�

At a time when the nation is under a relentless attack from extremist groups and poorly trained government soldiers and AU forces are putting their lives on the line, it is disheartening to see the offices of the President, Prime Minister and Parliament utterly consumed in conflict, bringing to a screeching halt all other crucial government businesses.  It appears to the many civilians caught in the crossfire in Somalia that their leaders are completely oblivious to their deteriorating humanitarian conditions and that jockeying for power and prestige is the only game in town.

Undoubtedly many challenges await these leaders between now and the end of the institutional term of office in August 2011. Nothing meaningful has been achieved thus far in preparing Somalia to move from transitional governance status to permanent statehood and the new draft constitution under development for a while is now a new source of contention between these leaders.

Hiiraan Online joins the International Community and the Somali public in calling for the TFG leadership to amicably resolve their differences, remain cohesive and focused on security and crucial transitional tasks necessary at this critical time. TFG Leadership needs to refocus all their efforts in defeating its enemy and stabilize the volatile nation that desperately needs peace, reconciliation, good governance and permanent statehood.

Dadka Soomaaliyed iyo muslimiinta adduunka intiisa badan ku nool waxaa loo sheegay in la soo afjarayo jiritaanka Dowladda Federaalka Soomaaliya isla markaana la baabiínayo askarta ka socota midowga afrika ee taageerada siisa maamulka uu madaxda u yahay madaxweyne Shariif Sh Axmed.Jihaadkaas la sheegay waxaa uu ku dambeeyay inuu noqdo mid ka mid ah is tuur tuurkii magaalada muqdisho ee caan ku ahaan jireen hogaamiye kooxeedyo hore ee waqtigooda dhamaaday sida Xaaji Muuse Suudi, Maxamed Saciid Morgan, Maxamed Qanyare Afrax iyo Bare Hiraale oo ahaa shaqsiyaad ku caan baxay dagaalo aan dhameystir lahayn oo aanu midna guul buuxda oo la taaban karo aanu ka gaari jirin barnaamijyada uu ku howlgali jiray ee uu ku soo kiciyay beeshiisa ama taageerayaashiisa.

Duulaankii u dambeeyay ee Shabaab waxaa looga magacadaray dhameystirka kooxaha soo duulay ama soo gardarooday waxaana howlgalka loo bixiyay magaca af carabi ah si in yaroo wax tar ah looga helo hayáda al qaacida ee maalgelisa dagaalada iyadoo soo mareysa kooxda cagaha ku qaadato ee la magacbaxday shabaab.

Jihaadka ay ku baaqan shabaabka waa mid leh micno iska soo horjeeda sababtoo ah marka hore waxaa lagu doodaa in la rabo in laga bixiyo dalka xoogaga shisheeye AMISOM balse waxaa sababay in askartaas sii joogaan diidmada ka imaanaysa shabaab ee lidka ku ah in la helo xabad joojin, wada xaajood iyo hal loo helo dhibaatada soomaaliya, waxaa nasiib daro ah in shabaabka is garab marinayaan si buuxda in ay u fahamaan qaladkooda sababto oo ah waxay diidan yihiin in ay heshiis la galaan Dowladda Federaalka KMG ah kaas oo ku dhisan awood qeybsi.

Nasiib darada kale ee Shabaab haysata waxaa ugu weyn dagaalka in aysan qiimeyn fiican ka haysanin, sababtoo ah ma gartaan ama ma yaqaanaan tirada askarta ka dhimata mar walba, inta ay ka dileen shisheeyaha, inta ay ka dhimatay shacabka soomaaliyed iyo inta ay ka laayeen askar ka tirsan Dowladda KMG ah.

Mararka qaarkood waxaa dhacda in ay iyaga ka dhintaan 10 askari oo la soo qalday Dowladda KMG ahna ay ka dhintaan tiro intaas la eg halka ay ku naf waayan shacab tiradooda dhan tahay 30 meeyo iyo 1 askari oo Uganda u dhashay, taasina waxay ka dhigaysaa isku celcelis 50 soomaali dhimashadooda iyo 1 askari oo ka tirsan midowga afrika.

Tiradaa aan kor ku soo qornay waxaa si qalad ah u soo geli kara mararka qaarkood hal ama labo oo shisheeye ah laguna soo qalday magaca jihaad islaami ah.

