Garweyne oo qaar kamid ah ispitaalada magaalada Muqdisho gaarsiiyey deeq ka kooban digir sadax nuuc ah iyoweliba caanaha nafaqada caruurta qasacado gaaraya 2233 waxaana ka gudoomay maamulka Ispitalka hooyada iyo dhalaanka ee banadir iyo sidoo kale maamulka M.C.H Uniceif
Deeqdaan ayaa loogu talagalay sida uu wasiirku ka dhawaajiyey caruurta iyo hooyada ay nafodarida ay heysato si doo kale wasiirka Bini aadanimada iyo dib u dajinta ee xukuumada KMG Somaliya Maxamuud Cabdi Ibraahin Garweyne ayaa sheegay in xaalad bini aadan nimo oo aad u daran ay ka jirto Gudaha iyo hareraha magaalada Muqdisho .
Wasiirka oo shirkiisa jaraid kaga hadlay xaalado badan ayaa sheegay tiro ahaan in ka badan laba milyan kuwaas oo guryahooda uga cararay dagaalada iyo gantalaha la isku ridayo ay ku dhibaateysan yihiin gudaha dalka Somaliya .

Arintaan ayaa ku soo begmeyso xili hay’addaha samafalka ee hoostaga hay’adda Jimciyada quroomaha ka dhaxayso ay ka deyrinayaan xaaladaha bini aadan nimo ee ka jiraguud ahaa dalka Somaliya
Wasaarada bini aadan nimada ee xukuumada KMG Somaliyeed oo sheegtay in ay tilaabo xaga sahrciga ah ka qaadayso hay’addi samafaleed oo Aqoonsi la’aan ka howlgasha wadanka Somaliya .
�
Wasiirka Bini aadanimada iyo dib u dajinta ee xukuumada KMG Somaliya Maxamuud Cabdi Ibraahin Garweyne oo manta shir jaraid xafiiskiisa ugu qabtay ayaa hey.addaha samafalka ee ka howl’gala gudaha dalka Somaliya uga digay in ay mar’laa.uga howlgalaan gudaha wadanka Somaliya iyaga oo aan warqad ruqsad ah ka heysanin wasaarada Bini-aadanimada ee dowlada Fadaraalka KMG Somaliya .
Wasiirka ayaa inta ku daray hadalkiisa in aan loo dulqaadan doonin hay’addii ku xadgudubto amarkaas isaga oo sheegay in looga baahan yahay hay’addaha in ay iska soo diiwaan galiyaan xafiiska wasarada Bini aadanimada siay ugu madaxbanaanaadaan howlahoda samafaleed .
Mudane Garweyne ayaa shegay in hayaddii u hogaansami weydo awaamiirtaa talaabo sharciga waafaqsan laga qaadi doono
�
Maxamuud Cabdi Ibraahin “wasaradaan waxay u sameysan tahay in ay qaabeyso howlaha bini aadanimo ee samafalka ku shaqada leh,waa dulqadanay waana naga soo dhamaaday dulqaadkii hada ka dib waxaan hay’addaha ku shaqada leh cidna in aan laga yeeleynin ,waxaana isku dhaxdhuuntay NGO yada iyo kuwii dibadaha ayaa la kala garan waayey “
“hay’addaha dowlada wasaaradaan wasarad aan aheyn oo u xilsaaran ma jirto in ay wax diiwaan galiso ama ay waraaqo ruqso ah siiso cid walbo waxaan u sheegeynaa intaa sabarkii ayaa ku dhamaaday

Hoggaamiyeyaasha dalalka Afrika ayaa ku soo qulqulaya magaalada Kampala si ay uga qeybgalaan shir madaxeedka Midowga Afrika ee beri furmaya. Madaxda Afrika ayaa ka doodi doona ajendayaasha ugu muhiimsan kulanka oo ay ka mid yihiin xasaradaha ka taagan Somalia, Darfur iyo weliba sidii loo adkeyn laha amaanka qaaradda.

Wasiirka Horumarinta Afrika ee dalka Britain oo isna ka qeybgalaya shir madaxeeda Midowga Afrika ayaa taageerey qorshaha ciidan dheeri ah oo nabad ilaalin ah loogu dirayo Somalia.

Garoonka diyaaradaha ee magaalada Entebbe ee dalka Uganda waxaa sii isdabajoog ah uga soo degaya madaxda dalalka Afrika iyo wufuud kale oo caalami ah oo isku diyaarinaya ka qeybgalka kulan madaxeedka AU-da oo beri ka furmaya magaalada Kampala.

Ilaa iyo haatan waxaa wasaaradda Arimaha dibeda ee Uganda ay xaqiijisey inay dalka soo gaareen ilaa sagaal hoggaamiye oo ay mid yihiin madaxweynayaasha Senegal, Abdulahi Wade, Algeria , Abdul Azeiz Bouteflika, Nigeria, Goodluck Jonathan, Congo Brazaville, Gen Denis Sassou Nguesso, Namibia, Hifipekunye Pohamba, Malawi,Bingu wa Mutharika, iyo Zambia, Rupia Banda .

Raisul Wasaarayaasha Ethiopia iyo Lesotho , Meles Zenawi iyo Pakalitha Mosisili ayaa iyaguna ka mid ah madaxdii ugu dambeyse ee shirka soo gaara.

Madaxda ayaa dersi doona isla markaana ansixin doona agendayaasha ay soo diyaariyeen wasiiradooda arrimaha dibedda oo shir laba maalmood ah ku yeeshey magaalada Kampala.

Agendaha ugu weyn shirka waxaa markii hore uu ahaa horumarinta adeegyada hooyada iyo dhalaanka qaaradda, hase yeeshee, waxaa ajendahaasi laga hormariyey amniga gaar ahaan Somalia, kadib markii xaalada dalkaasi ka jirta ay ka sii dartey, iyo weeraro ay dad badan ku dhinteen oo lagu qaadey magaalada Kampala , kaas oo ay masuuliyadiisa sheegteen kooxda Al-Shabab ee dalka Somalia.Ciidanka loo dirayo Soomaaliya

Madaxa Guddiga Sare ee Mdowga Afrika Jean Ping ayaa sheegey in dalalka Guinea iyo Djibouti ay diyaar u yihiin ciidamo inay ku biiriyaan hawlgalka milateri ee Midowga Afrika ka waddo Somalia, iyadoo durba ciidamada Guinea ay tababar ku qaadanayaan dalka Ethiopia ka hor intaaney tegin Somalia.

