Sheekh Maxamuud Sheekh Xasan, oo ah Hoggaamiye Ahlu Sunna ah wuxuu sheegay in uu fashilmay heshiiskii ay hore u galeen Ahlu Sunna iyo Dowladda KMG ah ee Soomaaliya

Heshiiskaasi wuxuu ka fashilmay ayuu yiri dhinaca dowladda, oo uu ku eedeeyay in ay talo ka qaadaneysa shakhsiyaad dantooda ka dhex arkay, Qabqablayaal dagaal iyo Ajnebi.

Laakiin ma uusan sheegin shaqsiyaadka iyo shisheeyaha, balse waxaa uu caddeeyay inuu heshiiskaas burburay.

Sheekh Maxamuud bishii May ayuu sheegay in heshiisku fashilmay, laakiin waxa cusub waxay yihiin ayuu yiri, in dowladdu iyada oo heshiiskii nuxurkiisii dishay, ay haddana iska dhigeyso ina ay fulineyso.

Xogtu waxay tahay ayuu yiri in TFG ay damacsan tahay in ay magacawdo shakhsiyaad ay ku tilmaameyso in ay yihiin Ahlu Sunna.

Markii aan Addis Ababa wada xaajoodka u fadhinnay ayuu yiri, raggii dowladda matalayay oo magaceeda nagula xaajoonayay, ayaa hadda lagu magacaabayaa in ay ka tirsan yihiin Ahlu Sunna, oo iyagu ay matalaan.

Mar la weydiiyay waxa dhacaya haddii Sheekh Xeefow oo heshiiskii saxiixay uu raalli ka yahay dadka la magacaabayo, ama rag kale oo Ahlu Sunna ah ay ka qeyb galaan dowladda, Shiikh Maxamuud wuxuu ku jawaabay in Ahlu Sunna uu go’aankeedu ku xiran yahay wada tashi.

Ilaa iyo hadda wax war ah kama soo bixin dhinaca Dowladda KMG ah iyo garabka Xeefow

Xildhibaan ka tirsan Baarlamaanka Soomaaliya oo lagu magacaabo Maxamed Xuseen Qalinle ayaa ku geeriyooday Isbitaal ku yaala magaalada Kampala ee dalka Uganda, oo in muddo ah ku xanuunsanayay.

Prof. Maxamed Cumar Dhalxa ayaa sheegay in xildhibaanka uu ahaa mid xanuunsanayay mudooyinkii u dambeeyay, isla markaana halkaas u joogay xaalad caafimaad.

“Alle ha u naxariisto Xildhibaanka, muddo xaaladiisa caafimaad ayaa lala tacaalayay, tiisa ayaana halkaas ku gashay, wuxuu ku dhintay Isbitaalka”ayuu yiri Prof. Dhalxa.

Ma ahan markii u horeysay ee xildhibaan ka tirsan Baarlamaanka ku dhinto dalka dibadiisa, sanado ka hor ayay aheyd markii dhowr xildhibaano ay ku geeriyoodeen dalalka deriska, kuwaasoo xaalado caafimaad u joogay

Xiisado u dhexeeya Maleyishiyaadka Shabaab iyo kooxda Xisbul Islaam ayaa ka taagan deegaano hoos taga degmada Walaweyn ee Gobolka shabeellaha hoose.

Xiisadan oo u dhexeysa maleeshiyaadka shabaab iyo Xisbul Islaam ayaa saaka waxa ay ka taagan tahay deegaanka Hakaaw oo qiyaastii 5-Km u jirta degmada Wanlaweyn ee gobolka shabeelaha hoose, kadib markii shalay isla deegaankaasi ay dagaalo ku dhexmareen labadaasi maleeshiyo,  waxaana dagaalka shalay gelinkii danbe ka dhacay deegaankaasi  uu ka dambeeyay kadib markii goob ay fariisin ku lahaayeen maleeshiyadka Xisbiga ay weerar ku soo qaadeen maleeshiyaad ka tirsan kuwa shabab iyadoona halkaasi ay ka dhacday israsaaseyn socotay muddo hal saac ka badan taas oo wel wel k u abuurtay dadka deegaanka.

Waxaana dagaalkaasi ku dhaawacmay 6-ka tirsan maleeshiyada Xisbul Islam oo iyagu weerar ka lagu soo qaaday,  inkastoo markii dambe goobta dib looga cayriyay maleeshiyadkii weerarka soo qaaday ee shabaab ee iyagu doonayay in fariisinkaasi ay kala wareegaan maleeshiyada Xisbul Islam maadaama maalmihii  la soo dhaafay ay socotay abaabulo maleeshiyaadka Xisbiga looga sifaynaayo gobolka shabeelaha.

Ciidamada Dowladda  Soomaaliya ee ku sugan qaybo ka mid ah gobolka Hiiran ayaa howl gallo ay ka fuliyeen guri ku yiilay galbeedka Magaalada Baladweyne ee xarunta gobolka Hiiran ku dilay horjooge Ajnabi ah oo ka tirsanaa maleeshiyada Kooxda Al-shabaab kasi oo tababar siinayey dhallinyaro ka tirsan Maleeshiyaadkasi.

Abuu Ayuub Al-Azari oo 35-sanno jir ah una dhashay dalka Masar ayaa lagu dilay howl galkaasi ayadoo mid kale oo ka soo jeeda dalka Ghana uu dhawac xooggan soo gaaray, kuwaasi oo tababar siinayey Maleeshiyadka u adeega Ajaanibta ee Shabaab.

Axmed Ugaas oo ka mid ah Saraakiisha Dowladda KMG ah  ayaa tibaaxay in howl galkasi uu ahaa mid qorsheysan kadib markii ciidamadu ay ka warheleen in goobtasi ay ku sugnayeen rag ajaanib ah, waxaana uu intaa ku daray in ay sii wadayaan howl gallada ka dhanka ah Maleeshiyaadka ka amar qaata dadka ajaanibta ah ee dalalkooda dambiyada kala duwan kasoo galay.

Dhibaatada dabada dheeraatay ee Soomaaliya ka jirtay labaatankii sanno  ee aan soo dhaafnay iyo guul darrooyinkii lagala kulmay hannaankii dib u heshiisiinta ee ay horseedka u ahaayeen dagaal oogayaashu, waxay fursad weyn siiyeen  kooxo diineedyada ka jiray Soomaaliya kuwaas oo ka faa’ideystay burburka nidaamkii dalka ka jiray, waxayna bilaabeen in ay faraha la soo galaan Siyaasadda dalka.

Kooxaha Magaca Islaamiyiinta huwan waxay ku jiraan Dowladda KMG ah ee Somaliya ee uu Madaxda u yahay Shariif Sh Axmed, waana kooxda lagu magacabo AHLU SHEEKH waxaana ugu sareeya madaxweynaha Dowladda KMG ah, ilaa iyo Wasiirkiisa Madaxtooyada Xasan Macalin iyo xubno kale.

Kooxdan Ahlu sheeg waxa damaca kaga jira in ay helaan xubnaha muhiimka ah ee Dowladda KMG ah ilaa iyo xilalka Safaaradaha Dibadda.

Xog hoose oo hadda la helay ayaa sheegaya in kooxdan qorsheysteen in ay helaan Wasaaradda Maaliyadda iyo Safaaradda Soomaaliya ee Nairobi, Labadan xil ee muhiimka ah ayaa la doonayaa in loo magacabo Labo xubnood oo Ahlu sheeg ah.

Wasiirka Maaliyadda waxaa la doonayaa in loo magacabo Wasiirka Arrimaha Gudaha C/qaadir Cali Cumar, sidoo kalena waxay kooxdan doonayaan in ay la wareegan Safaaradda Soomaaliya ee Nairobi oo Safiirkeedu yahay Maxamed Cali America.