Soomaali dhibaatooyinka ka jira ma jiraan koox ku dhameyn karta xoog ee ka jirta haatan balse shabaabka waxay horseed u noqonayaan in dhiiga soomaalida la daadiyo maalin kasta loona adeegsanayo hal ku dhigyo diidni ah iyo kuwa siyaasi ah oo dhamaantood ku aadan xukun raadis.

Dowladda Federaalka KMG ah ayaa iyadana ka mid ah dhibaatooyinka jira sida shabaabka oo kale waxay noqdeen kuwa aan gudan karin xilkooda isla markaana aan ka tagaynin masúuliyada ay sheegayanayan waxayna ku caan baxeen karti dari, safar jacayl iyo in ay lacago yar ka qaataan dhibaatada uu dalka marayo.

Xubnaha ka tirsan TNG da waa kuwa aan si shaki ku jiran looga soo xulay karti dari, aqaan yaraan iyo kooxnimo, intooda badani waxay ka og yihiin ma jiraan xaqiiqooyinka ka jira dalka soomaaliya mudooyinka ay isku yimaadan waxaa ay ka wada hadlaan mushaar la bixin waayay iyo gunooyin ka raagay mana laha ajando qeexaya waxqabadkooda.

Marka culeyska noocaas ah iyo askarta midowga Afrika oo aan haysanin talo ka badan in ay madaafiicda ku ridaan goobaha ay rayidka degan yahay ayaa la moodaa in ay noqdeen kuwa ku sifeysan in ay u taagan yihiin mushaarka ay helayaan mudada ay joogan soomaaliya, waxaana nasiib daro ah in askarta Uganda u badan aanay la dagaalamaynin cadawgooda balse ay ku kooban yihiin in ay ku gabadaan caro tuur iyo taangi an tagaynin meel ka baxsan goobaha ay ka taliyaan.

Dawladda Maraykanka ayaa ka digtay Qorshe uu wado Baadari Maraykana oo doonaya in la gubo Kitaabka Quraanka 11ka Bishan September.

Maamulka Madaxweyne Obama ayaa ku tilmaamay arrin xumaan abuuraysa isla markaana aan ka turjumaynin dhaqanka Maraykanka, Qorashaha uu soo jeediyay Baadari Maraykan ah oo ku nool Gobolka Florida kaasi oo ay isaga iyo taageerayaashiisu donayaan in xuska maalinta 11ka September la gubo Kitaabka Qur’aanka Kariimka ah.

Wasaardda arrimaha dibadda ee Maraykanka ayaa shaaca ka qaadday in ay ka walaacsantahay halista ay aarrintaasi ku keeni karto nolosha askarta iyo Diplomaasiyiinta iyo weliba dalxiisyaasha Maraykanka ah ee ku sugan dalka Dibaddiisa.

Madaxda Maraykanka ayaa sheegay in Baadariga reer Florida iyo taageerayaashiisu aanay ku xadgudbaynin dastuurka haddii ay gubaan Quraanka, iyada oo ay sida ay sheegeen hadda ka hor dadka ka soo horjeeday dagaalada uu Maraykanku ku jiro ay ku gubeen mudaaharaadiyo ay dhigeen Calanka qaranka Maraykanka.

Hase ahaate Mas’uuliyiinta Maraykanku waxay sheegeen in ay rajaynayaan in kooxdaasi kaniisdda ku xidhan ay garwaaqsan doonaan halista ka dhalan karta falkaasi ay ku kacayaan, isla markaana ay heli doonaan siyaabo kale oo ay ku muujiyaan cadhadooda iyaga oo aanan ku talaabsan falkan oo keeni kara mudaaharaadiyo Maraykan-nacayb ah  iyo falal gacan ka hadal ah oo ka dhaca dacalada dunida.

Maamulka Madaxweyne Obama ayaa war uu Salaasadii ka soo  saaray arrintaasi u adeegsaday hadaladii ugu kululaa ee ay mas’uuliyiinta Maraykanku arrintaasi ka yidhaahdaan ilaa imika.

Afhayeenka wasaaradda arrimaha dibadda ee Maraykanka P.J. Crowley ayaa ku tilmaamay qorshaha uu hindisihiisa lahaa baadari ka tirsan kaniisadaha Gobolka Florida oo lagu magacaabo Terry Jones oo ugu baaqay taageerayaashiisa in ay gubaan kitaabka Qur’aanka Kariimka ah maalinta 11ka Sep, ayaa waxaa uu afhayeenku ku tilmaamay in ay tallabadaasi tahay mid naxli xambaarsan oo aan haboonayn islamarkaana aan looba baahnayn in lagu dhaqaaqo.