Ku xigeenka madaxa Guddiga sare ee Midowga Afrika, Erastus Mwencha, ayaa isna sheegey in caqabada ugu weyn ee hortaagan kordhinta ciidamada nabad ilaalinta Midowga Afrika ee Somalia jooga ay tahay saadka oo aad u hooseeya loona baahan yahay in dhankaasi si degdeg ah looga daboolo.

Madaxda Afrika ka sokow waxaa shirka jooga diblomaasiyiin reer galbeed ah oo uu ka mid yahay Wasiirka Waaxda Horumarinta Afrika Britain, Henry Bellingham, oo ka qeybgalyaasha shirka u xaqiijiyey in dalkiisu taageerayo qorshaha ciidamo dheeri ah loogu dirayo dalka Somalia.

Wargeyska ay leedahay dowladda Uganda ee New Vision, ayaa sheegay in bambooyinkii dhawaan lagu qarxiyay Kampala la soo geliyay waddanka Uganda iyaga oo sanaadiiq ku jira.

Wargeyska ayaa sheegay in baarayaal isugu jira Mareykan iyo Uganda ay suaalo weydiinayaan in ka badan afartan qof oo looga shakiyay inay ku lug lahaayeen qaraxyada oo xiran.

Dadkaasi la xiray ayaa waxay isugu jiraan Pakistan, Soomaali, Nigeria iyo Uganda.

Wargeysku waxa uu qoray in dadka Soomaalida ah ee la hayo ay tiradoodu tahay 11 qof, halka 16 ay yihiin Pakistan iyo 8 u dhashay Uganda, iyo hal qof oo Nigerian ah.

Waxaa kale oo jira toddobo qof oo aan wali la ogeyn dalalka ay u dhasheen.

Hey’adda booliiska caalamiga ah ee Interpol ayaa waxa ay soo saartay sawirro laba qof oo loo maleynayo inay ahaayeen kuwii is qarxiyay.

Qaraxayada ka dhacay magaalada Kampala ayaa waxa ku dhintay in ka badan toddobaatan qof, xilli dadku ay daawanaeen cayaaraha adduunka.

Maleyshiyada Xisbul Islaam  ee ku sugan deegaanka Siinka dheer ee duleedka Magaalada Muqdisho ayaa bilaabay in ay haweenka  ka furaan Niqaabka ama indha shareerka kuwaasi oo ay horay ugu amreen.

Sida ay xaqiijiyeen dad goobjoogayaal ah Maleeshiyada kooxda  Xisbul Islaam  ee ku sugan Degmada Afgooye iyo deegaanka loo barakcay ee ceelasha biyaha ayaa maal mihii  ugu danbeeyay waxa ay wadeen falal ay kula dagaalamayaan haweenka ku labista idhashareerka.

Maleeshiyadan ayaa billaawday in ay haweenka kala degaan gawaarida ay ku safrayaan ee isticmaala wadada isku xirta muqdisho iyo Afgooye, waxaana sida ay goobjoogayaashu ku soo waramayaan ay  haweenka ay  ku amrayeen in ayan mar kale  qaadan karin indhashareerka hadii kale ay ciqaabta kooxdaas la kulmi doonaan.

Ma cadda sababta ka dambaysa in kooxdaani ay sameeyaan falalkaas ay  kula dagaalamayaan qaadashada indhashareerka hayeeshee dadka qaar ayaa ku macneeynaya cabsi ay ka qabaan kooxda Shabaab ee dagaalka kula jirta kooxdaas.

Amiirka maleeshiyada  Alshabaab Axmed Cabdi Godane oo loo yaqaano Abuu Zubeyr ayaa fariin cod ah oo uu soo marsiiyay warbaahinta Muqdisho ayaa waxaa uu ku bogaadiyay weeraradii mataanaha ahaa ee lagu qarxiyay magaalada Kampala ee caasimadda uganda  habeenkii Isniinta.

Abuu Zubeyr ayaa sheegay in Ciidamada AMISOM ay geysteen xasuuq ka daran kuwii ay ka geysteen dalka Soomaaliya Ciidamadii Itoobiya iyo Mareykanka sida uu yiri.

“Waxa loogu yeero AMISOM waxay geysteen xasuuq ka daran kuwii ay Itoobiya iyo Mareykanka geysteen, waxay dadka ku laayeen Madaafiic, dhismayaashii waxay dhulka la simeen Taangiyo”ayuu yiri Abuu Zubeyr.

Waxaa uu sheegay in qaraxyadii ka dhacay Kampala ay bilow u ahaayeen weeraro hor leh oo uu qeexay in ay la beegsan doonaan magaalooyinka Bujumbura iyo Kampala, waxaana uu ugu hambalyeeyay weerarkaas kuwii fuliyay inay ahaayeen Guutada Saalax Nabhaan oo sanadkii hore Mareykanka ku dilay weerar duqeyn ah oo ka dhacday agagaarka degmada Baraawe.

5-tii bishan ayay ahayd markii Amiirka Alshabaab uu fariin uu soo marsiiyay warbaahinta uu ugu hanjabay dalalka Uganda iyo Brundi in ay beegsan doonaan, iyadoo hanjabaadiisa 6-maalmood kadiba si ficil ahaan u fushay

Masuuliyiinta waddanka Uganda ayaa xiray tiro dad ah oo lala xiriirinayo weeraradii bam ee axaddii lagu qaaday magaalada Kampala, oo ay ku dhinteen in ka badan 70 qof.

Xiritaanka dadkan ayaa yimi kadib markii laga helay magaalada, suun kuwa la isku qarxiyo ah oo aan qarxin.

Shabaab ayaa sheegatay inay qaaday weerarada qaraxyada ee ka dhacay magaalada Kampala ee waddanka Uganda, oo ay ku dhinteen in ka badan toddobaatan qof.

Wareegto ka soo baxday Xafiiska Madaxweeynaha Soomaaliya ayaa Gudoomiyaha G/Banaadir ahna Duqa M/Muqdisho loogu Magacaabay Maxamed Axmed Tarsan iyadoo Munaasabad Balaaran oo uu xilka kula wareegayay ay maanta ka dhacday Xarunta maamulka Gobolka Banaadir ee Magaalada Muqdisho.

Munaasabadan oo si heer sare ah loo soo agaasimamay ayaa waxaa ka soo qeyb galay wasiiro iyo Xildhibaano ka tirsan Dowlada KMG ah ee Soomaaliya, kuwaas oo ay ka mid ahaayeen Wasiirka Arimaha Gudaha Sh.C/qaadir Cali Cumar, Wasiirka Warfaafinta C/raxmaan Cumar Cismaan Eng.Yariisoow,Mas’uuliyiinta maamulka Gobolka Banaadir, Gudoomiyayaasha degmooyinka Gobolka iyo marti sharaf kale oo lagu casuumay munaasabadaasi.