Shaki kuma jiro in maanta aayaha Soomaaliya uu u gacan galay Islaamiyiinta, oo iyana ula dhaqaaqay jiho khaldan oo burbur iyo baaba’uun laga macaasho, haseyeeshe bal waynu dhawri  waxa xiga iyo meesha ay geeddiga ku furaan.

WAXQABADKA SAFAARADDA SOOMAALIYA EE KENYA

Safiirka soomaaliya kenaya Maxamed Cali America , wuxuu dadaal fara badan geliyay sidii loo soo nooleyn lahaa hanaankii diblomaasiye ee ka dhaxeeyay Dowladaha Soomaaliya iyo kenya, Safiirka markii xilka loo magacabay wuxuu shaqada ka bilaabay meel cidlo ah isagoo, waayo Safaaraddii Soomaaliya ee kenya mar hore ayaa la iibsaday sidaas darteed Safiirku wuxuu dhaqan geliyay xarun Safaaradda leedahay taas oo ay ka howlgalayaan ku dhawaad 26 ruux oo shaqaalo ah, waxaana ka dhex taagan Calaankii Soomaaliya Dowladda kenyana si xishmad leh ayay ula shaqeysaa Safaaradda.

Sidoo kale Safiirka Soomaaliya Kenya Maxamed Cali America, wuxuu dib u soo celiyay in Dowladda Kenya tixgeliso diblomaasiyiinta Soomaaliya ka jooga Nairobi.

Safiirka Waxaa uu ku dadaalay in dad fara badan oo soomaali ah ka soo daayo Xabsiyada dalka kenya, wuxuu is faham dhex dhigay soomaalida degan kenya iyo Dowladda dalkaas.

Safiirka wuxuu booqasho ku tagay xerooyinka qaxootiga ee dalka kenya halkaas oo ay ku nool yihiin kumanaan soomaali ah oo ka soo qaxay dagaalada dalkooda ka socda, booqashada Safiirka xerooyinkaasna waxay noqotay taariikh cusub maadama Mas’uulkii ugu horeeyay ee soomaaliya ka socda ee xerooyinkaas booqday noqday.

Safiir Maxamed Cali America isagoo ka shidaal qaadanayay xaalada dalka ka jirta iyo baahida loo qabo waxbarasho ayuu dugsi waxbarasho iyo ceel biyaha laga caba ka sameeyay degaanka Carfiid oo ku yaala duleedka suuqa xoolaha ee Magaalada muqdisho, wuxuuna halkaas ka dhisay dugsi hoose iyo dhexe oo ay wax ka dhigtaan ilaa iyo 1500 oo arday ah.

Safiir America oo hadda dadaal ugu jira in mar kale gacanta soomaaliya lagu soo celiyo dhulkii Safaaaradda Soomaaliya ee Magaalada Nairobi wuxuu maalin walba u taagan yahay maxkamadaha dalka kenya in soomaaliya loo soo celiyo dhulkeeda ahaa xarunta Safaaradda.

Sidoo kale Safaaradda kenya ee soomaaliya waxay dadka soomaalida ee dalkaas ku nool u fududeysay in si dhib la’aan ah qofka soomaaliya ugu laaban karo dalka iyo inuu gudaha dalka kenya ku qaadan karo baasaboorka soomaaliga iyo helista fiisaha dalka kenya.

Qoraal laguma soo koobi karo waxqabadka Safiirka soomaaliya ee kenya

Nuuradiin M Macalin

Saaka waxaa lagu jarmaaday goobaha cod bixinta ee Somaliland, Inta hurdada ku daahday waxay ku soo tooseen safaf dhaadheer oo ay gadaal ka gaadh ku noqdeen.

Waxaa la doonayaa in nimanka siyaasadda Somaliland ugu tunka weyn la kala saaro.

Madaxweynaha, Daahir rayaale Kaahin, ayaa waxaa isku taagay Hoggaamiyayaasha mucaaradka, Axmed Maxamed Silaanyo, iyo Feysal Cali-Waraabe.

Ha yeeshee, waxaa sutida u haya dadweynaha reer Somaliland iyo Guddiga doorashada oo kaashanaya ciidanka ammaanka.

Waxaa la diyaariyay sanaadiiq fara badan oo loogu tala galay in ay ku fillaadaan tirada gobol walba laga diiwaan geliyay.

Dadka is diiwaan geliyay

Tirada dadka is diiwaan geliyay

Gobolka Maroodi-jeex, ee Hargeysa, waxaa iska diiwaan gelisay 361,498 qof.

Togdheer oo ah Burco, waxaa is qoray 243,221 ruux.

Awdal waxaa kaadhadha qaatay 176,912 ruux.

Sanaag waxaa diyaar ah 146,371 qof.

Sool ayaa laga sugayaa 98,314 codbixiye.

Saaxiil waxaa la dhigayaa sanaadiiq ku filan 43,097 is diiwaan gelisay.

Isu socod ma jiro

Waxaa amar lagu bixiyay in aanuu socon karin gaadiid aan la siin ruqsad khaas ah.

Waxaa looga jeedaa in sidaa ammaanka lagu sugo.

Isla markaana aanay u sahlanaan cid kasta oo laga yaabo in ay dooneyso in ay wax carqaladeyso.

Guddiga doorashada ayaa maamulka gacanta ku haya.

Ciidamada ammaanku nabadda iyo habsami u socodka ayay ilaalinayaan.

Waxaa goob kasta oo cod lagu bixinayo xubno ka wakiil ah murashixiinta Madaxa is daray.

Dusha ayaa waxaa ka eegaya korjoogto caalami ah.

Ra’iisul Wasaaraha Soomaaliya Cumar C/rashiid Cali Sharma’arke ayaa bishan 21-keedii wuxuu qoraal Afka Ingiriiska ku daabacan u diray Wargeyska Forein Policy, waxaana u suurogashay inay warbixinta oo loo badalay Afka Soomaaliga idiin soo gudbiso, waxaana ay u qornayd sidan:

Bilihii ugu dambeeyay dadka ku ugan Mareykanka waxay u ekaayeen inay ka quusteen Soomaaliya, Tusaale ahaan bishii April ee sannadkan guddiga Xiriiradda Dibadda ayaa soo saaray Warbixin Gaar ah oo ku baaqaysa “Siyaasad Cusub” oo ah “Iska Dhaafida Waxtarka leh” oo wadankeena ah, hadii dhanka kale loo dhigana ah in lagala noqdo Taageerada Caalamiga ah ee la siiyo Dowladda Soomaaliya.

Fikradaasi waxay si shaki la’aan ah u duufsanaysaa in badan oo ku sugan Washington, sidoo kale kuwo ku sugan London iyo Caasimadaha kale ee Reer Galbeedka, taasoo sii adkeynaaya dhibaatooyinka aanu wajahayno, maadaama ay Dowladdu ka shaqaynayso sidii ay u soo celin lahayd Nidaamkii ka jiray Dhul ay Cadaawadi ka jirto, laakiin sida muuqata Habkan cusub wuxuu ku noqon doonaa Musiibo maanta sida uu horay ugu noqday Soomaalida iyo Beesha Caalamkaba.

