Wararka laga helayo Gobalka Galgauud ayaa sheegaya in uu gaaray degmada Gure-ceel Jen. Maxamed Nuur Galaal oo ka mid ah Saraakiisha Sar sare ee Ciidamadii Xoogga dalka Soomaaliyeed kaas oo ka soo duulay Magaalada Nairobi ee dalka Kenya.
Â
Gen, Galaal oo safarka uu ku tagay Magaalada Guri-ceel ee Gobalka Galgaduud uu ku wehliyay Guddoomiyaha degmada ee Maamulka Culimada Ahlu Sunna Waljameeca Cismaan Ciise Nuur (Taar-dhuleed) ayaa waxaa siweyn halkaas ugu soo dhaweeyay waxgaradka degmada Gure-ceel iyo Saraakiil sar sare oo ka tirsan Ahlu Sunna Waljameeca.
Â
Sida ay sheegayan wararka laga helayo Gobalka Galgaduud Gen. Galaal ayaa kulan saacado badan qaatay waxaa uu la galay waxgaradka degmada Gure-ceel iyo Saraakiil ka tirsan Maamulka Ahlu Sunna ee Goballada dhexe kaas oo uu hoggaaminayay Guddoomiyaha Gudigga Fulinta Maamulka Ahlu Sunna Maxamed Yuusuf Xeefow.
Â
Lama oga sababaha la xiriira socdaalka uu Galaal ku tagay degaanadaas oo dhawr jeer hore ku dagaalameen shabaab iyo Ahlu sunna.