Gudoomiyihii  hore ee Gobolka Banaadir ahaana Duqii Magaalada Muqdisho Eng C/risaaq Maxamed Nuur ayaa si kalsooni leh xilka ugu wareejiyay Gudoomiyaha Cusub ee G/Banaadir ahna Duqa Magaalada Muqdisho,  Maxamed Axmed Nuur Tarsan.

Gudoomiyaha Cusub ee G/Banaadir ahna Duqa Magaalada Muqdisho Maxamed Axmed Tarsan ayaa ugu horeeyn u mahadceliyay Gudoomiyihii hore ee G/Banaadir, waxa uuna ku amaanay howshii wanaagsaneyd ee uu soo qabtay mudadii uu xilka hayay, waxa uuna Gudoomiyaha cusub balanqaaday in uu dardar gelin doono howlaha maamulka Gobolka Banaadir.

Qaraxyo ka dhacay caasimadda Uganda, Kampala, ayaa dilay ugu yaraan 64 ruux oo daawanayay cayaarta kama dambeysta ah ee Koobka Adduunka.

Dad goob joogayaal ahaa ayaa ka warramay in kuraasta dhiig dhiiggu aslay iyo baabuur laga cararay ay goobt buuxeen.

Shakigu wuxuu dusha ka fuulay Shabaab oo u hanjabtay in shacabka Uganda iyo Burundi ay uga aargoyn doonaan waxa ay ku tilmaameen xasuuqa ay ciidammada dalalkaasi ku hayaan shacabka Muqdisho.

Isniintii 5-ta July ayay ahayd, Cabdi Axmed Aw Maxamuud Godane, oo loo yaqaan Abu Zubeyr, uu faafiyay hadal isugu jira hanjabaad, xigasho diineed iyo suugaan Soomaali hadalkaas oo macnahiisu ahaa hanjbaad toos ah oo ku wajahan Uganda iyo Burundi.

Isaga oo shacabka labadaas dal toos ula hadlaya, Abu Zubeyr wuxuu sheegay, in Soomaalida ay Muqdisho ku dileen Uganda iyo Burundi looga arrgudi doono shacabka Uganda iyo Burundi.

Makhaayadda la qarxiyay waxay ahayd makhaayad Ethiopian ah

Sarkaal ka tirsan Dowladda Soomaaliya oo lagu magaaabi jiray Salaad Xareed ayaa goor dhaweyd lagu dilay Degmada Baladwyene ee Xaruntga Gobolka Hiiraan, waxaana mas’uuliyadda dilkaas sheegatay maleeshiyada Al shabaab.

Dilka sarkaalkan ayaa ka dhacay guri uu ku sugnaa oo ku yaalla Baladweyne iyadoo saxaafadda ay u xaqiijiyeen dilkiisa mas’uuliyiin ka tirsan Maamulka Gobolka Hiiraan ee dablayda shabaab  iyagoo ku eedeeyay inuu ahaa Jaajuus.

“Salaad Xareed wuxuu ahaa sarkaal ka tirsan Dowladda Soomaaliya wuxuuna u joogay Baladweyne sidii uu ugu jaajuusi lahaa ciidamada Dowladda ee Gobolka ku sugan Xaaaladda degmada iyo awoodda ciidan ee Shabaab, waxaana dilay dablay ka tirsan Shabaab” ayuu yiri Mas’uul ka tirsan Shabaab.

Sarkaalkan la dilay ayaa wuxuu ahaa afhayeenkii ciidamada Dowladda Soomaaliya ee ku sugan Gobolka Hiiraan, kaasoo ay mas’uuliyiinta shabaab  ay sheegeen inuu afar habeen ku sugnaa Degmada Baladweyne.

Ehellada marxuumka qaarkood ayaa heegay in Salaad Xareed lagu toogtay guri uu kaga sugnaa Magaalad Baladweyne, waxayna sheegeen inay wadaan qorshe ay ku doonayaan inay ku aasaan.

Toogashada sarkaalkan ayaa imaanaysa iyadoo mas’uuliyiinta Dowladda Soomaaliya ee ku sugan Gobolka Hiiraan ay sheegeen dhawaan inay wadaan qorshayaal dagaal oo ay kula wareegayaan Gobolka Hiiraan oo ay ka taliso Xarrkatul Shabaab

Sheekh Cumar Faaruuq Cabdi oo ka mid ah mashaa’iqda waaweyn ee Soomaaliyeed kuna sugan magaalada Jiddah ee Boqortooyada dalka Sacuudiga ayaa ka hadlay xaaladda dalka Soomaaliya, gaar ahaan go’aanka madaxda Afrika ka soo saareen Soomaaliya, keenista ciidamo shisheeye iyo baahida keentay in dalka la keeno ciidamo shisheeye.

Hadalka Sheekh Cumar Faaruuq oo intiisa badan u daliishanayay diinta Islaamka iyo shareecada inay ku bannaan tahay maanta faragelin caalami iyo mid goboleedba lagu sameeyo arrimaha Soomaaliya, waxa uuna tilmaamay in arrintaasi ay sabab u tahay Soomaalida qolo qolo iyo koox koox u qeybsan oo iyagu ku heshiin waayay inay dalkooda ku heshiiyaan.

“IGAD ama dalalka deriska ah inay farageliyaan Soomaalida is maqli weysay way bannaan tahay” ayuu yiri Sheekh Cumar Faaruuq oo sheegay inuu isagu soo dhoweynayo go’aanka dalalka Afrika ay ka soo saareen dalka Soomaaliya, waayo buu yiri Sheekha dabka ka holcaya Soomaaliya haddii ay Afrika ku fiirsato waa hubaal inuu iyaga gaarayo.

Sheekh Cumar Faaruuq waxa uu sheegay dhinaca kale inay sii kordhayaan dagaalada dalka ka socda haddii ay yimaadaan ciidamo shisheeye ama la soo kordhiyo kuwa AMISOM, hase yeeshee dagaalladaasi ayuu sheegay inuu yahay mid loo baahan yahay bacdamaa uu yahay mid lagu soo celinayo nabadda iyo kala dambeyntii Soomaalida ka luntay 20-sano ka badan.

Sheekha ayaa ugu baaqay shacabka Soomaaliyeed guud ahaan inay ka heshiiyaan wixii dhexdooda ka dhacay, wuxuuna si gaar ah baaq ugu jeediyay Dowladda KMG ah iyo kooxaha mucaaradka inay hubka dhigaan oo ay xabbadda joojiyaan iyagoo u turaya dadka rayidka ah ee dhibaatada inta badan ka soo gaareyso, wuxuuna intaasi raaciyay Sheekh Cumar Faaruuq in Shareecada Islaamka dembi ahayn tallaabo kasta oo horseedeysa xal ka gaaridda iyo masaalixda dadka iyo dalka Soomaaliya.