Fikirka “Iska Dhaafida Waxtarka leh” ayaa ah asluubayn wanaagsan oo la mid ah tii hore iyo Siyaasadihii gebi ahaanba guuldaraystay, taasoo Wadamada Reer Galbeedka ay isticmaalayeen mudo sanado ah Muranka qaldan ee ah in Dhibaatooyinka Soomaaliya ka jira loo daayo Soomaalida, tani waxay ahayd Aragtida caadiga ah ee ay qabtay Beesha Caalamka inta badan 20kii sano ee la soo dhaafay- ilaa ay soo baxdo Burcad baddeed baahday, taasoo sababtay in Ciidamada Badda ee Adduunka ay u soo ruqaansadaan Biyaha Soomaaliya, joogitaanka ay joogaan Cutubyo Maraakiib dagaal oo ka socda Ciidamada Badda in ka badan 24 dal ayaa sharaxaad cad u ah sida dhibaatooyinka ka jira gudaha dalkeena ay u cadaadinayaan arrimaha Caalamka.

Aragtida Aduunka ee dhibaatada Soomaaliya ayaa ah sidoo kale mid muuqata oo dhulka taala, halkaasoo ay ku soo qulqulayaan dagaal yahaniin Shisheeye oo sii kordhinaya Heerka ay marayaan Mintidiinta Mucaaradka ah, kuwaasoo si furan ula xulufoobay Ururka Al-qaacida. Boqolaal Mintidiin Ajaaniib ah ayaa hada ku sugan gudaha Soomaaliya, kuwaasoo muuqaalkooda kore uu yahay sidii ay ula dagaalami lahaayeen Dowladda Soomaaliya iyagoo ka dhinac dagaalamaya Kooxaha Shabaab iyo Xisbul Islaamoo ah Kooxo Argagaixiso ah, kuwaasoo ay soo jiiteen dhiirigelinta ka imaanaysa Qaaar ka mid ah Kooxaha Argagixisada Islaamiyiinta Asal raaca ah ee Adduunka.

Dhabtii, Waxbixintii dhawaan ay Hay’adda Human Rights Watch ay ku eegaysay dadka Soomaalida ah ee ku nool deegaanada ay gacanta ku hayaan Shabaab ayaa u eg Midii ay horay Hay’addu uga soo saartay Ururka Daalibaan ee Afgaanistaan ka dagaalama xiligii uu talada hayay, Argagixisadu waxay karaamadii ka qaadeen Qabuurtii Soomaalida iyagoo u arka in aysan Islaamka ku jirin marka loo eego Tarjumaadooda qaloocan ee ay ka bixinayaan Islaamka. Masuuliyiinta Al shabaab ayaa si joogto ah u soo saara Amaro xun xun oo ay ku mabnuucayaan Waxkasta laga soo bilaabo Calankii Soomaaliya ee ka babanayay dhulkeena ilaa Daawashada Ciyaaraha Koobka Aduunka.

Laga soo bilaabo Ganbaleelkii Iskuulka ilaa Cagaf-Cagafyadii Beeraha lagu falanaayay. Xoog Amar ku Fuliyayaasha Shabaab ayaa karbaasha Haweenka hadii ay xiran waayaan Marooyin daboola min Madaxa ilaa Suulka jirkooda inkastoo aysan Qoysaska intooda badan awoodi Karin in ay sidaa sameeyaan. Argagixisadan waxay qarxiyeen Arday Caafimaadka dhamaysatay iyo Barafasooro ku sugnaa Xafladdii Jalanjebinta sanadkii la soo dhaafay, waxayna si aan shaki ku jirin masuul uga yihiin Shan mayd oo Madaxa laga gooyay oo laga helay Bishii April Muqdisho, Dhibanayaashaas ayaa ka shaaynaayay dayactir cusub oo lagu sameynaayay Dhismihii Baarlamaanka Soomaaliya.

Aduunku horay ayuu u soo arkay Waxuushnimada noocan oo kala ah kadib markii ay Daalibaaniyiintu burburiyeen Dowladdii hore ee Budhistaha ee ka jirta dalka Afgaanistaan. Sidoo kale markii Mintidiin Al-qaacida ku xiran ay si habaysan u bambeeyeen Goobo barakaysan oo ku yaala dalka Ciraaq. Sida ay muujinayso Taariikhdii Tobankii sano ee la soo dhaafay, Argagixisada ku sugan Soomaaliya ayaa waxay si aan shaki ku jirin u bilaabayaan in ay Rabshado ka abuuraan guud ahaan Gobolaka iyo Aduunkaba, hadii aan ka hortagi weyno, dhabtii Ciidamada Nabad Ilaalinta Midowga Afrika ayaa si tartiib tartiib ah gacan uga geysanaya sidii Muqdisho sharciga iyo kala danbaynta loogu soo celin lahaa iyo goobaha kale ee Soomaaliya, dagaalka adag ee dhulka kuwa ku guulaysanaya waa Anaga, laakiin waxaanu u baahanahay Taageero Caalami ah oo ka timaadda Meelo fogfog si aanu awood ugu yeelano maadaama aanu aminsanahay in aanu guulaysanayno.

Waxba laguma guulaysan karo hadaysan jirin Illo dhaqaale, Nasiibdaro, dhamaan Ilihii Daqliga ee Dowladdeenu isticmaali jirtay ayaa burburay ama la burburay, Soomaaliya waxay aad ooga baahan tahay hada dalalka sida Britain iyo Mareykanka waa Taageero maaliyadeed ma ahan Ciidamo ama Nabad ilaaliyayaal, Dowladdeenu waxay si hoose u eegaysaa Dhacdooyinka daaha ka rogan ee ka socda Afgaanistaan, halkaasoo ay Askarta Mareykanka iyo kuwa Britain aysi geesinimo leh uga qeybqaadanayaan dagaalka, waxaanu doorbidaynaa in aanu ka soo baxno teena. Soomaalidu waxay aad ugu kulul yihiin in ay dhankooda qeyb ka qaataan dib u riixidas Qatarta Argagixisada Islaamiyiinta, laakiin ma haystaan Tasiilaadkii ay ku fulin lahaayeen arrintaas.

Taageerada ka timaada Midowga Afrika iyo Qaramada Midoobay ayaa naga caawinaysa in aan dhisano Ciidamo habaysan, laakiin naguma filno, waxaanu u baahanahay in aan u helno Taageero Ciidamadeena Qalabka-Sida maadaama aanu rajeynayno in aan ku guulaysanayno Goobaha dagaalka ee Muqdisho iyo guud ahaan Soomaaliya Bilaha soo socda.

Soomaaliya sidoo kale waxay u baahan tahay Taageero badan oo ka timaada Beesha Caalamka si ay duulaanka uga bilowdo Goobaha Dagaalka, waxaanu u baahanahay Taageero si aanu u soo ceshano Dhaqdhaqaayadii Gaacsi ee xalaasha ahaa si aan wax badan uga faa’iideysano Kaluunka tiradda badan ee aanu qaniga ku nahay, Shidaalka ama Saliida, Gaaska iyo Macdanta oo aan maalin uun noqono dowlad wax badan qabsata horumarna gaarta marka hada loo eego, waxaanu u baahanahay Dhaqaale degdeg ah oo lagu bilaabo, taasoo lagu soo noolaynayo Adeegyadii Bulshada sida: Caafimaadka, Waxbarashada, Biyaha iyo Nadaafada aas-aasiga ah oo laga hirgeliyo Goobaha ay Dowladdu ka taliso.waanu kaga aqoon badanahay Qofkasta waxa ay u arkaan Ciidamada Caalamiga ah wax adag, wadada looga guulaysan karo Argagixisada iyo Burcad baddeeda waa in la buuxiyo meelaha banaan ee ay ka faa’iideysanayaan oo ah hadii aan magacaabo Masuuliyadii Qaranka oo meesha ka maqan iyo Dowlad Wanaaga.