Af hayeenka wasaaradda arrimaha dibadda ee maraykanka ayaa sheegay in gubita kitaabka Qur’aanka Kariimka ah ay sii hurinayso xagjirnimada.

Isaga oo ku halqabsaday diginiintii uu jeediyay taliyaha ciidanka maraykanka ee ku sugan Afghanistan General David Petraeus oo sheegay in qorshahan ay wadaan Baadiraga iyo kooxdiisu ay marmarsiyo u noqon doonto Propogandaha ay waddo kooxda Taliban.

Mr Crowley ayaa sheegay in ay arrintan yeelan karto saamayntii xumayd ee ay yeesheen sawiradii sanadkii 2006dii la faafiyay ee muujinayay askar maraykan ah oo ku xadgudbaysay dad maxaabiisa ah oo ku jiray xabsiga Abu Ghuraib ee dalka Ciraaq.

Crowley ayaa sheegay in haddiiba ay dhacdo in kooxdaasi ay Qur’aanka gubaan, in uu filayo in ay dadka aduunweynaha ku nooli ay fahmi karaan in waxani aanu ahayn arrin ay oggolyihiin shacbiweynaha Maraykanku isla markaana aan isir ku lahayn dhaqanka suubban iyo wada noolaanshaha diimaha ee waligeedba lagu yiqaanay dadka Maraykanka ah .

Baadariga reer Florida ee keenay hindishan ah in Quraanka la gubo ayaa isagu tilmaamay in uu qorshaha ku darsanyo, dhibta soo gaadhi karta dadka maraykanka ah ee dibadda ku nool hase ahaatee waxaa uu sheegay in isaga iyo taageerayaashiisa ay ka go’antahay in ay gubaan Kitaabka Quraanka ah oo ay dhigayaan bannabaxa u qorshaysan.

Hussein Aadan: Washington DC

Xigashada Warka: VOA/Somali

Iyadoo maalmihii u dambeeyay ay jireen guux ahaa in Shabaab ka le’atay saanadii rasaasta, kadib dagaalo aan kala go’laheyn oo 10-maalmood xiriir ah la gashay Dowladda KMG iyo AMISOM ayaa warar soo baxaya sheegayaan in saanad milateri maalmo ka hor uga soo degatay magaalada Kismaayo.

Warar xog ogaal ah ayaa xaqiijiyay in maleeshiyada Alshabaab oo si buuxda gacanta ugu heysa magaala xeebeedka Kismaayo ee Gobolka Jubada Hoose ay uga soo degtay saanad milateri, taasoo siday diyaarad gaar ah.

Ilaha wareedka ayaa sheegaya in todobaadkii tagay bartamihiisa diyaarad ka degtay garoonka diyaaradaha Kismaayo, halkaasoo markii diyaarada timid aad looga dareemay dhaq dhaqaaq ciidan gudaha iyo daafaha magaalada.

Hubkan ayaa ka koobanaa qoryaha noocyadooda kala duwan, rasaas iyo agabyo kale oo ah kuwa milateriga, sida ay xaqiijinayaan ilo wareedyada.

Waxaa la hakiyay ganacsatadii qaadka ee u soo kalihi jirtay garoonka, si diyaaradaha qaada keena ee Kenya ka soo duula, uga qaataan qaadkooda, laakiin muddo saacado ah ayaa lagu xanibay gudaha magaalada Kismaayo.

Shakiga ahaa in Shabaab rasaasta ka go’da ayaa ahaa hadal heyn maalmahan ka jirtay magaalada muqdisho, kadib markii ay yaraadeen dagaaladii ay soo qaadayeen, tan iyo markii si toos dagaal u iclaamiyeen.

Dowladda Eritrea ayaa looga shakisan yahay in Hubkan si qarsoodi ugu soo dirtay Kooxaha Islaamiyiinta, iyadoo horay dhowr jeer saanado milateri ugu yaboohday kooxahaas, inkastoo saanadan ay ka soo degtay Garoonka diyaaradaha Kismaayo, iyadoo saanadihii hore ka soo degi jireen Garoonka Balli-doogle