Wasiirka Arrimaha Dibadda ee Kenya, Moses Wetangula, ayaa ku tilmaamay in rag ka yimid dagaalka Ciraaq iyo Afghanistan ay u tallaabeen Soomaaliya.

Wasiirka oo maanta u warramayay wakaaladda wararka AP, waxaa uu Nairobi ka sheegay, in dagaalyahaniintaasi tiradoodu ay tahay mid ku filan in ay walaac ku dhaliso beesha caalamka.

Xaaladda waxaa uu ku tilmaamay Wasiirku mid halis ah.

Dadka soo galay Soomaaliya waxay u dhasheen ayuu yiri Afghanistan, Pakistan, dalal Bariga Dhexe ah oo aan yareyn.

Waxay ka faa’iideysanayaan ayuu yiri in Soomaaliya aanay ka jirin dowlad shaqeyneysa.

Warar ka yimid hey’adaha sirta ayaa sheegaya ayuu yiri, Wetangula, in ay ay yihiin ciidn ashaamud ah oo isku dhafan.

Tiradooda dhabta ah ma naqaan ayuu yiri.

Wasiirka Arrimaha Dibadda ee Kenya, Moses Wetangula, wuxuu kaloo sheegay in uu ka xun yahay in aan Mareykanku sida ay tahay arrintan uga hawlgelin.

Sida aan ka rabnay, gaabis ayuu ka yahay ayuu yiri.

Toddobaadkan horraantiisii ayay ahayd markii Madaxweynayaasha IGAD ay ku baaqeen in 20 kun oo askari la geeyo Soomaaliya

Qarax ayaa xalay lala beegsaday saldhig ay maleeshiyada  Xisbul-Islaam ay ku leeyihiin degmada Afgooye ee gobolka Shabeelllaha hoose.

Qaraxaani oo ahaa Bamm gacmeed islamarkaana waxaana lala eegtay maleeshiyaad ka tirsan kooxdaasi oo ku sugnaa saldhigga degmada Afgooye waxaana ka dhashay khasaare nafeed.

Dad ka agdhaw saldhiga dagmada afgooye ayaa sheegay in ay arkayeen maleeshiyaad ka tirsan kooxda Xisbul Islaam oo isugu jira dhimasho iyo dhaawac kuwaas oo laga daad gureynayay halka qaraxa lala beegsaday.

Weerarkan ayaa waxaa uu qeyb ka yahay weeraro joogta ah oo kooxda shabaab la beegsato dablayda uu madaxda u yahay Sheekh Xasan Dahir Aweys.

Qaraxan ayaa imaanaya saacado kaddib markii maleeshiyaad ka tirsan Xisbil Islaam ay jir dil u geysteen sadex dhallinyaro ah oo Al shabab ka tirsan, islamarkaana ay xabsiga dagmada Afgooye ku xireen.

The Inter-governmental Authority on Development member countries yesterday agreed to immediately deploy 2,000 troops to restore sanity in Mogadishu under siege by Al Shabab militants.

Dowladda Uganda ayaa ka jawaabtay hanjabaad kaga yimid maleeshiyada Shabaab oo ku saabsan dagaallada ay ka wadaan dalka Soomaaliya.

Hadal kasoo baxay Hogaamiyaha Al Shabaab Sheekh Abuu-Zubeyr ayuu ku sheegay in xasuuqa ay ciidamada Uganda ka wadaan dalka Soomaaliya ay ka aargudan doonaan shacabkooda iyo ciidamadooda ku sugan Muqdisho.

Afhayeenka ciidamada Uganda (UPDF) Lt-Col. Felix Kulayigye ayaa warbaahinta dalkiisa u sheegay in hanjabaaddaas ay caddeyn tahay inay kooxdan ku hungowday hamigoodii ahaa inay afgambiyaan Dowladda Soomaaliya.

“Hogaamiyaha Al-shabaab wuxuu sheegay inay gubeen taangi ayna dileen askar, taasi ma ahan wax isbadal ku keeni kara howlaha nabad ilaalineed ee aan ka wadno Soomaaliya” ayuu yiri Afhayeenka Ciidanka dalka Uganda ee loo yaqaan UPDF.

Lt-Col. Kulayigye wuxuu sheegay in hajabaadaha kasoo baxaya Shabaab aysan ahayn kuwii ugu horreeyay, balse dhowr jeer oo hore ay sheegeen, iyaguna aysan hadalkaas dheg u dhigeyn.

Sarkaalkan wuxuu sheegay inay dagaalka ay kula jiraan Shabaab ay sii wadi doonaan, inta ay ka saarayaan Muqdisho oo dhan, waxaana uu xusay in dagaaladii ugu dambeeyay ay ku gaarsiiyeen khasaarooyin fara badan.

“Ciidamada AMISOM howlaha ay u joogaan Soomaaliya waa inay difaacaan Dowladda mana dhacayso inaan taas ka laabano, waayo howsheenna ayaaba ah” ayuu yiri Lt-Col. Felix Kulayigye oo sheegay in dagaallada ay horumar ka sameeyeen.

Beesha Absame ee North America ( Canada and USA)and Europe oo soo dhaweysay Magacabista Golaha Wasiirada cusub ee Soomaaliya Wasiirka Maliyada Hussein Abdi Halane oo ah Sarkaal ku xeeldheer siyaasada Somalia in muddo ah ka soo Shaqeyey Ha,aydaha NGO,sida CARE USA,oo madaxna soo noqday CARE USA Khartoum,Addis Abeba,Ethiopia,

Wasiirka Maaliyadda Soomaaliya Aqoon ahaan wuxuu sita Shahadada Masters,ahna nin kaso bixi kara hawlaha cakirin isla markaasna isku xira kara Dowlada iyo Hay’adaha Lacagaha Adduunka.

Waxgaradka Beesha Absame waxay yiraahdeen waa siyaasi ku xeeldheer arrimaha Somalia wax badana ka qaban kara arrimaha Jubooyinka ahna nin isu keena kara dadka kuwada nool meesha,Duqoowda waxgaradka iyo aqoonyahanada Beesha Absame ayaa waxa ay si isku mid ah u ayideen ama ay u taagereen Magacaabista Husein Abdi Halane iyagoona sheegay inuu Yahay shaqsi kasoo bixi kara Xilka loomagacabay.