Dowladdeena Federaalka KMG ah waxaa la aas-aasay 2004-tii sida ku cad Magaca, waanu ku dadaali doonaa in aan maamulno ilaa aan ka gaarsiino dadka Soomaaliyeed xili ay six or ah ku dooran karaan Madaxdooda Dhul Nabad ah oo Nabadgelyo ka jirto iyo Rajo mustaqbalka ah oo ka soo horjeeda waxa ay aaminsan yihiin qaar, maalintaas waa la gaari doonaa anagoo og shaqada dowladdeenu qabatay iyadoo kaashaanaysa beesha caalamka laakiin maalintaas ma imaanayso hadii soomaaliya mar labaad meel cidla ah looga tagayo.

XIGASHO: Foreignpolicy.com

Axmed Cabdi Godane Madaxa Maleeshiyada Shabaab balse ardeydiisa ugu yeeran Sheekh Mukhtaar C/raxmaan Abuu Subeyr ayaa saxaafadda Magaalada Muqdisho soo gaarsiiyay cajalad maqal ah ayuu ku sheegay in xubno badan oo kula jiray Jihaadka ay wadadii ka weecdeen, wuxuuna sheegay inay haatan la safan yihiin wuxuu ugu yeeray Gaalo iyo xukuumaddo riddo ah waa sida uu hadalka u dhigaye.

“Wadadii jihaadka waxaa ka leexday dad badan oo aan markii hore saf kuwada jirnay, iyagoo ka baqdin qaba in lagu tilmaamo argagaxiso, waxayna maanta la safan yihiin cadowga Islaamka” ayuu yiri Amiirka Al-Shabaab Sheekh Mukhtaar C/raxmaan Abuu Subeyr .

Amiirka Al-Shabaab ayaa Cajaladii uu soo gudbiyay wuxuu inta badan ku soo qaatay Aayado Diini ah iyo Gabayo uu ku cabirayo dagaalka ay ku jiraan, wuxuuna ku cambaareynaayay dadka uu sheegay inay ka leexdeen jihaadka, isagoo aan carrabka ku dhufan shaqsiyaadkaasi uu tilmaamay.

Wuxuu ka hadlay doorashooyda lagu wado inay todobaadka soo socda bilowgiisa ka dhacaan Somaliland, isagoo shacabka uga digay inay doorashada ka qaybgalaan, isagoo sheegay doorashadaas ay tahay mid baadil ah.

(Halkan ka dhageyso)

Madaxweynaha Jabuuti Ismaaciil Cumar Geelle iyo ergaygii hore ee Qaramada u qaabilsanaa Soomaaliya Axmadu Walad Cabdalla ayaa ku kulmay Caasimadda dalka Jabuuti ee Djabuuti.

Axmadu Walad Cabdalla ayaa madaxweyne Geelle ku amaanay dowrkii uu ka qaatay hanaankii nabadda ee lagu dhisay Soomaaliya ee uu madaxda u yahay shariif sheekh Axmed iyo dadaalkii ay Jabuuti ku bixisay isu keenidda kooxha Soomaalida.

Madaxweyne Geelle ayaa tilmaamay tallaabada la gudboon Soomaalida iyo beesha caalamka ee ku wajahan nabad loo helo waddanka Soomaaliya, isagoo caalamka ku booroyay in la taageero nidaamka ka jira Soomaaliya lagana hortago kooxaha dagaallada caadeystay.

Axmadu Walad Cabdalla ayaa Jamhuuriyadda Jabuuti ku booriyay in ay sii laba jibaarto dadaalkeeda ku wajahan xal u helidda mashaakilka ka taagan Soomaaliya iyo taageeridda dowladda KMG ee Soomaaliya.

Ciidamada Booliiska ee Koonfur Afrika ayaa xiray afar qof oo loo heysto isku daygii dil ee lagu toogtay General u dhashay Rwanda oo masaafuris u jooga Koonfura Afrika.

Afhayeen u hadlay ciidamada booliiska ayaa sheegay in laga yaabo in dad kale loo xiro dhacdadaasi.

General Kayumba Nyamwasa ayaa laga toogtay caloosha xilli uu ka soo laabtay dukaan uu wax ka iibsanayay.

Xaaska Generalka ayaa ku tilmaantay in ay ahayd isku day dil oo ay ka danbeysay dowladda Rwanda.

Wasiirka arrimaha dibedda ee Rwanda ayaa beeniyay eedeyntaasi.

General Nyamwasa ayaa magangelyo u tagay Koonfur Afrika bishii February, kadib markii ay isku dhaceen Madaxweynaha Rwanda, Paul Kagame.

Xukuumadda KMG-ka ah ee Soomaaliya ayaa shaaca ka qaaday in ay wadahadalo kula jirto Maleeshiyaadka Xisbul-islaam ee uu madaxda u yahay Sheekh Xasan Dahir Aweys.

Prof.C/rxamaan Xaaji Aaden Ibraahim Ibbi Ra;iisal Wasaare ku xigeenka ahna wasiirka Kalluumeysiga iyo Kheyraadka Badda ee Xukuumadda Federaalka KMG-ka Soomaaliya ayaa sheegay in uu wadahadal u socda Dowladda Soomaaliya iyo Maleeshiyaadka Xisbul-islaam u socdo wadahadal meel fiican maraya, isagoo rajo wanaagsan ka muujiyay in ay Wadahadalladaasi qaab wanaagsan ku soo dhamaan doonaan, waxa uuna intaasi ku daray in ay Maleeshiyaadka Xisbul-islaam ay isku afgarteen in Calanka Jamhuuriyadda Soomaaliya laga dhex taago Meelaha ay ku sugan yihiin.

Wadahadalada uu sheegay Ibbi ayaa ku soo aaday xilli kooxda Xisbul islaam cadaadis culus ka kulmayan kooxda shabaab kuwaas oo ku qasbay xisbul islaam in ay ka baxaan gobolada dalka.

Wararka naga soo gaaraya  magaalada Muqdisho ayaa sheegaya in maanta ay gadood sameeyeen ciidamada ilaalada madaxtooyada Soomaaliya.

Ciidamada, ayaa rasaas cirka u ridayay, iyagoo in muddo ah xannibay in madaxtooyada la galo ama laga soo baxo xilli uu madaxweynaha Soomaaliyana ku sugnaa gudaha xafiiskiisa, oo ku yaalla xarunta madxtooyada Soomaaliya.

Xiisadan, ayaa waxay jirtay dhawr saacadood, waxaase markii danbe soo dhexgalay oo arinta qaboojiyay ciidamada midowga Afrika ee AMISOM oo ilaallo xooggan ka haya madaxtooyada.

Ciidamada ilaalada madaxtooyada ee Soomaalida ah, ayaa waxay dalbanayaan mushaharkooda, oo ay sheegeen in aan la siinin dhowr bilood.

Iyadoo maalmihii u dambeeyay dablayda Shabaab ay waday olole ay xididaha ugu siibeyso Xisbul Islaam ayaa ololahaas waxaa uu hada u muuqdaa mid soo afjarmaya, kadib markii Shabaab si dhameystiran u wiiqday awoodihii Xisbiga ee gobolada dalka.

Todobaadkii la soo dhaafay kaliya ayaa waxaa Shabaab si inqilaab kula wareegeen Maamuladii Xisbul Islaam ku lahaa Hiiraan iyo qeybo ka tirsan Sh/Hoose oo shalay deegaanadii u dambeeyay gacantooda laga fara maroojiyay.

Warar la helayo ayaa sheegaya in Xiisad labada dhinac u dhaxeysa ay xalay ilaa saaka ka aloosneyd degmada Yaaqshiid ee Magaalada Muqdisho, iyadoo xiisadan ku wajahan tahay gacan ku heynta Saldhiga Booliska Yaaqshiid oo ay gacanta ku hayaan Xisbul Islaam.

