Saraakiil saaran Markab dagaal oo uu Mareykanka leeyahay oo ku sugan Xeebaha Soomaaliya ayaa waxay sheegeen in kooxo burcad Badeed ah oo Markab ay qafaasheen ku heysta Xeebaha Soomaaliya ay rasaas ku fureen Diyaarad Helicopter ah oo ay Ciidamada Badda Mareykanka leeyihiin.

Saraakiishan waxay sheegeen in shalay oo Arbaco ahayd la rasaaseeyay Diyaaraddaas, waxay ay xuseen in ay jirin wax dhaawac ah oo soo gaaray diyaaradda iyo ciidamadii saarnaa.

Diyaaraddaas Helicopterka ah ee la rasaaseeyay ayaa waxay ka soo dul-kacday Markab dagaal oo uu Mareykanka leeyahay, kaasi oo lagu magacaabo USS Chancelorsville, iyadoo xiligaasna ay diyaarada duuleysay hawada Degmada Hobyo oo ah halka lagu heysto Markab sita Calanka Taiwan, kaasi oo lagu magacaabo Win Far.

Markabka Win Far ee ay heystaan Kooxaha Burcad Badeedka ayaa waxaa saaran 30 shaqaale ah, waxaana la qafaashay bishii April ee aynu ka soo gudubnay. Xeebaha Soomaaliya oo ay haatan ku sugan Maraakiib dagaal iyo Ciidamo badan oo ka socda dalalka Caalamka ayaa waxaa weli ka qowleysta kooxo Burcad Badeed ah oo qafaasha Doomaha iyo Maraakiibta ku socdaala