Beesha Absame oo tageero weyn u haysa Dowlada,dibeda iyo gudahaba,Beesha Absame waxay ka codsaneysa xildhibanada beesha Absame in ay gacan ka siiyaan shaqada qaran ee ku soo fool leh wasiirka Maaliyada,iyo «nabadeynta «jubbooyinka iyo sidi ay gacanta Dowlada dib logu soo celin laha,Dowladu Xiligaan ay u bahantahay tageero ay ka hesho shacbiga Somaliyeed
ugu dambeyn waxaan leenahay Ilahay ha u fududeyo hawlahan ku soo fool leh

A Somali political analyst told VOA the Intergovernmental Authority on Development (IGAD), a regional organization, is incapable of resolving the ongoing crisis in Somalia.

Afyare Abdi Elmi, a professor of international affairs at Qatar University, said there are reasons to believe that Ethiopia is making efforts to inject itself into the ongoing Somali peace process by using IGAD’s mandate to achieve its objective.

“IGAD to me is a very weak regional organization, which is often dominated by the regional power, which is Ethiopia. So, basically, Ethiopia is trying to re-insert itself by using IGAD and it is trying to dominate the peace process in general,” he said.

IGAD’s Assembly of Heads of State and Government kicked off a two-day summit in Ethiopia’s capital, Addis Ababa, Sunday

The summit, among other things, discussed the way forward in attaining a lasting solution for security and political problems that have plagued Somalia for decades.

The two-day summit was also scheduled to review the 36^th Extraordinary Session of the IGAD Council of Ministers, a report of the IGAD Military Experts’ Mission to Somalia, and consideration of the draft communiqué of the 15^th Extraordinary Summit of IGAD Heads of State and Government.

But, professor Elmi said the regional bloc has demonstrated its inability to resolve the Somali crisis.

“It (IGAD) cannot pay even its own budget, let alone resolve the conflicts that are taking place in the region. So, it’s almost impossible to even expect as little as helping the region or, perhaps, some of the countries within the region,” Elmi said.

He further said that whenever a regional power such as Ethiopia tries to push its agenda in the Horn of Africa region, it usually uses IGAD as an instrument to attain its objective, a charge Prime Minister Meles Zenawi’s government denied.

Ethiopia has often said that it is committed to working with the Somali government, as well as the international community, to help resolve the escalating crisis in neighboring Somalia.

Established in 1986 with its headquarters in Djibouti, IGAD members comprise Ethiopia, Djibouti, Kenya, Somalia, Sudan and Uganda.

Prime Minister Zenawi is currently the chairman of the IGAD Assembly of Heads of State and Government.

Professor Elmi said the international community should have seized “precious” moments to help resolve the Somali crisis.

“The international community has missed so many opportunities in the past. There were times that the momentum was on the side of the international community, and those who (were) willing to ginger (make more lively) the situation, and obviously we have missed that. The international community should be firm and talk to the leadership of the TFG (Transitional Federal Government) and tell them that this cabinet is way too large,” Elmi said.

Source: VOA

Wararka naga soo gaaraya Magaalada Caasimadda ah ee muqdisho ayaa sheegaya in dagaal caawa maqrabkii uu dhex maray labada maleeshiyo agagaarka Masjidka Nasrudiin ee magaalada Muqdisho.

Dagaalka ayaa waxa uu dhacay kaddib markii kooxda Xisbul Islaam ee uu madaxda u yahay Sheekh Xasan Dahir Aweys ay qaadeen weerar ay ku doonayaan in ay uga aar gutaan kooxda Shabaab oo galabta ka dishay horjoogayaal iyo Maleeshiyaad ka tirsan kooxdooda.

Wararka ayaa sheegaya in dagaalka lagu dilay Seddex maleeshiyo oo Shabaab ka tirsan, Waxaa kale oo jira dhaawacyo soo gaaray labada dhinac, ayadoo ay is hor fadhiyaan  illaa iyo hadda labada maleeshiyo.

waxaa  jira maleeshiyaad shabaab ka tirsan oo ku go’doonsan Gudaha Masjidka Nasrudiin oo saldhig ay ka sameysteen Maleeshiyaadka kooxda Shabaab.

Maleeshiyada Shabaab ayaa maanta toogtay horjoogayaal iyo maleshiyaad ka tirsan kooxda Xisbul-Islaam oo ku sugnaa gudaha Magaallada Muqdisho.

Wararka laga helayo xaafadda Laba Dhagax ee Muqdisho ayaa sheegaya in kooxda Shabaab ay maanta dileen Laba Horjooge oo ka tirsan Xisbiga iyo laba Ilaalo u ahaa kaddib markii ay weerar ku soo qaadeen ayagoo ku sugan xaafadda Laba Dhagax.

Horjoogayaasha la dilay waxaa ka mid ah ninka wakiilka ka ahaa xarunta ay Xisbigu ku lahaayeen Laba Dhagax oo lagu magacaabi jiray C/samad, kaas oo horay hub ku qabsaday dagaal uu la galay maleeshiyada Shabaab.

Eritrean Ambassador to Qatar Ali Ibrahim Ahmed and Djibouti’s Ambassador to Qatar Mahamadi Ali Mahamade exchange the minutes of the agreement, signed in Doha yesterday, in the presence of  HE the Minister of State for Foreign Affairs Ahmed bin Abdullah al-Mahmoud

Doha -The minutes of the agreement to resolve the border dispute between Eritrea and Djibouti were signed at the Foreign Ministry headquarters here yesterday.�

The agreement was signed in Doha on June 6 this year by Eritrean President Isaias Afewerki, Djibouti President Ismail Omar Guelleh and HH the Emir Sheikh Hamad bin Khalifa al- Thani as a mediator and witness. �

The minutes were signed by Eritrean Ambassador to Qatar Ali Ibrahim Ahmed on behalf of the government of Eritrea, and Djibouti’s Ambassador to Qatar Mahamade Ali Mahamade on behalf of the government of Djibouti. 
The minutes were also signed by HE the Minister of State for Foreign Affairs Ahmed bin Abdullah al-Mahmoud, on behalf of the government of Qatar as the mediator and witness.

Hogaamiyaha maleeshiyada Alshabaab ayaa fariin maqal ah oo uu saacadihii la soo dhaafay soo diray ayaa waxaa uu ka hadlay Xaaladaha dagaalada ee ka taagan magaalada Muqdisho, isagoo dagaaladaas ku tilmaamay kuwo heer gabo gabo maraya.

Fariinta Axmed Godane *Abuu Zubeyr*  oo aheyd cajalad maqal ah ayaa waxaa uu ku soo beegay dagaaladii dhowaan ka dhacay magaalada Muqdisho, waxaana uu ku sii xoojiyay in la sii wado dagaalka.