Dadka deegaanka ayaa wal wal iyo cabsi ka qaba xiisadaha halkaas ka jira oo ku lamaanan dhaq dhaqaaq ciidan, kadib markii dablayda Xisbul Islaam ee joogay Saldhiga lagu wargeliyay in ay meesha isaga tagaan.

Maleeshiyada Xisbul Islaam oo feejignaan ka muuqata ayaa waxay aagag difaac ka galeen Saldhiga iyo nawaaxigiisa, kadib markii ay diideen in ay faarujiyaan saldhiga.

Lama oga halka ay xiisadan ku biyo shuban doonto, iyo in Shabaab si la mid ah sidii ay Xisbiga ugu fara maroojiyeen deegaanadii ay gacanta ku hayeen ay ula wareegi doonaan Saldhiga Yaaqshiid.

Xisbul Islaam ayaa xilligan waxaa heysta culeysyo baaxad leh, kaas oo la dhihi karo waa kii ugu dambeeyay ee ay saaxada kaga bixi karaan, kadib markii ay noqdeen kuwo sidii tusbax go’ay oo kale u kala firdhaday, waxaana xaalada iminka heysta ay tahay mid ku qabsi karta inay labo dhinac midkood noqdaan oo kala ah ama Shabaab ama Shariif

Human Rights Watch ayaa sheegtay in boliiska Kenya ay ku xad gud baan dadka Soomaalida ee ka soo carrara dagaalada ka socda somaliya, Mar mar ka qaar dib ayay u celiyaan dadka hadii aysan bixin laaluush ama lacag.

Human Rights Watch waxay sheegtay in Boliiska ay dilaan dadka, kufsadaan dumarka, ayna si sharci daro ah dadka u xiraan hadii aysan lacag bixin.
Warbixinta waxay sheegtay in boqolaal qof loo celiyay Soomaaliya sanadkan kaliya, taasoo jabinaysa sharciga caalamiga.
Boliiska keenya ayaa beeniyay xad gudubkan, laakiin waxay sheegeen inay baaritaan ku samaynayaan eedaymaha.
Kenya waxay xarun u tahay boqolaal kun oo qaxooti ah, oo ka soo cararay dagaalada Soomaaliya ka socda Labaatanka sano ugu dambeeyay

Kenya ayaa xirtay xudduuda ay leedahay Soomaliya sanadkii hore, laakiin dadka si sharci daro ah ayay ku soo galaan

Media Release; the http://www.tfgsomalia.net/English%20Language/index-page-News-nid-1482.htm

Mogadishu, (TFG): The Somali President, Sharif Sheikh Ahmed, has expressed strong concern over the recent New York Times report that alleged the Transitional Federal Government of Somalia has recruited child soldiers for its national army.
The President stated that, contrary to the New York Times assertions, the Somali government has not and will not knowingly recruit under-aged youth for the national security forces, because, the President said, “the country is already teeming with thousands of able-bodied men that the government is working hard to demobilize”
Furthermore, President Ahmed reiterated that the Somali Government “is fully committed to upholding existing laws and provisions banning the recruitment of child soldiers.”
However, as a charge of such magnitude warrants a thorough scrutiny, the President ordered the army chief “to conduct a full review and to report back to him in four weeks.  The President also instructed the army to demobilize any under-age recruits without delay.”
The President finally appealed to the international community to assist the Somali government with the direly needed resources to provide services that could help in the demobilization process of the estimated over one hundred thousand armed militias of all ages that are roaming in the country.
The President pointed out that, “Al Shabab terrorists are the ones who intentionally and many times forcefully enlist underage children for their terror campaigns.” It is documented the TFG has actually rescued children from Al-Shabaab and returned them to their families.
Ministry of Information, Mogadishu
Warsaxaafadeed; Madaxweynaha Soomaaliya oo amray in la baaro eedaymaha sheegaya in carruur ciidan laga dhigay.
http://www.tfgsomalia.net/index-page-News-nid-1482.htm

Muqdisho, (TFG): Madaxweynaha Soomaaliya, Sheekh Shariif Sh Axmed ayaa walaac ka muujiyay war ay qortay New York Times ee sheegay in DFKM ay ciidanka qaranka u qoratay carruur yaryar.
 Madaxweynuhu waxa uu carrabka ku adkeeyey in dowladda Soomaaliya aysan ka warqabin meel carruur yaryar loogu qoray ciidanka qaranka Soomaaliyeed. Madaxweynuhu waxa uu yiri “ waddanka waxa uu la ciirciirayaa kumanaan rag xoog leh ah oo ay dawladdu mashquul ku tahay hub ka dhigistooda”.
Intaas waxaa dheer, in Madaxweynuhu marlabaad ku celiyey “dowladda Soomaaliya waa ka dhab kor u qaadidda iyo meelmarinta shurruucda lagu xaaraantinimeynayo ciidameynta carruurta yaryar”
Si kastaba ha ahaatee, xasaasiyadda iyo dareenka ay abuureyso arrinkan darteed ayaa Madaxweynuhu waxa uu amray taliyaha ciidanka in “uu sameeyo baaritaan buuxa oo ku aadan arrinkan isaga ah, dabadeedna uu warbixin ku soo celiyo Madaxweynaha afar todobaad gudahood”.
Madaxaweynuhu waxa uu amar ku bixiyay in haddii ay jiraan carruur ka mid ah ciidanka degdeg looga saaro. Madaxweynuhu waxa uu uga dambeyntii ka dalbaday beesha caalamka in ay ka taageeraan dowladda Soomaaliya dadaalka ay ugu jirto sidii ay hubka ugu dhigi lahayd ku-dhawaad boqol kun oo malasheeyo ah, isaguna jira da’ walba oo ku wareegaaleesanaya waddanka dhexdiisa.
Madaxweynuhu waxa uu farta ku fiiqay in “Al shabaab yihiin kuwa sida ula kaca ah had iyo jeer xoog ku shaqaaleysiiya carruurta yaryar si ay ugu fushadaan hawlahooda gurracan ee argagixisada ah.” Runtii waa la wada ogyahay inta jeer ee carruur ay haysatay Al shabaab ay DFKM kasoo badbaadisey, dabadeedna dib ugu celisey qoysaskii ay ka yimaadeen.
Wasaaradda Warfaafinta, Muqdisho

Ciidamada Ammaanka Puntland ee Magaalada Gaalkacyo ayaa gacanta ku dhigay Gabar Da’yar oo siday waxyaabaha Qarxa xilli ay ciidamadu wadeen howl gallo lagula dagaalamayo falalka amni darrada ah.

Taliyaha qeybta Booliska ee Waqoyiga Magaalda Gaalkacyo Muuse Axmed C/raxmaan Muuse ayaa sheegay in ciidamada Booliska ay gacanta ku soo dhigeen gabar yar oo 15-jir ah oo gaari gacan ku waday Sadex gantaal oo ah walxa Qarxa.

Muuse Xasaasi ayaa intaa ku daray in ciidamadu ay heleen xog ku saabsan arrintaasi islamarkaana ay gacanta ku soo dhigeen gabadhaasi,  waxa uuna tilmaamay in gabadhu ay haatan ku xiran tahay Saldhiga Booliska ee magaalada Gaalkacyo oo ay ciidamadu su’aalo ku weydiinayaan.

Taliyaha ayaa sheegay in arrintani ay qeyb ka tahay Howl gallo ballaaran oo maalmihii ugu danbeeyay  ay ciidamada booliisku ka wadeen Magaaladaasi,  kaas oo looga hortagayo falalka Ammaan darrida ah ee xilliyadii la soo dhaafay ku soo badanayay Gaalkacyo.

