Kooxda ku amar ku taagleeysa Kismayo ee shabaab oo degaanka an ka raali aheeyn aya aad ugu kala qeeybsamay sidi loo maamuli laha magaaladan xeebta ku taal, sida ay sheegeen xubno ka tagay Kismayo kadib marki khilaaf weeyn abuurmay.
Xubnahan oo haatan ku sugan meel u dhow Magaalada Afmadow aya sheegay in shabaabka xubno ka mid ah ay rabaan in xataa haddi dalka laga saaro intiisa u badan in ay sii joogaan Jubada Hoose, fikirkan waxa wata dagaalyahanada shisheeye ninka la yir Sheekh Abubakar Seylici, oo iska badalay magaciisii aha Ibrahim Haji Jamac Meecaad.
Waxa ay xubnahani sheegeen in dadweeynaha Kismayo ay naceen maamulki an micnaha badan laheeyn ee askariga Barre Aden Shire Hirale oo degaanka xoog ku joogay taasina ay keentay ee dableeyda shabaab a soo dhaweeyo.
“Hada si isku mid ah aya loo nacay shabaab iyo Barre, waxaana dhici karta in si cad loo hor joogsado haddi maamulka dhulka an lagu wareejin gudi wax tar ah,” ayu yiri ninkaasi oo ku soo gaabiyay magaciisa Xassan.
Burburkan ku soo socda shabaab aya lagu tilmaamay mid halis ah ee wiiqeeysa kooxdan xooga ku heeysata dhul badan ee ka mid ah koonfurta Somaaliya, waxaase laga sifeeyay dableeydan sheegata magaca diinta inta badan gobolada dhaxe ee Somaaliya.
Waxaana si adag loo ilaaliya dhalinta ka tirsan beesha Absame ee ka mid ah shabaab, sida ay sheegeen xubnahan soo fakaday.
Shabaabku waxay si aad dadnimada ugu xun ku xukumaan Kismayu iyaga cuskanaya aayado quraan ee si qalad ah ay u tarjumaan.