Fariinta oo aheyd mid dar daaran iyo guubaabo isugu jiray ayaa sida looga bartay Hogaamiyaha Shabaab waxaa uu inta badan ku cabiray suugaan gabayo ah, oo badankood ahaa guubaabo uu u jeedinayay dablaydiisa Shabaab.

“Mujaahidiinta waa inay sabraan, dagaalkana ay sii joogteeyaan”ayuu yiri Abuu Zubeyr oo shacabka Muqdisho ugu baaqay in dagaalka jihaadka ka qeyb qaataan, ayna garab siiyaan Mujaahidiinta sida uu yiri.

Abuu Zubeyr ayaa xusay in Dowladda KMG ay isugu darsantay khilaafaad iyo guluf maalmihii u dambeeyay ay ku qaadeen, kaasoo uu tilmaamay in jab xoogan ay ku gaarsiiyeen, isla markaana ay AMISOM ka gubeen Taangi.

Waxaa uu ugu baaqay Shucuubta dalalka Uganda iyo Brundi in aysan ka qoomameyn dhibaatada gaartay, oo uu tibaaxay in horay si la mid ah ay u gaarsiiyeen Mareykanka iyo Itoobiya.

Fariintan ayaa noqoneysa fariintii labaad oo muddo labo todobaad gudahood soo diro Hogaamiyaha Alshabaab, kaasoo farimihiisa yihiin kuwo maqal ah oo uu soo dhigo Warbaahinta Muqdisho

Ilaa shan qof, ayaa ku dhintay qarax miino oo ka dhacay magaalada Muqdisho sida ay sheegayan wararka naga soo gaaraya Caasimada soomaaliya.

Sidoo kalena, waxaa dib u soo cusboonaaday dagaal u dhaxeeyay ciidamada dowladda iyo kooxda mucaaradka ee Al-Shabaab.

Dagaalka saaka, ayaa wararku sheegayaa in uu dib u bilowday kadib markii maleeshiyada al-Shabaab ay weerareen fariisimo ay joogeen ciidamada dowladda.

Qasaaraha dhabta ee dagaalka saaka ayaanan la ogayn, balse dhowrkii maalmood ee la soo dhaafay, waxaa ku dhintay in ka badan 50 qof.

5 qof oo qaraxa ku dhimatay 2 ka mid ah waxay ahaayeen Ciidamada Dowladda KMG ah

Madaxweynaha Soomaaliya Shariif Sheekh Axmed ayaa maanta lagu wadaa inuu u ambabaxo magaalada Addis Ababa ee dalka Itoobiya oo maalinta berri kaga qeyb geli doono shir ay leeyihiin Madaxda Urur Goboleedka IGAD.

Sida ay sheegayaan warar ku dhow dhow Xafiiska Madaxweynaha ayaa tibaaxaya in safarka Madaxweynaha ay ku wehlin doonaan qaar ka tirsan wasiirada cusub ee shalay ku soo biiray Xukuumada, markii uu isku shaandheyn ku sameeyay Ra’iisul Wasaare Cumar C/rashiid.

Madaxweynaha ayaa ku sii jeeda Magaalada Adis ababa, waxaana safarkiisa ku wehlin doono Wasiirka Cusub ee Arrimaha Dibada Yuusuf Ibraahim Xasan (Yuusuf Dheeg), Wasiirka Amniga Qaranka Axmed Cabdisalaan Xaaji Aadan, Wasiirka Qorsheynta iyo Iskaashiga Caalamiga Mustaf Sheekh Cali Dhuxulow iyo Wasiirka Boostada iyo Isgaarsiinta C/risaaq Jurile.

Kulanka ka dhacaya Addis Ababa ayaa waxay 7-da ee Urur Goboleedka IGAD kaga hadli doonaan Ammaanka Soomaaliya, waxaana si gaar ah loogu eegi doonaa qoraal dhowaan ay Wasiirada Gaashaandhiga IGAD u direen Qaramada Midoobey, kaasi oo lagu dalbanayay in la qaado xayiraada Hubka Soomaaliya.

Urur Goboleedka IGAD ayaa quudareynaya in ay fara gelin ku sameeyaan dalka rajo beelay ee Soomaaliya, si xasilooni ugu soo celiyaan, waxaana soconaya qorshe dalalka Jabuuti, Ethiopia, Kenya ay ku doonayaan in Ciidamo ugu soo diraan Soomaaliya.

IGAD ayaa la filayaa in war murtiyeed ku aadan xaalada Soomaaliya uu ka soo saaro kulankaas, waxaa sidoo kale qaramada Midoobey looga codsan doonaa Ciidamo Caalami ah loo diro Soomaaliya, kuwaasoo huwan magaca UN-ka.

Afhayeenkii hore ee maleeshiyada Alshabaab Sheekh Mukhtaar Roobow Abuu Mansuur oo ka mid ah saraakiisha ugu sareysa Shabaabka ayaa si kulul u weeraray shaqsiyada Madaxweynaha Soomaaliya Shariif Sheekh Axmed, isagoo ku tilmaamay nin istus tus badan oo fuli ah.

Isagoo ka hadlayay Masaajidka Daba-qeynka ee degmada Yaaqshiid salaadii jimcaha ee shalay ayaa waxaa uu sheegay in dagaaladii ka dhacay Waqooyiga Muqdisho ay ahaayeen kuwo dad badan ay ku le’deen, isla markaana dhinacooda guulo ka gaareen waa sida uu ku dooday.

“Nimankaas Gaalada ah, 3-kun oo BM, Hoobiyeyaal iyo Taangi ayay ku garaaceen goobaha mujaahidiinta, balse 3-ayaa ku shahiiday”ayuu yiri Abuu Mansuur oo intaa ku daray in dagaalka uu yahay mid u dhaxeeya Muslimiinta iyo Gaalada.

Abuu Mansuur ayaa sheegay in Madaxweyne Shariif uu marka uu gashtay dareyska ciidanka uu saxaafada isugu yeeray, balse taas ay ka aheyd mid istus tus ah, sida uu hadalka u yiri.

“Shariif waa nin istus tus badan saxaafadda masaakiinta ah, wuxuu isugu yeeraa marka uu dharka ciidanka gashanayo waana markii labaad ee uu khiyaanadaas sameeyo odayga kebir iyo isqaad qaad ayuu ku gaaray, waan ku naqaan geesi ma ihid ee fagaaraha iskeen”ayuu yiri Abuu Mansuur Roobow oo intaa ku daray in Shariif xilligii Maxkamadaha isla ahaayeen uu ahaa fulay sida uu hadalka u dhigay.