Madaxwaynaha dalka Kenya, Mwai Kibaki ayaa Maanta isugu yeeray Kulan Deg deg ah Saraakiisha Amniga Kenya, kaasoo ku aaddan sidii looga arrinsan lahaa Qaraxyadii lala beegsaday isu soo bixii Siyaasadeed ee Shalay ka dhacay Nairobi.

Weerarkan lala beegsday isu soo baxa Siyaasadeed ayaa waxaa ku dhintay 5 qof, halka dhaawucuna gaarayo ilaa 110 Qofood, Waxaana isusoo baxani uu ahaa mid looga soo horjeeday Dastuurka Cusub ee Dalka Kenya qaybo ka mida.

Dibad baxa Rabbi bariga ah waxaa iisugu yeeray hoggaamiyayaasha Kiristaanka oo ka soo horjeeda isbeddel la soo jeediyay in dastuurka lagu sameeyo oo iyagu ay ku diiddan yihiin dhinacyada ku saabsab Ilamaha uurka ku jira in la soo ridi karo iyo hirgelinta Maxkamadaha Shareecada

“Madaxwaynuhu waxa uu aroornimadii hore ee Saaka iclaamiyay Shir Deg Deg ah oo arrimaha Amniga looga hadlayay, si looga gudbo xaaladdan Adag,” sidaana waxaa yiri Madaxwayne Ku Xigeenka Kenya, Kalonzo Musyoka.

“waxaan rabnaa inaan helno waxa ay salka ku hayso arrintani, waxaan ugu baaqaynaa Shacabka Kenya oo dhan Daganaan, iyadoo Booliskuna ay baarayaan mashaqadani,” ayuu raaciyay Hadalkiisa Musyoko.

Qaraxyadani oo dhacay Axaddii Galinka dambe ahaana kuwa looga soo horjeeday Dastuurka Hordhaca ah ayaa waxa uu ahaa Weerarkii ugu cuslaa ee ka dhaca Bariga Afrika tan iyo wixii ka dambeeyay rabshidihii ka dhashay doorashadii Kenya ee 2007-dii oo sababay geeridda 1,500 oo qof, iyo barakaca 300,000, oo qof.

Ra’iisal Wasaaraha Kenya, Raila Odinga, ayaa isbitaalka ku booqday dadkii ku dhaawacmay goobtaas.

Odinga wuxuu yiri baaritaan ayaa socda, dadkii ka dambeeyayna wey ka shallaayi doonaan.

Xuseen Maxamed Faarax

Caydiid oo ah Siyaasi Soomaaliyeed ayaa  ka hadalay dhibaatada xiriirka ah ee ka taagan gudaha Soomaaliya iyo kooxaha ka shaqeeya dhibaatada shacabka tabaalaysan ee Soomaaliyeed.

Waxa uu sheegay in mashaakilka daba dheeraaday ee ka oogan Soomaaliya ay haatan tahay mid aad u xun maadaama kooxo ajaanib ah ay lug ku yeesheen hurinta colaadaha la degay shacabka Soomaaliyeed.

Caydiid ayaa shacabka ugu baaqay in ay marka Soomaliya ayaa ayaa waxaa ku sugan dagaalyahano ajanabi ah oo ka barbar dagaalama maleeshiyada shabaab ee ku xiran Al qaacida

 hore dhexdooda ay is xaliyaan islamarkaana ay si wada jir ah ugu soo jeestaan arrinta kooxaha ajaanibta ah ku saabsan, hadii kale fara gelinta ajaanibtu ay sii kordhi doonto, iyaga oo ka faaiidaysanaya aragtida aan mideysaneyn ee shacabka dhexdooda ah.

United Nations Secretary-General Ban Ki-moon today announced the appointment of Augustine P. Mahigao of the United Republic of Tanzania as his Special Representative for Somalia and Head of the United Nations Political Office for Somalia (UNPOS).  Mr. Mahiga replaces Mr. Ahmedou Ould-Abdallah ( Mauritania) who has served in the position from September 2007.

Mr. Mahigabrings to this position many yearsof both Government and United Nations experience.  He combines extensive experience in conflict management, mediation, humanitarian and recovery/development activities.  In particular, Mr. Mahiga has lengthy and pertinent experience in the Horn of Africa and other parts of the continent, which will be invaluable in his new position.

Since 2003, Mr. Mahiga has served as the United Republic of Tanzania’s Permanent Representative to the United Nations in New York.  In this capacity, he has been actively involved in various United Nations reform initiatives, including co-facilitating negotiations on establishing the Peacebuilding Commission (2005) and co-chairing intergovernmental consultations on System Wide Coherence reforms, including Delivering as One in eight pilot countries (2008).  Ambassador Mahiga has been engaged in intergovernmental and informal working groups on issues of development, peace and security, human rights, and strengthening the partnership between the United Nations and the African Union.

Before joining the Tanzanian Foreign Service in 1983, Mr. Mahiga worked in the President’s Office as Acting Director General and Director of Research and Training from 1977–1983.  He served in various capacities with the United Nations High Commission for Refugees (UNHCR), including as Chief of Mission to Liberia, Coordinator and Deputy Director of the humanitarian and refugee crisis in the Great Lakes Region, and UNHCR Representative in India, Italy, Malta, the Holy See and the Republic of San Marino.

Mr. Mahiga holds a PhD in Philosophy and International Relations from the University of Toronto, Canada.  He was born on 28 August 1945 and is married with three children.

The Secretary-General expresses his deep appreciation to Mr. Ould-Abdallah for his dedicated service and exemplary leadership on Somalia over the last three years.  During his tenure, Mr. Ould-Abdallah has worked hard to bring international attention to Somalia — one of the world’s worst humanitarian and political crises.  Through his efforts, the people of Somalia have the Djibouti Peace Agreement, on which current peace and reconciliation efforts in Somalia are built on, as well as the recently adopted Istanbul Declaration that serves as a political pact between the International community and the Somali people on political, security, development and reconstruction issues.

Source: UN, Department of Public Information • News and Media Division • New York

Xoghayaha Guud ee Qaramada Midoobay, ayaa u magacaaby, Augustine Mahiga, in uu noqdo Ergeygiisa Gaarka ah ee Soomaaliya.

Waxaa uu beddelayaa Axmed Ould Abdallah.

Augustine Mahiga, waxaa uu hadda yahay Wakiilka Joogtada ah ee Tanzania u fadhiya xarunta Qarama Midoobay ee New York.

Sida taa ku cad, wuxuu u dhash Tanzania.

Ahemd Ould Abdallah, oo hadda xilka wareejin doona, waxaa uu isku darsaday waxyaabo dhowr ah oo laga yaabo in ay ka caawiyeen fahamkiisa Soomaalida iyo wadashaqeynta uu la leeyahay.

Abdallah, marka hore waa nin muslim ah. Sida Soomaalida ayuu ka soo jeedaa dal Carab-Afrikaan ah, markaa wuxuu ku hadlaa af Carabi. Wuxuu Soomaalida la wadaagaa oo kale dhaqanka reer guuraaga.

Intuba waxay u sahleen in ay is fahmaan Soomaalida, siiba ragga magaca diinta siyaasadda ku soo galay oo qaar badan oo ka mid ahi ay ku hadlaan af Carabi.

Laakiin arrimahaas ka sokow, Abdallah waa diblomaasi gaammuray.

Wuxuuna xididdo gun dheer ku leeyahay dalal codkooda aad looga dhegeysto Golaha Ammaanka ee Qarammada Midoobay.

Agustine Mahiga, waa diplomaasi khibrad dheer u leh Qarammada Midoobay.

Wuxuuna dabcan ka soo jeedaa geeska Afrika.