Abuu Mansuur ayaa si gaar ah waxaa uu u soo qaatay dadkii ku dhintay dagaalada ka dhacay W/Muqdisho, wuxuuna cadeeyay in dadkaas badankood ay ku dhinteen degmooyinka Yaaqshiid, Shibis iyo Kaaraan, hase ahaatee waxaa uu wax laga xumaado ku tilmaamay in dadkaas la laayay ay sabab u ahaayeen kuwii soo hogaamiyay ee uu sheegay in ay u soo horkaceen dhulkii ay ku dhasheen.

“Nimanka Gaalada horkacayay ee ka soo jeeda Waqooyiga Muqdisho, waxay cadaw ku yihiin shacabkooda, bal eega kuwa mas’uuliyiinta sheeganaya ee Salaad Cali Jeelle, Maxamed Dheere iyo Shariif waxay ku soo hogaamiyeen dhulkooda ay ku dhasheen Gaalada, dadka meesha ku le’dayna waa dadkoodii”ayuu mar kale yiri Abuu Mansuur oo khudbadiisa aheyd mid aad u dheereed.

Xafiiska R/wasaaraha Soomaaliya ayaa maanta shaaciyay isku shaandheyn lagu sameeyay golaha wasiirada Xukuumadda KMG ee Soomaaliya.

Afhayeenka Xukuumadda C/qaadir Walaayo ayaa warbaahinta u aqriyay liiska wasiirada oo u qornaa sidatan:-

1. R/wasaare ku xigeen ahna Wasaaradda Dekadaha iyo Gaadiidka Badda Sh Aadan Maxamed Nuur (Madooobe).
2. R/wasaare ku xigeen ahna wasiirka kalluumeysiga iyo kheraadka badda. C/raxmaan Xaaji Aadan Ibraahin (Ibbi).
3. R/wasaare ku xigeenka wasaaradda gaadiidka cirka iyo dhulka. C/waaxid Cilmi Goonjeex.
4. Wasaaradda Garsoorka iyo caddaaladda. C/kariim Axmed Cali.
5. Wasaaradda arrimaha dibadda Yuusuf Xsan Ibraahin dheeg.
6. Wasaaradda Arrimaha Gudaha Sh. C/qaadir cali Cumar.
7. Wasaaradda Gaashaandhigga Abuukar Cabdi Cismaan Mardaadi.
8. Wasaaradda Amniga Qaranka Axmed C/salaam xaaji Aadan.
9. Wasaaradda qorsheynta iyo iskaashiga Caalamiga ah, Mustaf Sh Cali dhuxuloow.
10. Wasaaradda Maaliyadda Xuseen Cabdi Xalane.
11. Wasaaradda Haweenka iyo aerr. Qoyska Fowsiyo Maxamed Sheekh.
12. Wasaaradda xanaanada Xoolaha C/casiis Lafta Gareen.
13. Wasaaradda dastuurka iyo arr. Federaalka Madoobe Nuunoow.
14. Wasaaradda beeraha beeraha. Maxamed Ibrqaahin xaabsade.
15. Wasaaradda hantida qaranka iyo qalabeynta maxamed Mursal.
16. Wasaaradda hidaha iyo tacliinta sare Cali Axmed (Jingili).
17. Wasaaradda dhaqancelinta iyo arrimaha bulshada. Prof. maxamed cumar Dalxa.
18. Wasaaradda gargaarka aadamiga. Maxamud Cabdi Ibraahin (Garweyne).
19. Wasaaradda warfaafinta. C/raxmaan Cumar Cismaan (Yariisoow).
20. Wasaaradda Cilmi barista iyo technology-yada Maxamed cali Xagaa.
21. Wasaaradda macdanta iyo biyaha  Cabdi Xasan Cawaale Qeybdiid.
22. Wasaaradda dib-u-dhiska  Xuseen Ceelaabe faahiye.
23. Wasaaradda dalxiiska iyo duur joogta C/laahi Yuusuf Cigaal.
24. Wasaaradda shaqada iyo shaqaalaha maxamed cabdi Xayir Maareeye.
25. Wasaaradda Caafimaadka. Maxamuud Jirde Xuseen.
26. Wasaaradda tamarta iyo shidaalka C/raxmaan Jaamac.
27. Wasaaradda Boostda iyo isgaarsiinta C/risaaq jurille.
28. Wasaaradda jaaliydaha C/laahi Axmed c/lle Azhari.
29. Wasaaradda ganacsiga C/rashiid Maxamed Cirro.
30. Wasaaradda howlaha guud iyo griyeynta Yuusuf Geelle Ugaas.
31. Wasaaradda warshadaha C/lla Boos Axmed.
32. Wasaaradda Bay’ada iyo dhirta Burci maxamed xamza.
33. Wasaaradda Dhallinyarada iyo Ispoortiga Qadiijo maxamed diiriye.
34. Wasaaradda Hormarinta reer Miyiga. Maxamed Cabdi Yuusuf.
35. Wasaaradda waxbarashda iyo barbaarinta  C/nuur Macalin Maxamuud.
36. Wasaaradda Owqaafta iyo arrimaha diinta Sh Nuur Cali Aadan.
37. Wasaaradda dib-u-heshiisiinta Xuseen Warsame samatar.
38. Wasaaradda Lacagta C/laahi Maxamed cali (sanbaloolshe).
39. Wasaaradda hub ka dhigista iyo jiheynta maleeshiyaadka Cumar cali Rooble.

Madaxweynaha Somaliland, Daahir Rayaale Kaahin, ayaa aqbalay natiijada doorashadii Madaxweynaha ee looga guuleystay.

Madaxweyne Rayaale ayaa sheegay in xilka uu si xarraga leh u wareejin doono.

Madaxweynuhu wuxuu ugu baaqay dadweynaha Somaliland in ay ilaashadaan midnimadooda.

Wuxuuna tartankii ololihii doorashada uu ku tilmaamay in uu ahaa cayaar walaalnimo.

Madaxweynuhu wuxuu u hambalyeeyay Madaxweynaha la doortay, Axmed Maxamed Silaanyo iyo Madaxweyne ku xigeenka lala doortay, Cabdiraxmaan cabdillaahi Zeylici.

Daahir Rayaale Kaahin, oo ah Madaxweynaha Somaliland, wuxuu ahaa murashaxa xisbiga UDUB oo hadda noqonaya mucaarad.

Hore ayuu Madaxweynuhu u ballan qaaday in uu doonayo in uu magac uga tago Somaliland oo uu xilka si qurxoon u wareejiyo haddii laga guuleysto.