Wasiirkii Qorsheynta iyo iskaashiga Caalamiga C/raxmaan C/shakuur Warsame ayaa iska casilay xilkii uu ka hayay Golaha Wasiirada, isagoo sheegay in Xukuumada ay gabtay waxyaabihii loo igmaday.

C/raxmaan C/shakuur ayaa isagoo ku sugan Magaalada Nairobi ayaa waxaa uu sheegay in Xukuumada ay fulin weyday ammaanka, Dib u Heshiisiinta, Bani’aadanimada iyo in dadkii ka barakacay dagaalada ay dib u soo celiso, taasoo uu ku qeexay in ay qeyb ka aheyd shirkii Jabuuti.

“Afar qodob ayay Xukuumada wax ka qaban weysay, taas ayaa u sabab u aheyd waxqabad la’aanta”ayuu yiri C/shakuur oo sheegay in waraaqdiisa Istiqaalada ay gaartay Madaxweynaha iyo Ra’iisul Wasaaraha.

C/raxmaan C/shakuur oo ka mid ahaa Xerta Aala-Sheykh ayaa waxaa saacadihii u dambeeyay uu ka mid ahaa shaqsiyaadka la hadal hayay inuu is casili doono, waxaana la ogeyn in wasiiro kale ku soo biiri doonaan iyo in kale.

Waxaa uu ka mid ahaa Wasiiradii gacanta midig ee Madaxweyne Shariif, wuxuu ahaa Hogaamiyihii Shirkii Jabuuti, isagoo hogaaminayay Kooxdii ARS-ta, waxaana uu noqonayaa wasiirkii afaraad ee ka tagay Xukuumada Cumar C/rashiid

Wasiirka Tacliinta Sare Maxamed Cabdullaahi Omaar oo hadda London jooga ayaa is casilay.Xasan Macallin, Wasiiru Dowlaha Madaxtooyada ayaa isna casilay.Wasiirka uu ilaa bishii April ku sugnaa magaalada London, ayaa xaqiijiyay in uu is casilay, hase yeeshee, kama uusan waramin sababta ku abuurtay inuu is casilo.

Wararka Muqdisho naga soo gaaraya waxay sheegayaan in Wasiiru Dowlaha Difaaca, Yusuf Siyaad Indhacadde uu isaguna is casilay.

Saddexda Wasiir oo is casilay laba waa niman ku dhow dhow Madaxweynaha oo dowladda dhinaciisa ka soo galay.

Xasan Macllin wuxuu ahaa gacan yarihiisa maalmihii uu Sheekh Shariif ku jiray Olalaha doorashada iyo markii uu Madaxweyne noday labadaba.

Ka dib wuxuu u dallacay Wasiiru Dowlaha, waxaana lagu tirayaa intii Sheekh Shariif xilka hayay in uu Xasan macallin ka mid yahay ragga xogta ugu badan u xafiday

Yusuf Siyaad Indhacadde waxay Shiikh Shariif wada shaqeynayeen ilaa iyo berigii Maxkamadaha oo Indhacadde uu madax u ahaa ciidanka.

Markii uu Madaxweynuhu hadda ka hor sheegay in uu shaqada ka fariisiyay Ra’iisal Wasaaraha, wuxuu Indhacadde ahaa Wasiirka keliya ee si aan qarsoodi lahayn u eedeeyay raiisal Wasaaraha.

Ugu yaraan hal Wasiir oo kale ayaa la sheegay in uu isaguna is casilay.

Lama yaqaan sababta ay Wasiirradu isu casileen.

Laba ayay mid noqon kartaa.

In ay ka saluugeen waxqabad la’aanta dowladda iyo in tani ay tahay shirqool loogu dan leeyahay in looga takhaluso Ra’iisal Wasaaraha.

Wararka naga soo gaaraya Magaalada Muqdisho ayaa sheegaya in khilaaf u dhaxeeya Madaxweynaha iyo Ra’iisal Wasaaraha uu sababay in ay is casilaan wasiiro dhawr ah oo ku dhaw madaxweynaha.

Wasiiru Dowlaha Wasaaradda Gaashandhigga Dowladda KMG ah Yuusuf Maxamed Siyaad Indha Cadde ayaa sheegay in is casilaadiisa u gudbiyay Ra’iisal Wasaare Cumar C/rashiid.

Wasiirada la tuhunsan yahay in ay is casileen waxaa ka mid ah Maxamed C/llaahi Omar iyo xubno kale.

Wixii war ah oo ku soo kordhay kala socda wararkeena soo socda.

Warar lagu kalsoon yahay ayaa sheegaya in Muqtaar Rooboow (Abuu Mansuur) oo ah horjoogaha labaad ee kooxda Alshabaab uu dhawaac ka soo gaaray hawlgal ay dhawaan sameeyeen ciidamada dawladda Soomalia

Wararka ayaa sheegaya in Muqtaar Rooboow uu ka dhawaacmay ka gaaray dhabarka horjoogahaan maalinkii khamiista, xilli uu ku sugnaa aag dagaal oo ka tirsan degmada Kaaraan ee gobalka Banaadir.

Dhaawaca soo gaaray Mukhtar Rooboow ayaa ka danbeeyay ka dib markii   madfac uu ku dhacay goob uu ku sugnaa, waxaana goobta laga qaaday isaga oo uu ku jiro firirkii galay.

Xaaladda Mukhtaar Roobow ayaa la sheegaya in ay tahay mid halis ah wararka ayaa intaa waxay ku darayaan in uusan istaagi karin maadama dhabarka dhaawac halis ah ka soo gaaray.

Gudoomiyaha cusub ee Barlamanka Soomaaliya iyo wafdi uu hogaaminayo ayaa barqanimadii maanta ka dhoofay garoonka diyaaradaha ee magaalada Muqdsiho.

Gudoomiyaha Barlamanka iyo wafdiga uu hogaaminayo oo kur u dhaafayay ilaa 10 xubnood ayaa ku sii jeeda magaalada Nairoobi ee xarunta dalka Kenya, iyagoo halkaasi kula kulmi doonan mas’uuliyiinta hey’ada UNDP iyagoo kala hadli doona sidii hey’adu ay u bixin laheyd xuquuqda mudanayaasha Barlamanka.

Safarkan ayaa noqonaya kii ugu horeeyay ee Gudoomiyaha cusub ee Barlamanka uu dibada ugu dhoofo tan iyo markii dhawaan mudanayaasha Barlamanka Soomaaliya ay si rasmi ah ugu doorteen Gudomiyaha Barlamanka Shariif Xasan Sheekh Aadan iyo ku xigeenadiisaba.

Wafdiga ayaa hadda gaaray Magaalada Nairobi ee dalka kenya.

Laba nin oo laga qabtay garoonka diyaaradda e JFK ee magaaladda New York ayaa lagu soo oogay danbiyo ah in ay lug ku lahaayeen mu’aamar ah in ay qaadaan falal argagixiso oo caalmi ah.

Saraakiisha Mareykanka ayaa sheegay in labadan nin oo kala ah, Maxamed Maxamud Alissa iyo Karlos Edwardo Almonte ay ku talo jireen in ay ku biiraan Ururka Al shabaab, iyagoo qorsheenayay in ay dil, dhawac iyo aftuud u geystaan Mareykanka ku nool dalka Dibadiisa.

Labadan nin ayaa la xiray iyagoo laba diyaaradood oo kale duwan u raaci lahaa dalka Masar. Labadan nin ayaa waxay heystaan dhalashaday dalka Mareykanka.

Mr. Elessa oo ku dhashay dalka Mareykanka ayaa waalidkii waxay ka yimaadeen Falastiin, halka Mr. Almonde uu ku dhashay Jamhuuriyada Domenika.