Xaaji Cabdi Xuseen oo ka mid ah odayada caanka ah ee Somaliyeed, ayaa xalay ugu baaqay Madaxweynaha in uu sidii Adan Cabdulle Cusmaan si sharaf xilka u wareejiyo.

Daahir Rayaale, waa Madaxweynihii u horreeyay ee Somaliland u qabta doorasho Madaxweyne.

Laba jeer ayuu qabtay oo marna uu guuleystay, marna laga guuleystay.

Labada jeerba waxay tartameen Madaxweynaha hadda la doortay, Axmed Maxamed Silaanyo.

Haddana, Rayaale wuxuu noqon doonaa, Madaxweynihii ugu horreeyay Somaliland ee xilka doorasho shacabku codka bixiyay lagaga adkaaday ee markaa xilka si nabad ah ku wareejiyay

Axmed Maxamed Maxamuud oo ku magac dheer Siilaanyo wuxuu ku dhashay Degmada Burco sannadkii 1936.

Waxbarashadiisii dugsiyada Hoose, Dhexe iyo Sare wuxuu ku dhammaystay labada Dugsi ee qiimaha badan ee Shiikh iyo Cammuud mudadii u dhaxeysay 1946 ilaa iyo 1960.

1960-kii ilaa iyo 1965-tii wuxuu Axmed-Siilaanyo ku jiray Jaamacad ku taal Magaalada Manchester ee dalka Britain, halkaas oo uu ku qaatay shahaaddada koowaad iyo tan labaad ee cilmiga Dhaqaalaha.

Intii u dhaxaysay 1965 ilaa Oktoober 1969, wuxuu Axmed-Siilaanyo ahaa sarkaal sare oo ka soo shaqeeyay Wasaaraddii Qorsheynta ee dowladdii rayidka ahayd ee Soomaaliya, isaga oo gaadhay darejada Agaasime Guud.

Markii militerigu talada afgambi kula wareegay 21kii Oktoober 1969, waxaa Axmed-Siilaanyo loo magacaabay Wasiirka Wasaaradda Qorsheynta.

Muddo kadib waxaa laga dhigay Wasiirka Wasaaradda Ganacsiga iyo Guddoomiyaha Guddiga Dhaqaalaha Qaranka ilaa 1982 oo uu ka baxsaday dowladdii kacaanka.

1982, oo uu Axmed Siilaanyo tegay London wuxuu markiiba ku biiray jabhaddii Dhaqdhaqaaqa Waddaniga Soomaaliyeed ee SNM, isaga noqday wakiilka xafiiskii SNM ee London.

Muddadii u dhexeysay 1984 ilaa iyo 1990, wuxuu Axmed-Siilaanyo ahaa guddoomiyaha ururka SNM.

18 May 1991 shirweynihii Magaalada Burco ee beelaha Somaliland iyo ururkii SNM kaga dhawaaqeen gooni isutaagga Somaliland wuxuu Axmed-Siilaanyo ka mid ahaa hogaamiyayaashii hormoodka ka ahaa nabadeynta iyo heshiisiinta beelaha Somaliland wada dega.

Axmed siilaanyo wuxuu xubin ka noqday baarlamaanka Somaliland 1993 wuxuuna ka tirsanaa ilaa 1997.

1997 ilaa sannaddii 2000 dawladdii Somaliland ee Maxamed Xaaji Ibraahim Cigaal, wuxuu Axmed-Siilaanyo ka soo qabtay jagooyinka Wasiirka Maaliyadda iyo Wasiirka Qorsheynta, isaga oo markii danbe iskii isu casilay.

Sannadkii 2002, wuxuu ku dhawaaqay Xisbiga Mucaaridka ah ee KULMIYE oo uu guddoomiye ka noqday.

Doorashadii Madaxtooyada Somaliland ee April 2003, tartankii Madaxweynaha waxaa Axmed-Siilaanyo iyo ku xigeenkiisii Cabdiraxmaan Aw Cali Faarax lagaga helay 80 cod oo keliya, waanay aqbaleen.

Mar kale ayaa Xisbiga Mucaaridka ah ee KULMIYE, uu hadda u soo Sharraxay Axmed Siilaanyo tartanka doorashada madaxtooyada Somaliland ee 2010, isaga oo madaxweyne ku xigeenna u sharaxan yahay xisbigiisa Cabdiraxmaan Cabdillaahi Ismaaciil, oo loo yaqaanno Zeylici.

Axmed-Siilaanyo wuxuu leeyahay 5 caruur ah oo kala ah saddex wiil iyo laba gabdhood, oo ay u dhashay xaaskiisa Aamina-Weris Sheekh Maxamed Jirdde, oo ah qof aqoon yahan ah

Madaxweynaha Dowladda KMG ah Sh Shariif Sh Axmed oo tagay jiida hore ee dagaalka ayaa deeq loogu talagalay ciidamada xoogga ka gudoomay Xildhibaano ka tirsan Barlamanka Soomaaliya.

Xildhibaano ka tirsan Barlamanka Soomaaliya oo ay ka mid ahaayeen Xildhibaan Yuusuf Cali Ceynte,Xildhibaan Yuusuf Xeyle Jimcaale,Xildhibaanad Aamino Saciid,Xildhibaanad Maryan Sh.Cusmaan iyo Xildhibaano kale ayaa jiida hore  ee dagaalka deeq ay ugu talagaleen ciidamada Xoogga ee howlgalada ka wada qeybo ka mid ah waqooyiga Muqdisho,  ku gudoonsiyay Madaxweeyne Shariif oo tagay Jiida hore ee dagaalka isagoo xiran dharka Ciidamada iyo qalabka la isaga difaaco rasaasta.

Deeqda ay xildhibaanadu gudoonsiiyeen Madaxweeyne Shariif ayaa waxa ay ka koobneyd 100-kartoon oo biyo ah, 80-Kartoon oo Timir ah, 40-Kartoon oo Malaay ah, waxaana qaar ka mid ah  Xildhibaanada oo halkaasi ka hadlay ay sheegeen in ay garab taaganyihiin howlgalada Ciidamada Xoogga dalka ay ku xoreeynayaan guud ahaan wadanka,  Isla markaana ay sii wadi doonaan taakuleeynta ciidamada,  iyagoo intaa ku daray in xildhibaanadu ay naftooda u horayaan difaaca dalka iyo dadka Soomaaliyeed.

Ujeedada Madaxweynaha u xirtay dharka Ciidamada isla markaana uu tagay jiida hore ee Ciidamada fadhiyaan ayaa waxay qeyb ka tahay dhiirigelinta ciidamada.