Ciidamada amaanka ee Mareykanka ayaa labada nin baarayay oo daba socoday laga soo bilaabo 2006dii.

Taliyaha ciidanka boliiska ee magaalada New York ayaa sheegay in labadan nin ay tageen dalka Urdun sanadkii 2007dii, iskuna dayeen in ay galaan dalka Ciraaq, hase ahaatee waxaa dib u soo celiyay dadkii ay ka filayeen in ay tababar siiyaan

Ciidamada Dowladda KMG ah ee Soomaaliya ayaa maanta horumar ka sameeyay dagaalo ay la galeen Xoogaga Mucaaradka, iyagoo isku fidiyay goobaha ay ku sugnaayeen, kadib dagaal qaraar oo saaka ka dhacay qeybaha Waqooyi bari ee Muqdisho.

Dagaaladii saaka oo ahaa mid qorsheysan oo ay qaadeen Ciidamada Dowladda KMG oo ay wehlinayeen Ciidamada AMISOM ayaa waxay galeen dhinaca xeebta ee degmada C/casiis, halkaasoo dagaal faraha looga gubtay ka dhacay.

Wararka ayaa sheegaya in Ciidamada Dowladda oo ah kuwa tababarka ku soo qaatay dalka Uganda ay la wareegeen Xeebta Liido Mirinaayo iyo wadada kaluunka oo ahaa meelo ay ku sugnaayeen Mucaaradka.

Ciidamada Dowladda ayaa lagu arkay Xaafado ka tirsan degmooyinka Kaaraan iyo C/casiis oo ay horay u joogeen Shabaab, waxaana Ciidamada ay joogaan Kawaan Bari, Isgoyskii Jiiro Wacbuudhan iyo qeybo kale.

Taliyaha Ciidamada Lugta Cali Cosoble Caraaye oo loo yaqaano Gacmaduule ayaa guulo ka sheegtay dagaalka, isagoo sheegay in ay tiro ka dileen dhinacyadii la dagaalamayay, waxaana uu meesha ka saaray in ay Ciidamada Dowladda dib u soo laabtaan, sida horay looga bartay.

Ciidamada Dowladda ayaa wali si tartiib tartiib ugu sii siqaya goobaha ay ku sugnaayeen Xoogaga ka soo horjeeda oo ay ku qaadeen duulaan ballaaran, waxaana muuqday in dagaalka loo galay qaab istiraatiiji ah oo ka duwan qaababkii hore.

Dagaalada oo aan wali lagu kala bixin ayaa bilowgiisa u muuqda mid libinta dhinaca dowladda ay xigto, kadib markii weeraro qorsheysan oo ay in muddo ahba ka baaraan dageysay saaka ku qaaday waqooyiga Muqdisho.

Afhayeenka Alshabaab Cali Dheere ayaa sheegay in dagaalka lagu soo qaaday saaka, isla markaana dhinacooda iska caabiyeen.

Dagaalada ayaa waxay ahaayeen kuwo sababay dhimasho iyo dhaawac ayaa waxaa bar bar socday duqeymo xoogan oo ka dhacayay qoriga Taangiga iyo madaafiicda goobta, waxaana ku dhintay ku dhowaad 20-ruux, halka ay ku dhaawacmeen afartameeyo

Toddobo qof ayaa ku dhintay, tiro ka badanna waa ay ku dhaawacmeen dagaal saaka dib uga bilowday degaanno u dhow dhow magaalada Dhusamareeb ee xarunta gobolka Galgaduud ee Soomaaliya.

Dagaalka maanta wuxuu daba socday mid culus oo shalay isla dhulkaas ku dhexmaray Ciidamada Ahlu sunna iyo maleeshiyada shabaab  kaas oo looga dilay shabaabka 11 dablay.

Sida wararku sheegayaan dadka ku nool xarunta gobolka galgaduud ee Dhuusa-mareeb,ayaa saaka bilaabay inay ka qaxaan magaalada iyagoo ka baqaya in dagaaladu soo gaaran magaalada.

Dadkii ku dhaawacmay dagaaladii shalay oo muddo dheer socday ayaa wararku sheegayan in la kala geeyey magalooyinka Guri-ceel iyo ceel-buur oo isla gobolka galgaduud ka wada tirsan.

Ciidamada Ahlu sunna ayaa dagaal adag kula jira maleeshiyada shabaab iyo dagaalyahano al qaacida ee gabaadka ka dhigtay dalka soomaaliya.

Culumaa’udiinka Ahlu Sunah Waljamaacah ayaa ka hadlay dagaalo maanta Ciidamadooda ku dhex maray qeybo ka mid ah Gobolka Galgaduud ee bartamaha Soomaaliya dablayda shabaab.

Afhayeenka Culumaa’udiinka Ahlu Sunah Abuu Yuusuf Al-Qaadi ayaa sheegay in dagaaladii maanta ay guulo ka gaareen, isla markaana ay Ciidamadooda qaadeen weerar, kadib markii uu sheegay in ay ka war heleen in Shabaab duulaan ku yihiin deegaanka Godin-labe.

“Ciidamada waxay heleen macluumaad ah in Khawaarijtu ay duulaan ku yihiin deegaanka Godin-labe, waxaana gaaray jab lama ilaabaan ah, waxay uga carareen goobtaas 15-meyd, saddex maxaabiis ahaan ayaa looga qabtay”ayuu yiri Abuu Yuusuf oo intaa ku daray in dhinacooda hal Sheekh uu ka shahiiday sida uu hadalka u dhigay.

Shabaabka ayaa jab xun ka soo gaaray dagaalada manta, waxaana la soo sheegaya in dhimasho iyo dhaawac fara badan loo geystay dablayda shabaab

Madaxweynaha Soomaaliya, Shariif Sheekh Axmed, ayaa ka hadlay kulankii Madaxweynayaasha Africa –iyo France ee ka socda magaalada Nice, ee dalkaasi France.

Ugu horrayn, waxa uu Madaxweynuhu uga mahad celiyey bulshada caalamka, gaar ahaan Africa, taageera ay siiyeen dowladda Soomaaliya si loo soo celiyo amniga iyo kala danbaynta burburtay 1991 dii markii ay Jabhadaha hubeysan meesha ka saareen Xukunkii Jeneraal Maxamed Siyaad Barre.

Madaxweynaha Dowladda KMG ah Shariif Sh Axmed waxa uu ugu baaqay shirkadaha waaweyn ee France in Soomaaliya ay tahay dal qani ah oo u baahan dib-u-dhis, lehna khayraad noocyo badan oo dabiici ah, kuwaas oo isugu jira  macdan, xoolaha nool, beero, khayraadka badda, gaas dabiici ah iyo shidaal, isaga oo caddeeyey in dadka iyo dowladda Soomaaliyeed ay diyaar u yihiin ciddii gacan ka siinaysa daah furka khayraadkaas iyo  iskaashi iyo hurumarinta dhaqaalaha Soomaaliya isaga oo xusay in shirkii Turkey ee asbuucii hore ay yimaadeen ganacsato Soomaaliyeed oo ku firfircoon ganacsiga.

Waxa kale oo uu Madaxweynuhu ku dheeraaday, in dhibaatooyinka burcadda badda iyo kuwa ay soo dhoofisay Al Qaacidda in ay yihiin, kuwo ka yimid berriga isla markaana baahay markii ay dhexda ka bexeen hay’adihii dowladda ee sugi lahaa amniga bulshada gaar ahaan  kuwii u sahli lahaa dhallinyarada fursad nololeed oo uga wanaagsan burcadnimada iyo u-dagaallanka argagixisada Al Qaacidda.